Կովկաս (թերթ)

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տե՛ս՝ Կովկաս (այլ կիրառումներ)
Կովկաս
ռուս.՝ Кавказ
Кавказ. 1910. №237. — Титульный лист.jpg
Տեսակթերթ
Լեզուգրաբար
Հիմնադրվել է1846
ԵրկիրFlag of Russia.svg Ռուսական կայսրություն
ԳրասենյակԹիֆլիս, Թիֆլիսի գավառ
Լուծարվել է1918
Commons-logo.svg Kavkaz (newspaper) Վիքիպահեստում

«Կովկաս», քաղաքական և բանասիրական շաբաթաթերթ, հայերեն առաջին պարբերականը Կովկասում։ Լույս է տեսել 1846-1847 թվականներին Թիֆլիսում։ Խմբագիրներ՝ Հ. Արզանյան, Հ. Կարենյան։ «Կովկասը» «Kaвказ» («Կավկազ») թերթի տարբերակն էր[1][2]։

Նպատակն էր ծանոթացնել Կովկասի պատմությանը, աշխարհագրությանը, տեղաբնիկների կենցաղին ու սովորություններին։ Տպագրել է պետականպաշտոնական որոշումներ, Կովկասի փոխարքայի հրամաններն ու հրահանգները, ինչպես և առևտրական, տնտեսական, քաղաքական, բնույթի ինքնուրույն ու թարգմանական նյութեր, բանասիրական ուսումնասիրություններ։

Կարևոր տեղ է հատկացրել Հայաստանի և հայ ժողովրդի պատմության, մշակույթի ու գրականության, կրթության բնագավառներին վերաբերող նյութերին, հայ հեղինակների ստեղծագործություններին։ Տպագրել է նաև թարգմանություններ ռուս և արևմտաեվրոպական գրողներից։ Աշխատակցել են Գալուստ Շերմազանյանը, Համբարձում Էնֆիաճյանը, Ռոստոմ Երզնկյանը, Գաբրիել Պատկանյանը, Գևորգ Տեր-​Ալեքսանդրյանցը, Հովհաննես Լորիս-Մելիքյանը, Կարապետ Շահնազարյանը, Միքայել Պատկանյանը և ուրիշներ։

Լեզուն հիմնականում գրաբար էր։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 630 CC BY-SA icon 80x15.png