Jump to content

Կոսովոյի ֆուտբոլի ազգային հավաքական

Վիքիպեդիայից՝ ազատ հանրագիտարանից
Կոսովոյի ֆուտբոլի ազգային հավաքական
Գլխավոր մարզիչՖրանկո Ֆոդա[1]
Թիմի ավագԱմիր Ռրահմանի
Կայքffk-kosova.com
 Kosovo national association football team Վիքիպահեստում

Կոսովոյի ֆուտբոլի ազգային հավաքական (ալբ․՝ Përfaqësuesja e futbollit të Kosovës, սերբ.՝ Фудбалска репрезентација Косова), ազգային հավաքական, որը ներկայացնում է Կոսովոյի մասնակիորեն ճանաչված պետությունը միջազգային ֆուտբոլային մրցաշարերում։ Այն կառավարվում է Կոսովոյի ֆուտբոլի ֆեդերացիայի կողմից։

Պատմություն

[խմբագրել | խմբագրել կոդը]

Առաջին հանդիպում

[խմբագրել | խմբագրել կոդը]

1993 թվականին Հարավսլավիայի փլուզման ժամանակ Կոսովոն ստեղծել է իր սեփական չճանաչված ֆուտբոլի ազգային հավաքականը, որն իր առաջին խաղը խաղացել է Ալբանիայի դեմ նույն թվականի փետրվարի 14-ին (խաղն ավարտվել է Ալբանիայի 3-1 հաշվով հաղթանակով): Այդ խաղի համար Կոսովոյի մեկնարկային կազմում էին Ահմետ Բեշելիցան, Արդիան Կոզնիկուն, Բարդիլ Սեֆերին, Ֆադիլ Բերիշան, Գանի Լապատշտիցան, Գենց Հոջան, Իսա Սադրիուն, Քուշտրիմ Մունիշին, Մուհարեմ Սահիտյան, Սադուլլահ Աետին և Սելաուդին Էրլինին[2]։

2002-2010

[խմբագրել | խմբագրել կոդը]

2002 թվականի սեպտեմբերի 7-ին Կոսովոյի ազգային հավաքականը խաղացել է իր առաջին միջազգային խաղը Կոսովոյի պատերազմի ավարտից հետո՝ ընկերական խաղ Ալբանիայի դեմ, որն ավարտվել է Կոսովոյի տնային պարտությամբ 0-1 հաշվով։ Կոսովոյի մեկնարկային կազմում էին Ահմետ Բեշելիցան, Արդիան Կոզնիկուն, Արսիմ Աբազին, Բեսնիկ Քոլարին, Ֆադիլ Ադեմին, Ֆարուկ Ստատովչին, Իսմետ Մունիշին, Մեհմեթ Դրագուշան, Սունաջ Քեքին, Ջևդեթ Լումնիցան և Զենուն Սելիմին[3]։

Ալբանացիների հետ խաղից հետո Կոսովոն խաղացել է ևս հինգ խաղ։ Նրանց ամենամեծ հաղթանակը Մոնակոյի նկատմամբ տարած 7-1 հաշվով հաղթանակն էր, որը նրանք տարել են Մուհարեմ Սահիտյայի գլխավորությամբ։ Կոսովոյի հավաքականի մասնակցած քիչ մրցաշարերից մեկը Հյուսիսային Կիպրոսի ֆուտբոլի ֆեդերացիայի 50-ամյակին նվիրված մրցաշարն էր, որը տեղի է ունեցել 2005 թվականի նոյեմբերի սկզբին։ Կոսովացիները զբաղեցրել են երկրորդ տեղը՝ զիջելով առաջին տեղը մրցաշարի հյուրընկալող Հյուսիսային Կիպրոսի թիմին և հաղթելով Լապլանդիայի թիմին[4]։ Այս խաղերից ամենանշանակալիցը Սաուդյան Արաբիայի նկատմամբ տարել են 1-0 հաշվով հաղթանակն էր 2007 թվականի հունիսի 15-ին։ Այս խաղը առաջին անգամն էր, որ կոսովացիները մրցում էին Աշխարհի առաջնության եզրափակիչ փուլին մասնակցող թիմի հետ։ Քրիստիան Նուշին խփել է միակ և հաղթական գոլը՝ 84-րդ րոպեին 11-մետրանոց հարվածով[5]։

2008 թվականի մայիսի 6-ին Կոսովոյի ներկայացուցիչները նամակ են ուղարկել ՖԻՖԱ-ին՝ խնդրելով ճանաչվել որպես լիիրավ անդամ և թույլատրել մասնակցել Աշխարհի և Եվրոպայի առաջնության որակավորման խաղերին ՈՒԵՖԱ-ի գոտում: Կոսովոյի ֆուտբոլի ֆեդերացիայի նախագահ Ֆադիլ Վոկրին այս գործողությունը անվանել է «պատմական պահ» և վստահություն է հայտնել, որ Կոսովոն շուտով կընդունվի ՖԻՖԱ: Սակայն 2008 թվականի հոկտեմբերին ՖԻՖԱ-ն պատասխանել է՝ մերժելով կոսովացիների խնդրանքը: Կոսովոյի խնդրանքը խախտում էր ՖԻՖԱ-ի կանոնադրության 10-րդ հոդվածը, որը սահմանում էր, որ միայն միջազգային հանրության կողմից ճանաչված պետությունը կարող է դառնալ ՖԻՖԱ-ի անդամ[6]։ Կոսովոյի ՖԻՖԱ-ին և ՈՒԵՖԱ-ին անդամակցելու նորացված դիմումը մերժվել է 2011 թվականի հոկտեմբերի 22-ին[7]։

2010 թվականի փետրվարի 17-ին Կոսովոն անցկացրել է իր առաջին միջազգային խաղը անկախությունից ի վեր։ Մրցակիցը կրկին Ալբանիան էր, և ընկերական խաղն ավարտվել է կոսովացիների տնային պարտությամբ՝ 2-3 հաշվով։ Տանտերերի մեկնարկային կազմում էին Անել Ռասկայը, Դուկագին Գաշին, Էնիս Զաբերգյան, Ֆիսնիկ Պապուչին, Իլիր Նալբանին, Կուշտրիմ Մուշիցան, Լիրիդոն Կուկայը, Ռոբերտ Գիերաջը, Շպետիմ Հասանին և Յուլ Հոջան։ Այս խաղը բարեգործական միջոցառում էր, քանի որ խաղից ստացված հասույթը փոխանցվել էր Շկոդերում ջրհեղեղից տուժածներին[8]։

2012 թվականի դեկտեմբերին համաշխարհային ֆուտբոլի քարտեզի վրա հայտնվել է նոր երկիր. Տոկիոյում կայացած ՖԻՖԱ-ի գործադիր կոմիտեի նիստը ակումբներին, ինչպես նաև Կոսովոյի երիտասարդական և կանանց ազգային հավաքականներին թույլատրել է ընկերական խաղեր անցկացնել այն թիմերի հետ, որոնց ֆուտբոլային ասոցիացիաները ՖԻՖԱ-ի անդամ են[9]։

2014-2015

[խմբագրել | խմբագրել կոդը]

Չորս տարվա ընդմիջումից հետո և ՖԻՖԱ-ի կողմից Կոսովոյին ընկերական խաղեր անցկացնելու թույլտվություն տալու որոշումից հետո[10], 2014 թվականի մարտի 5-ին կոսովացիները իրենց առաջին պաշտոնական միջազգային ընկերական խաղն են անցկացրել Հայիթիի դեմ, որն ավարտվել է գոլազուրկ ոչ-ոքիով[11][12]։ Այս խաղից հետո Կոսովոն ևս հինգ խաղ անցկացրել է Թուրքիայի, Սենեգալի, Օմանի, Հասարակածային Գվինեայի և կրկին Ալբանիայի դեմ: Այս ընկերական խաղերում առաջին հաղթանակը տարվել է Օմանի հավաքականի դեմ՝ նվազագույն հաշվով (1:0)[13], իսկ ամենածանր պարտությունը (1:6) գրանցվել է տնային խաղում՝ Թուրքիայի ազգային հավաքականի դեմ, որի կազմում էին այդ ժամանակ Թուրքիայի առաջնությունում հանդես եկող ֆուտբոլիստներ[14]։

2016 թվականից

[խմբագրել | խմբագրել կոդը]

2016 թվականի մայիսի 3-ին Կոսովոն պաշտոնապես ընդունվել է ՈՒԵՖԱ: 2016 թվականի մայիսի 13-ին այն ընդունվել է ՖԻՖԱ:

2016 թվականի հունիսի 3-ին Կոսովոն անցկացրել է իր առաջին միջազգային խաղը որպես ՈՒԵՖԱ-ի և ՖԻՖԱ-ի լիիրավ անդամ՝ ընկերական խաղում 2-0 հաշվով հաղթելով Ֆարերյան կղզիներին[15]։

2018 թվականի աշխարհի առաջնության որակավորման փուլ

[խմբագրել | խմբագրել կոդը]

2016 թվականի հունիսի 9-ին ՈՒԵՖԱ-ի արտակարգ հանձնաժողովը որոշել է, որ Կոսովոն 2018 թվականի աշխարհի առաջնության որակավորման փուլի I խմբում կմիանա Խորվաթիային, Ֆինլանդիային, Իսլանդիային, Թուրքիային և Ուկրաինային, ինչպես նաև որոշել է, որ Բոսնիա և Հերցեգովինան ու Սերբիան չպետք է խաղան Կոսովոյի դեմ՝ անվտանգության նկատառումներից ելնելով[16][17]։ 2016 թվականի սեպտեմբերի 5-ին Կոսովոն իր նորամուտը նշել է Աշխարհի առաջնության որակավորման փուլում՝ արտագնա խաղում խաղալով Ֆինլանդիայի դեմ՝ 1-1 հաշվով, իսկ կոսովացիների կազմում գոլը խփել է Վալյոն Բերիշան՝ 60-րդ րոպեին 11 մետրանոց հարվածաշարից[18]։ Կոսովոն որակավորման մրցաշարն ավարտել է ինը պարտությամբ և մեկ ոչ-ոքիով, ինչը հիասթափեցնող արդյունք էր, որը հանգեցրել է ազգային հավաքականի գլխավոր մարզիչ Ալբերտ Բունյակայի հրաժարականին[19]։

Արդյունքների բարելավում

[խմբագրել | խմբագրել կոդը]

2018 թվականի ՖԻՖԱ-ի աշխարհի առաջնության որակավորման փուլում վատ արդյունքներից և Ալբերտ Բունյակիի հրաժարականից հետո ազգային հավաքականի գլխավոր մարզչի պաշտոնը ժամանակավորապես ստանձնել է Մուհարեմ Սահիտյան, ով Կոսովոյի հավաքականի նախկին խաղացող էր և Բունյակիի օգնականը ազգային հավաքականը ղեկավարելու տարիներին[20]։ Նրա խնդիրն էր բարելավել արդյունքները, որոնք սկսվել էին 2017 թվականի նոյեմբերի 13-ին՝ Միտրովիցայում Լատվիայի հավաքականի նկատմամբ տնային հաղթանակով 4:3 հաշվով։ Խաղը ընկերական էր[21]։

2018 թվականի մարտի 2-ին Ազգային ֆուտբոլի ֆեդերացիան երկամյա պայմանագիր է կնքել Բեռնար Շալանդի հետ[22]։ Այս նշանակումից 22 օր անց Կոսովոն 1:0 հաշվով հաղթել է Մադագասկարին[23]։ Շալանդը շարունակել է իր աշխատանքը Սախիտիի հետ՝ հաղթելով հաջորդ երկու ընկերական խաղերում Բուրկինա Ֆասոյի և Ալբանիայի դեմ։ 2018 թվականին նա իր նորամուտը նշել է ՈՒԵՖԱ Ազգերի լիգայում՝ արտագնա խաղում խաղալով 0-0 հաշվով՝ Ադրբեջանի դեմ[24]։ Կոսովոյի առաջին հաղթանակը ՈՒԵՖԱ-ի Ազգերի լիգայում, որը նաև դարձել է նրա առաջին հաղթանակը պաշտոնական մրցաշարում, ձեռք է բերվել Ֆարերյան կղզիների դեմ տնային խաղում 2:0 հաշվով[25]։ Կոսովոյի ելույթն այս մրցաշարում լիակատար հաջողություն էր. թիմը զբաղեցրել է առաջին տեղը իր խմբում[26]։

Հանդիպումներ

[խմբագրել | խմբագրել կոդը]

Վիճակագրություն ըստ երկրների՝ 2019 թվականի նոյեմբերի 17-ի դրությամբ[27]։

Страна Խ Շ Ո Կ ԽԳ ԲԹԳ ± % Հ
Ադրբեջան Ադրբեջան 2 1 1 040+4 50,00
Ալբանիա Ալբանիա 5 1 1 389−1 20,00
Անգլիա Անգլիա 2 0 0 239−6 &00,00
Բուլղարիա Բուլղարիա 2 1 1 043+1 50,00
Բուրկինա Ֆասո Բուրկինա Ֆասո 1 1 0 020+2 100,000
Հայիթի Հայիթի 1 0 1 000+0 &00,00
Ջիբրալթար Ջիբրալթար 1 1 0 010+1 100,000
Դանիա Դանիա 1 0 1 022+0 &00,00
Իսլանդիա Իսլանդիա 2 0 0 214−3 &00,00
Լապլանդիա 1 1 0 041+3 100,000 Չկա տվյալ
Լատվիա Լատվիա 1 1 0 043+1 100,000
Մադագասկար Մադագասկար 1 1 0 010+1 100,000
Մալթա Մալթա 2 2 0 081+7 100,000
Մոնակո Մոնակո 1 1 0 071+6 100,000 Չկա տվյալ
Օման Օման 1 1 0 010+1 100,000
Սաուդյան Արաբիա Սաուդյան Արաբիա 1 1 0 010+1 100,000 Չկա տվյալ
Կիպրոսի Հանրապետություն Կիպրոս 1 0 0 101−1 &00,00 Չկա տվյալ
Սենեգալ Սենեգալ 1 0 0 113−2 &00,00
Թուրքիա Թուրքիա 3 0 0 3212−10 &00,00
Ուկրաինա Ուկրաինա 2 0 0 205−5 &00,00
Ֆարերյան կղզիներ Ֆարերյան կղզիներ 3 2 1 051+4 66,67
Ֆինլանդիա Ֆինլանդիա 2 0 1 112−1 &00,00
Խորվաթիա Խորվաթիա 2 0 0 207−7 &00,00
Չեռնոգորիա Չեռնոգորիա 2 1 1 031+2 50,00
Չեխիա Չեխիա 2 1 0 133+0 50,00
Հասարակածային ԳվինեաՀասարակածային Գվինեա 1 1 0 020 100,000
24 երկիր 39158166261+1038 All

Հավաքականի կազմ

[խմբագրել | խմբագրել կոդը]

Հետևյալ խաղացողները գլխավոր մարզիչ Ալեն Ժիրեսի կողմից հրավիրվել են ազգային հավաքականի կազմ՝ Իսրայելի (2023 թվականի մարտի 25) և Անդորրայի (2023 թվականի մարտի 28) դեմ կայանալիք Եվրո 2024-ի որակավորման խաղերի համար։

Խաղերն ու գոլերը՝ 2023 թվականի մարտի 31-ի դրությամբ։
№ԴիրքԽաղացողԾննդյան ամսաթիվՀանդիպումներԳոլերԱկումբ
1 Դարպասապահ Սամիր Ույկանի 1988 թվականի հուլիսի 5 36 0 Իտալիա Էմպոլի
2 Դարպասապահ Արիյանետ Մուրիչ 1988 թվականի նոյեմբերի 7 30 0 Անգլիա Բըրնլի
3 Դարպասապահ Վիսար Բեքայ 1997 թվականի մայիսի 24 5 0 Ալբանիա Տիրանա
4 Պաշտպան Ամիր Ռրահմանի 1994 թվականի փետրվարի 24 51 6 Իտալիա Նապոլի
5 Պաշտպան Մերգիմ Վոյվոդա 1995 թվականի փետրվարի 1 46 2 Իտալիա Տորինո
6 Պաշտպան Ֆիդան Ալիթի 1993 թվականի հոկտեմբերի 3 44 1 Շվեյցարիա Ցյուրիխ
7 Պաշտպան Ֆլորան Հադերջոնայ 1994 թվականի հուլիսի 31 27 1 Թուրքիա Կասիմպաշա
8 Պաշտպան Լեարտ Պակյարադա 1994 թվականի օգոստոսի 10 26 1 Գերմանիա Սանկտ Պաուլի
9 Պաշտպան Իբրաիմ Դրեշևիչ 1997 թվականի հունվարի 24 22 0 Թուրքիա Ֆաթիհ Կարագյումրյուք
10 Պաշտպան Բետիմ Ֆազլիա 1999 թվականի ապրիլի 25 18 0 Գերմանիա Սանկտ Պաուլի
11 Պաշտպան Միրլինդ Կրյուեզիու 1997 թվականի հունվարի 26 10 0 Շվեյցարիա Ցյուրիխ
12 Կիսապաշտպան Միլոտ Ռաշիցա 1996 թվականի հունիսի 28 48 8 Թուրքիա Գալաթասարայ
13 Կիսապաշտպան Վալյոն Բերիշա 1993 թվականի փետրվարի 7 38 4 Ավստրալիա Մելբուռն Սիթի
14 Կիսապաշտպան Բերսանտ Ցելինա 1996 թվականի սեպտեմբերի 9 35 2 Անգլիա Սթոք Սիթի
15 Կիսապաշտպան Արբեր Զենելի 1995 թվականի փետրվարի 25 33 9 Ֆրանսիա Ռեյմս
16 Կիսապաշտպան Էդոն Ժեգրովա 1999 թվականի մարտի 31 30 4 Ֆրանսիա Լիլ
17 Կիսապաշտպան Զյումեր Բյուտյուկի 1997 թվականի հունվարի 26 18 1 Հունաստան Օլիմպիակոս
18 Կիսապաշտպան Ֆլյորիան Լյոշայ 1996 թվականի օգոստոսի 13 17 0 Թուրքիա Իսթանբուլսպոր
19 Կիսապաշտպան Ֆլորենտ Մուսլիա 1998 թվականի հուլիսի 6 15 1 Գերմանիա Պադերբորն 07
20 Կիսապաշտպան Դոնաթ Ռուդանի 1999 թվականի մայիսի 2 9 2 Շվեյցարիա Յանգ Բոյզ
21 Կիսապաշտպան Բլենդի Իդրիզի 1998 թվականի մայիսի 2 6 0 Գերմանիա Յան
22 Կիսապաշտպան Վեդաթ Մուրիկի 1994 թվականի ապրիլի 24 46 23 Իսպանիա Մալյորկա
23 Հարձակվող Արբնոր Մույա 1998 թվականի հունվարի 29 0 0 Բելգիա Անտվերպեն

Գլխավոր մարզիչներ

[խմբագրել | խմբագրել կոդը]
ԺամանակահատվածԳլխավոր մարզիչ
1993Ալբանիա Այետ Շոշոլի
1994-1999Չկա
2000ՄԱԿ Բիլբիլ Սոկոլի
2001-2004Չկա
2005-2006ՄԱԿ Մուհարեմ Սահիտի
2006-2009Կոսովո Էդմոնդ Ռուգովա
2009-2017Կոսովո Ալբերտ Բունյակի
2017-2018Կոսովո Մուհարեմ Սահիտի
2018-2021Շվեյցարիա Բեռնար Շալանդ
2021-2022Սլովենիա Պրիմոժ Գլիհա (պաշտոնակատար)
2022-2023Ֆրանսիա Ալեն Ժիրես
2024՝ ն.ժ.Գերմանիա Ֆրանկո Ֆոդա

Համազգեստ

[խմբագրել | խմբագրել կոդը]

Տնային

[խմբագրել | խմբագրել կոդը]
{{{վերնագիր}}}
{{{վերնագիր}}}
{{{վերնագիր}}}
{{{վերնագիր}}}
{{{վերնագիր}}}

Որպես հյուր

[խմբագրել | խմբագրել կոդը]
{{{վերնագիր}}}
{{{վերնագիր}}}
{{{վերնագիր}}}
{{{վերնագիր}}}

Պահեստային

[խմբագրել | խմբագրել կոդը]
{{{վերնագիր}}}
{{{վերնագիր}}}
{{{վերնագիր}}}
{{{վերնագիր}}}

Աղբյուրներ՝ [28],[29]

Ծանոթագրություններ

[խմբագրել | խմբագրել կոդը]
  1. ↑ https://www.transfermarkt.us/-/mitarbeiterhistorie/verein/53982
  2. ↑ «Albania 3:1 Kosova». RSSSF. 1993-02-14. Արխիվացված օրիգինալից 2017-01-03-ին. Վերցված է 2019-11-20-ին.
  3. ↑ «Kosova 0:1 Albania». RSSSF. 2002-09-07. Արխիվացված օրիգինալից 2019-10-23-ին. Վերցված է 2019-11-20-ին.
  4. ↑ «TR Northern Cyprus — 50 Years Anniversary Cup 2005». Արխիվացված օրիգինալից 2013-10-29-ին. Վերցված է 2016-05-09-ին. {{cite web}}: no-break space character in |title= at position 19 (օգնություն)
  5. ↑ «Fitore historike kunder Arabise – Nushi "sheiku" i Kosovës». Futbolli.com (ալբաներեն). 2002-09-07. Արխիվացված է օրիգինալից 2007-11-30-ին.
  6. ↑ «FIFA rejects Kosovo football body application». Արխիվացված օրիգինալից 2014-10-29-ին. Վերցված է 2011-06-12-ին.
  7. ↑ «Сборной Косова по футболу официальный статус придан не будет». Արխիվացված օրիգինալից 2013-04-04-ին. Վերցված է 2011-10-22-ին.
  8. ↑ «Miqesore/Kosove – Shqipëri 2–3». AlbaniaSoccer (ալբաներեն). 2010-02-17. Արխիվացված օրիգինալից 2019-06-07-ին. Վերցված է 2019-11-20-ին.
  9. ↑ «FIFA разрешила клубам из Косова проводить международные товарищеские матчи». Արխիվացված օրիգինալից 2016-09-16-ին. Վերցված է 2016-09-06-ին.
  10. ↑ «FIFA Circular no.1342» (PDF). FIFA.com. 2013-02-06. Արխիվացված է օրիգինալից (PDF) 2019-06-20-ին. Վերցված է 2019-11-20-ին.
  11. ↑ «Kosova e dha provimin, barazoi pa gola me Haitin» (ալբաներեն). Футбольная федерация Косова. 2014-03-05. Արխիվացված է օրիգինալից 2019-03-06-ին. Վերցված է 2019-11-20-ին.
  12. ↑ «Kosovo footballers draw with Haiti in Mitrovica debut». BBC News. 2014-03-05. Արխիվացված օրիգինալից 2019-12-12-ին. Վերցված է 2019-11-20-ին.
  13. ↑ «Kosova shijoi fitoren e parë nën ombrellën e FIFA-s» (ալբաներեն). Футбольная федерация Косова. 2014-09-07. Արխիվացված է օրիգինալից 2018-08-10-ին. Վերցված է 2019-11-20-ին.
  14. ↑ «Kosova pësoi humbje nga Turqia» (ալբաներեն). Футбольная федерация Косова. 2014-05-21. Արխիվացված օրիգինալից 2017-09-12-ին. Վերցված է 2019-11-20-ին.
  15. ↑ «Festë në Frankfurt, Kosova shënoi fitore kundër Ishujve Faroe» (ալբաներեն). Футбольная федерация Косова. 2016-06-03. Արխիվացված է օրիգինալից 2019-06-20-ին. Վերցված է 2019-11-20-ին.
  16. ↑ «Kosovo and Gibraltar assigned to 2018 FIFA World Cup qualifying groups». УЕФА. 2016-06-09. Արխիվացված է օրիգինալից 2018-06-14-ին. Վերցված է 2019-11-20-ին.
  17. ↑ «Kosova në Grupin I për kualifikimet e Botërorit 2018» (ալբաներեն). Футбольная федерация Косова. 2016-06-09. Արխիվացված է օրիգինալից 2018-06-14-ին. Վերցված է 2019-11-20-ին.
  18. ↑ «Debutim fantastik i Kosovës, baras me Finlandën» (ալբաներեն). Bota Sot. 2016-09-05. Արխիվացված օրիգինալից 2019-06-20-ին. Վերցված է 2019-11-20-ին.
  19. ↑ «Islanda e mund Kosovën dhe kualifikohet në Botëror» (ալբաներեն). Футбольная федерация Косова. 2017-10-09. Արխիվացված է օրիգինալից 2019-06-20-ին. Վերցված է 2019-11-20-ին.
  20. ↑ «Kosova në dorë të Muharremit». Zeri (ալբաներեն). 2017-11-01. Արխիվացված է օրիգինալից 2019-06-20-ին. Վերցված է 2019-11-20-ին.
  21. ↑ «Kosova e shijon fitoren e parë në shtëpi, e mposht Letoninë» (ալբաներեն). Футбольная федерация Косова. 2017-11-13. Արխիվացված է օրիգինալից 2019-06-20-ին. Վերցված է 2019-11-20-ին.
  22. ↑ «Bernard Challendes, prezantohet përzgjedhës i ri i Kosovës» (ալբաներեն). Футбольная федерация Косова. 2018-03-02. Արխիվացված օրիգինալից 2018-03-05-ին. Վերցված է 2019-11-20-ին.
  23. ↑ «Challandes e nis me fitore, Zhegrova debuton me gol» (ալբաներեն). Футбольная федерация Косова. 2018-03-24. Արխիվացված է օրիգինալից 2018-03-25-ին. Վերցված է 2019-11-20-ին.
  24. ↑ «Kombëtarja A kthehet e pamposhtur, barazon me Azerbajxhanin» (ալբաներեն). Футбольная федерация Косова. 2018-09-07. Արխիվացված է օրիգինալից 2018-09-08-ին. Վերցված է 2019-11-20-ին.
  25. ↑ «Kosova e nderon me fitore Fadil Vokrrin, merr kryesimin e Grupit 3 në Ligën D» (ալբաներեն). Футбольная федерация Косова. 2018-09-10. Արխիվացված է օրիգինալից 2018-10-09-ին. Վերցված է 2019-11-20-ին.
  26. ↑ «Kosova bën histori, kalon në "play-off" për Euro 2020 dhe promovohet në Ligën C» (ալբաներեն). Футбольная федерация Косова. 2018-11-20. Արխիվացված է օրիգինալից 2019-06-20-ին. Վերցված է 2019-11-20-ին.
  27. ↑ «Kosovo national football team match results». eu-football.info. Արխիվացված է օրիգինալից 2019-10-29-ին. Վերցված է 2019-11-20-ին.
  28. ↑ «Kosovo national team». www.colours-of-football.com. Արխիվացված օրիգինալից 2024-01-19-ին. Վերցված է 2024-08-14-ին.
  29. ↑ «Косово История Комплектов». Football Kit Archive (ռուսերեն). Արխիվացված օրիգինալից 2024-08-14-ին. Վերցված է 2024-08-14-ին.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Կոսովոյի_ֆուտբոլի_ազգային_հավաքական&oldid=10617256» էջից