Հազարապետ Գասպարյան

Վիքիպեդիայից՝ ազատ հանրագիտարանից
Jump to navigation Jump to search
Հազարապետ Գասպարյան
Ծնվել է1918
ԾննդավայրՆոր Բայազետ
Մահացել էանհայտ
ՔաղաքացիությունFlag of the Soviet Union.svg ԽՍՀՄ
Ազգությունհայ
ԿրթությունՀայկական պետական մանկավարժական համալսարան
Մասնագիտությունմանկավարժ
ԿուսակցությունԽՄԿԿ
Պարգևներ և
մրցանակներ
Հայրենական պատերազմի II աստիճանի շքանշան Փառքի երրորդ աստիճանի շքանշան «Մոսկվայի պաշտպանության համար» մեդալ և «Վարշավայի ազատագրման համար» մեդալ

Հազարապետ Երվանդի Գասպարյան (1918, Նոր Բայազետ - անհայտ), հայ մանկավարժ։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։ ԽՄԿԿ անդամ (1944)։

Կենսագրություն[խմբագրել | խմբագրել կոդը]

Հազարապետ Գասպարյանը ծնվել է 1918 թվականին, Նոր Բայազետ (այժմ Գավառ) քաղաքում։ 1936-1937 թվականներին ավարտել է Կամոյի մանկավարժական ուսումնարանը։ 1937-1939 թվականներին հայոց լեզու է դասավանդել Մարտունու շրջանի Թազագյուղի 8-ամյա դպրոցում[1]։

1939 թվականին զորակոչվել է Կարմիր բանակ։ Ծառայել է 11-րդ տանկային դիվիզիայի 214-րդ հետախուզական տանկային գումարտակում։ Եղել է ռադիստ-հրաձիգ, ապա՝ քաղղեկի տեղակալ։ 1940 թվականին մասնակցել է Բեսարաբիայի ազատագրմանը։ Գերմանա-խորհրդային պատերազմի առաջին օրերից մասնակցել է թշնամու դեմ մղված մարտերին Հարավ-Արևմտյան ռազմաճակատում։ Մարտերից մեկում վիրավորվել է և 1941 թվականի նոյեմբերին, Ստալինգրադ քաղաքում բուժվելուց հետո, քաղաքի տրակտորի գործարանից ստացել է տանկեր և մեկնել Մոսկվա։ Մասնակցել է Վոլոկոլամսկ և Կլին քաղաքների պաշտպանության մարտերին, ինչպես նաև Մոսկվայի մատույցներում գերմանական զորքերի ջախջախմանը։ 29-րդ գվարդիական ծանր տանկային բրիգադի կազմում մասնակցել է Կրիվոյ Ռոգի ազատագրմանը։ 70-րդ Սիրյան ծանր տանկային գվարդիական գնդի կազմում մասնակցել է Լյուբլինի, ապա՝ Վարշավայի ազատագրման մարտերին, որտեղ վիրավորվել է։ Բուժվելուց հետո վերադարձել է 70-րդ գունդը։ 1945 թվականի հունվարի 24-ից մասնակցել է Վարշավայից արևմուտք մղվող մարտերին, հասել է մինչև գերմանական Շնայդեմոլ քաղաքը, որից հետո գործուղվել է Գորկի քաղաքի ռազմաքաղաքական ուսումնարան։ Գասպարյանը պարգևատրվել է Հայրենական պատերազմի 2-րդ աստիճանի, Փառքի 3-րդ աստիճանի շքանշաններով, «Մոսկվայի պաշտպանության համար», «Վարշավայի ազատագրման համար» և այլ մեդալներով[1]։

Գասպարյանը զորացրվել է 1946 թվականին, ավագ լեյտենանտի կոչումով։ 1944 թվականին ընդունվել է կոմունիստական կուսակցության շարքերը։ Ավարտել է Երևանի հեռակա մանկավարժական ինստիտուտը։ Երկար տարիներ եղել է Վերին Գետաշենի միջնակարգ դպրոցի տնօրենը[1]։

Պարգևներ[խմբագրել | խմբագրել կոդը]

  • Հայրենական պատերազմի 2-րդ աստիճանի շքանշան
  • Փառքի 3-րդ աստիճանի շքանշան
  • «Մոսկվայի պաշտպանության համար» մեդալ
  • «Վարշավայի ազատագրման համար» մեդալ

Ծանոթագրություններ[խմբագրել | խմբագրել կոդը]