Կորյուն Ռոստոմյան

Վիքիպեդիայից՝ ազատ հանրագիտարանից
Jump to navigation Jump to search
Կորյուն Ռոստոմյան
Ծնվել էապրիլի 16, 1918(1918-04-16)
Ղարաքիլիս, Գուգարքի շրջան
Մահացել էփետրվարի 24, 2002(2002-02-24) (83 տարեկանում)
Երևան, Հայաստան
Ազգությունհայ
Մասնագիտությունգիտնական
Ալմա մատերՀայաստանի ազգային պոլիտեխնիկական համալսարան
Գիտական աստիճանտեխնիկական գիտությունների դոկտոր և պրոֆեսոր

Ռոստոմյան Կորյուն Եզեկի (ապրիլի 16, 1918, Ղարաքիլիսա (այժմ՝ Վանաձոր) - 2002, փետրվարի 24, Երևան[1]), գյուղատնտեսության էլեկտրիֆիկացման բնագավառի հայ խորհրդային գիտնական։ Տեխնիկական գիտությունների դոկտոր (1967), պրոֆեսոր (1967)։ ԽՄԿԿ անդամ 1941 թվականից։

Կենսագրություն[խմբագրել | խմբագրել կոդը]

Ավարտել է Երևանի պոլիտեխնիկական ինստիտուտը (19461956-1960 թվականին եղել է ՀԽՍՀ անասնապահության, ապա ՀԽՍՀ գյուղատնտեսության մեքենայացման և էլեկտրիֆիկացման ԳՀԻ-ների բաժնի, 1960-1966 թվականին՝ Երևանի անասնաբուծական-անասնաբուժական ինստիտուտի գյուղատնտեսական արտադրության մեքենայացման և էլեկտրիֆիկացման, 1966-1979 թվականին՝ էլեկտրատեխնիկայի ամբիոնների վարիչ։ 1979 թվականից Հայկական գյուղատնտեսական ինստիտուտի գյուղատնտեսության էլեկտրիֆիկացման ամբիոնի վարիչն է։ Գիտական աշխատանքները վերաբերում են էլեկտրաէներգիայի արտադրման, բաշխման և գյուղատնտեսության մեջ կիրառելու հարցերին։ Ստեղծել է նոր ավտոմատ փոխադրամիջոցներ անասնապահական ֆերմաների համար, որոնք լայնորեն կիրառվում են ԽՍՀՄ տարբեր գոտիներում։ Ռոստոմյանը մշակել է մաթեմատիկական մոդելավորման կիրառման մեթոդիկա՝ գյուղատնտեսական բարդ համակարգերի (գյուղատնտեսական համալիրներ, կաթի արդյունաբերության մի շարք ձեռնարկություններ) ֆունկցիոնալ դինամիկայի հետազոտման համար։ Ռոստամյանը եղել է ԽՍՀՄ Մինիստրների խորհրդի գիտության և տեխնիկայի պետական կոմիտեի էներգիայի ու էլեկտրիֆիկացման, Լենինի անվան ԳԳԱ և դրա Անդրկովկասի բաժանմունքի, ԽՍՀՄ գյուղատնտեսության մինիստրության գլխավոր վարչության և այլ գիտությունների խորհուրդների անդամ։

Երկեր[խմբագրել | խմբագրել կոդը]

  • Երկերի փոխադրական աշխատանքների հոսքային գծերը անասնապահական ֆերմաներում, Երևան, 1962։

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png