Կովկասյան հանքային ջրեր (ռուս.՝ Кавказские Минеральные Воды, КМВ, Կավկազսկիե միներալնիե վոդի, ԿՄՎ), բալնեոլոգիական առողջարանների շրջան, գտնվում է Ստավրոպոլյան բարձրության և Մեծ Կովկասի հյուսիսային լանջերի միացման սահմաններում։ Հարուստ է բազմատեսակ և առատ հանքային աղբյուրներով։ Գլխավոր առողջարաններն են՝ Պյատիգորսկը, Կիսլովոդսկը, Եսենտուկին, Ժելեզնովոդսկը։ Կովկասյան հանքային ջրերի շրջանն ամբողջությամբ բնորոշվում է չափավոր լեռնատափաստանային կլիմայով, օդի միջին ջերմաստիճանը՝ 7, 8 °C-ից մինչև 8, 6 °C, տարեկան տեղումները՝ մոտ 600 մմ։