Կուսածաղիկ փոքր

Վիքիպեդիայից՝ ազատ հանրագիտարանից
Jump to navigation Jump to search
Կուսածաղիկ փոքր
Vinca minor ziedai, 2006-05-03.jpg
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Շնամեռուկազգիներ
Տեսակ Կուսածաղիկ փոքր
Լատիներեն անվանում
Vinca minor


Կուսածաղիկ փոքր (լատ.՝ Vinca minor), շնամեռուկազգիների ընտանիքին պատկանող դեղաբույս։

Նկարագրություն[խմբագրել | խմբագրել կոդը]

Մշտադալար, բարակ հորիզոնական կոճղարմատով բազմամյա խոտաբույս է։ Քուղանման հավելյալ արմատները փնջերով աճում են 70 սմ երկարությամբ կոճղարմատի հանգույցներից։ Պառկած ցողունը ճյուղավոր է և 60 սմ երկարությամբ։ Ծաղկակիր ընձյուղները փռվող են և ուղղահայաց։ Հակադիր դասավորված, մերկ, կաշվեկերպ, կարճակոթ տերևների ծայրերը սրված են։ Կանաչ բաժակով և ձագարաձև կապտամանուշակագույն պսակով գեղեցիկ հնգանդամ ծաղիկներն աճում են տերևածոցերում՝ երկար ծաղկակիրների վրա։ Պսակի երկար նեղ խողովակն ավարտվում է լայնացած հետծալքով։ Տերևապտուղները երկարավուն են[1]։

Տարածվածություն[խմբագրել | խմբագրել կոդը]

Կուսածաղիկը այգիներում և պուրակներում աճեցվող գեղազարդային թունավոր բույս է։ Հանդիպում է Երևանի շրջակայքում և բուսաբանական այգու տարածքում[1]։

Նշանակություն[խմբագրել | խմբագրել կոդը]

Բուժական նպատակներով օգտագործում են բույսի վերգետնյա մասը, հաճախ տերևները։ Արտաքին կիրառման եղանակով օգտագործում են ցաների և մաշկային այլ հիվանդությունների բուժման համար[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Ծատուրյան Թամարա, Գևորգյան Մարգարիտա (2014)։ Պողոսյան Ա․, Զաքարյան Ն․, eds.։ Հայաստանի վայրի դեղաբույսեր (հայերեն)։ Երևան: Լուսակն։ էջ 315։ ISBN 9789939834689