Կոստանդին Մանասես

Վիքիպեդիայից՝ ազատ հանրագիտարանից
Jump to navigation Jump to search
Կոստանդին Մանասես
IwanAlexandarKonstantinosManassesBGhistory.jpg
Ծնվել էմոտ. 1130[1]
ԾննդավայրԿոստանդնուպոլիս, Բյուզանդական կայսրություն
Վախճանվել է1187[1][2]
Վախճանի վայրՆաֆպակտոս, Nafpaktia Municipality, Արևմտյան Հունաստան, Հունաստան
Մասնագիտությունհոգևորական, պատմաբան, գրող, քահանա և բանաստեղծ
Լեզունոր հունարեն և հին հունարեն[2]
ՔաղաքացիությունԲյուզանդական կայսրություն
Constantine Manasses Վիքիպահեստում

Կոստանդին Մանասես (հին հուն․՝ Κωνσταντῖνος Μανασσῆς), շուրջ 1130-1187 թթ., 12-րդ դարի բյուզանդական ժամանակագիր և բանաստեղծ: Հունաստանի արևմուտքում գտնվող Նաֆպակտոս քաղաքի մետրոպոլիտը: Ակտիվ գործունեություն է ծավալել Մանուիլ I Կոմնենոս կայսեր օրոք, որի թագավորության տարիները եղան շրջադարձային ինչպես Բյուզանդական կայսրության, այնպես էլ Միջագետքի համար: Կոստանդին Մանասեսի անունով մեզ է հասել «Սինոփսիս իստորիկե» (Σύλοψις ίστορική) ժամանակագրությունը՝ սկսած աշխարհի արարումից մինչև Նիկեփոր Գ Բոտանիտեսի թագավորության վերջը (1081 թ.), բաղկացած 6733 տողից: Ժամանակագրության մեջ հաճախ անդրադարձ է կատարված 970-971 թթ. ռուս-բյուզանդական պատերազմի մասին: Ժամանակագրությունը մեծ ճանաչում է ձեռք բերել 14-րդ դարում, իսկ ավելի ուշ թարգմանվել է լատիներեն, հին սլավոներեն և բուլղարերեն: Հին սլավոներեն թարգմանության ձեռագիրը հարուստ է բազմաթիվ մանրանկարներով և պահպանվում է Վատիկանի գրադարանում: Կոստանդին Մանասեսի գրչին է պատկանում նաև 2-րդ դարի հույն բանաստեղծ Օպպիանոսի համառոտ կենսագրությունը, մի քանի հռետորական աշխատություն և մեկ սիրավեպ:

Ծանոթագրություններ[խմբագրել | խմբագրել կոդը]