Կունստհաուս (Գրաց)

Կունստհաուս
Տեսակ	պատկերասրահ
Երկիր	Ավստրիա
Տեղագրություն	Գրաց
Հիմնադրվել է	2003
Կայք	museum-joanneum.at/en/kunsthaus-graz

Գրացի կունստհաուս (ոչ պաշտոնական՝ անգլ.՝ the friendly alien — բարեկամ այլմոլորակային), ավստրիական Գրաց քաղաքի թանգարան և ժամանակակից արվեստի պատկերասրահ, որը բացվել է 2003 թվականին, «Եվրոպայի մշակութային մայրաքաղաք» ծրագրի շրջանակներում։ Կառույցի հիմնադրույթը մշակել են լոնդոնցի ճարտարապետներ Փիթր Քուքը անգլ.՝ Peter Cook և Քոլին Ֆուրնիեն (անգլ.՝ Colin Fournier):

Ճարտարապետությունը

Շենքը կառուցվել է ճարտարապետական բլոբ ոճով՝ շրջակա շինությունների հետ ստեղծելով կտրուկ հակադրություն։ Հիմքը երկաթբետոնից է, արտաքին շերտը՝ երկնագույն պլաստիկ սալերից (պանելներից)։ Ու թեև շինարարությանը առանձնապես մեծ գումար չի հատկացվել, կունստհաուսն իրոք աչքի է ընկնում իր արտակարգ արտաքին տեսքով։ Իսկ ներքին կահավորանքը, Քոլին Ֆուրնիեի խոսքերով ասած՝ պետք է աճպարարի սև արկղը հիշեցնի։

Մեդիա-ճակատը

Կառույցի ճակատը ''realities:united'' ընկերության գործն է՝ իրականացված BIX տեխնոլոգիայով՝ իբրև մեդիա-ինստալացիա, որն զբաղեցնում է 900 մ² մակերես և կազմված է լուսավորվող տարրերից, որոնց կարելի է ծրագրավորել համակարգիչի օգնությամբ։ Դա թանգարանին հնարավորություն է ընձեռում հաղորդակցվելու շրջակա միջավայրի հետ։ Այդ ինստալացիան մի շարք միջազգային պարգևների է արժանացել։

Քաղաքաշինական նշանակությունը

«Բարեկամ այլմոլորակային»-ը վեր է խոյացել քաղաքի կենտրոնում՝ հին, պատմական շարվածքով, կղմինդրե տանիքներով շինությունների հարևանությամբ։ Եվ նրա հակադրումը հատկապես ժամացույցակիր աշտարակի հետ՝ կարծես մի ինքնատիպ երկխոսություն է ավանդույթի և ավանգարդի միջև։ Մշակութային այս նորօրյա օջախը դարձել է պատմական հուշարձաններով հարուստ Գրաց քաղաքի տեսարժան վայրերից մեկը՝ կարծես խորհրդանշելով յուրօրինակ մի կամուրջ անցյալի և ապագայի միջև։

Գրականություն

• Peter Cook: A Friendly Alien: Ein Kunsthaus für Graz. Hatje Cantz, Ostfildern Ruit 2004, ISBN 3-7757-1350-6.
• Jonathan Lee: 50 große Abenteuer. Besondere Orte und die Menschen, die sie geschaffen haben. Prestel Verlag, München 2006, ISBN 3-7913-3530-8.

Պատկերասրահ

• 
  Թանգարանի տեսքը թռչնի թռրիչքի բարձրությունից
• 
  Շենքի տեսքը արևմուտքից
• 
  BIX մեդիա-ճակատը
• 
  Թանգարանի շենքը գիշերով
• 
  Շենքի պլաստիկ տանիքը

Արտաքին հղումներ

• Offizielle Website
• Artikel über die Geometrie des Kunsthauses Արխիվացված 2007-01-10 Wayback Machine
• BIX Medienfassade
• Artikel des Bundesdenkmalamts (BDA) zum Bau des Kunsthauses Արխիվացված 2016-10-01 Wayback Machine (2003)
• Nachspann Kunsthaus Graz
• Eventbilder aus dem Grazer Kunsthaus
• Сайт музея

Վիքիպահեստն ունի նյութեր, որոնք վերաբերում են «Կունստհաուս (Գրաց)» հոդվածին։