ՀՀ ճգնաժամային կառավարման պետական ակադեմիա
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
ՀՀ ճգնաժամային կառավարման պետական ակադեմիա | |
---|---|
Հապավում | ՃԿՊԱ |
Տեսակ | բարձրագույն ուսումնական հաստատություն և գիտահետազոտական ինստիտուտ |
Միջազգային անվանում | Crisis Management State Academy |
Հիմնադրված է | 1992 |
Տիպ | ակադեմիա |
Ռեկտոր | Համլետ Մաթևոսյան |
Տնօրեն | Համլետ Մաթևոսյան |
Երկիր | Հայաստան |
Տեղագրություն | Երևան |
Հասցե | Հայաստան, 0040, ք. Երևան, Աճառյան փողոց, 1 շենք |
Կայք | cmsa.am |
Crisis Management State Academy Վիքիպահեստում |
ՀՀ ԱԻՆ Ճգնաժամային կառավարման պետական ակադեմիա, կրթական ու գիտական պետական բարձրագույն ուսումնական հաստատություն, Հայաստանի փրկարարական ծառայության բուհ, ստեղծվել է 1999 թվականին՝ 1992 թվականին հիմնադրված արտակարգ իրավիճակներում գործելու համար մասնագետների վերապատրաստման ինստիտուտի հիմքի վրա։
Պատմություն[խմբագրել | խմբագրել կոդը]
1992 թվականին ՀՀ կառավարության որոշմամբ հիմնադրվել է որպես ՀՀ ԱԻ պետական վարչության նյութական բազայի և ԱԻ-ում գործելու համար մասնագետների վերապատրաստման ինստիտուտ։ 1999 թվականին վերանվանվել է Ճգնաժամային կառավարման ինստիտուտի, 2003 թվականին՝ «Ճգնաժամային կառավարման ինստիտուտ» ՊՈԱԿ-ի, 2005 թվականին՝ Ճգնաժամային կառավարման պետական ակադեմիայի։
Պատրաստում է արտակարգ իրավիճակներում բնակչության պաշտպանության և քաղաքացիական պաշտպանության բնագավառների մասնագետներ՝ ճգնաժամային կառավարում, փրկարար գործ, քաղաքացիական պաշտպանություն, հրդեհային պաշտպանություն, պաշտպանությունն արտակարգ իրավիճակներում, տրանսպորտային և հրշեջ-փրկարարական հատուկ տեխնիկայի ու սարքավորումների շահագործման և սպասարկման մասնագիտություններով։ Կրթությունը երկաստիճան է, ունի հեռակա բաժին։ Իրականացնում է նաև վերաորակավորման, միջին մասնագիտական, հետբուհական և լրացուցիչ կրթական ու գիտական ծրագրեր։
Ուսուցում[խմբագրել | խմբագրել կոդը]
Ակադեմիայում աշխատանքներ են իրականացվում հետևյալ ուղղություններով՝
- Ղեկավար կազմի և մասնագետների վերապատրաստում, որակավորման բարձրացում
- Արտակարգ իրավիճակներին դիմակայելու հարցերով բնակչության ուսուցում
- Գիտամեթոդական աշխատանքներ
- Միջազգային համագործակցություն
- Բարձրագույն կրթական ծրագրերով մասնագետների պատրաստում
- Միջին մասնագիտական կրթական ծրագրով մասնագետների պատրաստում