Կուվադի համախտանիշ

Վիքիպեդիայից՝ ազատ հանրագիտարանից
Jump to navigation Jump to search

Կուվադի համախտանիշ (հայտնի է նաև համակրելի հղիություն անվամբ), համախտանիշ, որը հանդիպում է միայն տղամարդկանց մոտ։

Ախտանիշներ[խմբագրել | խմբագրել կոդը]

Կուվադի համախտանիշով տառապող հիվանդների մոտ դրսևորվում են հղի կնոջ ախտանիշներ[1]: Դրանք հիմնականում լինում են քաշի ավելացումը, հորմոնային փոփոխությունները, առավոտյան սրտխառնոցը, խանգարված քունը: Առավել ծայրահեղ դեպքերում կարող են արձանագրվել երկունքային ցավեր, հետծննդաբերական դեպրեսիա և քթից արյունահոսություն[2]: Այլ ախտանիշերից են ատամնացավը[3], գլխացավը, ողնաշարի ցավը, ախորժակի փոփոխություն, փորլուծություն, անքնությունը[4] և ականջակեղտի առատ արտադրությունը:

Համախտանիշի առաջացման հոգեբանական պատճառներն են անհանգստությունը, պտղի հետ նույնականացումը, հայր դառնալու անսպասելիությունը և անպատրաստվածությունը, խանդը[3][5]:

Այնուամենայնիվ, շատ բժիշկներ Կուվադի համախտանիշը որպես այդպիսին չեն ընդունում[6] : Ոմանք կարծում են, որ այն հոգեսոմետիկ բնույթ է կրում, ոմանք էլ համարում են, որ այն իր կենսաբանական պատճառներն ունի` կապված հատկապես հորմոնալ փոփոխությունների հետ[4]:

Պատմություն[խմբագրել | խմբագրել կոդը]

Ուսումնասիրությունները ցույց են տվել, որ շատ դեպքերում Կուվադի համախտանիշ արտահայտվում է հղի կին ունեցող տղամարդկանց մոտ: Նրանց մոտ պրոլակտին, հիդրոկորտիզոն և տեստոստերոն հորմոնների փոփոխություն է գրանցվում հիմնականում կնոջ հղիության առաջին երեք ամիսների ընթացքում, ինչը կարող է շարունակվել հետծննդաբերական շրջանում ևս[7]:

1920-ական թվականներին Ֆրանսիայում կատարած ուսումնասիրությունների համաձայն Կուվադի համախտանիշով առավել հաճախ տառապում են այն տղամարդիկ, ովքեր սեռական հարաբերություններում գերիշխող դերակատարում չունեն[8]:

Ծանոթագրություններ[խմբագրել | խմբագրել կոդը]

  1. Lack Evonne (April 2012)։ «Strange but true: Couvade syndrome (sympathetic pregnancy)»։ Baby Center Կաղապար:Self-published inline
  2. Counihan Carole (1999)։ The Anthropology of Food and Body: Gender, Meaning, and Power։ New York: Routledge։ էջ 69։ ISBN 978-0-415-92193-0 
  3. 3,0 3,1 Klein Hilary (1991)։ «Couvade syndrome: Male counterpart to pregnancy»։ International Journal of Psychiatry in Medicine 21 (1): 57–69։ PMID 2066258։ doi:10.2190/FLE0-92JM-C4CN-J83T 
  4. 4,0 4,1 «Partners suffer from phantom pregnancy»։ BBC։ 14 June 2007։ Վերցված է 20 April 2012 
  5. Griffiths Mark (2012)։ «Things That Go Bump: A Brief Overview of Couvade Syndrome» Կաղապար:Self-published inline
  6. «Sympathetic Pregnancy: Is Couvade Syndrome Real?»։ BabyMed 
  7. Storey Anne E., Walsh Carolyn J., Quinton Roma L., Wynne-Edwards Katherine E. (March 2000)։ «Hormonal correlates of paternal responsiveness in new and expectant fathers»։ Evolution and Human Behavior 21 (2): 79–95։ PMID 10785345։ doi:10.1016/S1090-5138(99)00042-2 
  8. Abensour Léon (1921)։ Histoire générale du féminisme des origines à nos jours [General History of feminism origins to the present day] (French)։ Delagrave։ էջ 11։ OCLC 220162157 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]