Կոջե (քաղաք)

Վիքիպեդիայից՝ ազատ հանրագիտարանից
Բնակավայր
Կոջե
ԵրկիրՀարավային Կորեա Հարավային Կորեա
Մակերես401,63 կմ²
Բնակչություն249 290 մարդ (2019)[1]
Պաշտոնական կայքenglish.geoje.go.kr
Կոջե (քաղաք) (Հարավային Կորեա)##
Կոջե (քաղաք) (Հարավային Կորեա)

Կոջե (կոր.՝ 거제시, 巨濟市, Կոջե–սի), քաղաք Հարավային Կորեայի Հարավային Գյոնգսանգ գավառում։ Քաղաքը ամբողջությամբ տեղակայված է մի քանի կղզիների վրա, որոնցից ամենամեծը Կոջեդոն է։

Պատմություն[խմբագրել | խմբագրել կոդը]

Տարածքը, որտեղ գտնվում է ժամանակակից Կոջոն, պատկանել է Պյոնխան ցեղային միություններից մեկին։ Առաջին անգամ Կոջե անունը ծագել է 757 թվականին, երբ քաղաքը մտնում էր Միացյալ Սիլլա պետության կազմի մեջ։ Գորյոյի դինաստիայի օրոք՝ 983 թվականին, Կոջեն ստացել է Կիսոն անունը և խյոնի կարգավիճակ։ Չոսոն դինաստիայի օրոք անունը փոխվել է Չեչխան, իսկ 1423 թվականին քաղաքին վերադարձվել է Կոջե անունը։ Ինդիմական պատերազմի ժամանակ Կոջեն խիստ վնասվել է ճապոնական ծովային ուժերի հարվածներից։ Քաղաքի կարգավիճակ ստացել է 1989 թվականին[2]։

Կորեական պատերազմի տարիներին կղզում գոյություն է ունեցել «№ 76» համակենտրոնացման ճամբարը ռազմագերիների՝ հյուսիսային կորեացիների և չինացի զինվորների համար։ 1952 թվականի մայիսի 7–ին ամերիկյան զորքերի՝ հայրենադարձությունը ձախողելու փորձից հետո, ռազմագերիներն ապստամբել են, բռնել և դատել են ճամբարի ղեկավարին՝ գեներալ Ֆ․ Դոդին[3]։

Ապստամբությունը ճնշելու ընթացքում ԱՄՆ զորքերն օգտագործել են տանկեր, ինչպես նաև բազմիցս կիրառել են քիմիական զենք[4]։

Աշխարհագրություն[խմբագրել | խմբագրել կոդը]

Կոջե քաղաքը գտնվում է Կոջեդո կղզու վրա՝ Կորեական թերակղզու հարավային ափերին՝ Պուսանից ոչ հեռու։ Կոջեդոն Հարավային Կորեայի կազմի մեջ մտնող մեծությամբ երկրորդ կղզին է[5]։

Վարչական բաժանում[խմբագրել | խմբագրել կոդը]

Կոջեն վարչականորեն բաժանված է 9 մյոնների և 10 դոնի[6]։

Անվանում Հանգըլ Մակերես, կմ² Բնակչություն, մարդ Ներքին բաժանում
Իրուն–մյոն 일운면 30,5 6 158 6 րի
Յոնչխո–մյոն 연초면 40,09 8 161 10 րի
Կոջե–մյոն 거제면 38,28 7 140 11 րի
Նամբու–մյոն 남부면 31,85 3 044 5 րի
Սադին–մյոն 사등면 59,95 9 039 11 րի
Տոնբու–մյոն 동부면 52,49 3 737 8 րի
Տունդոկ–մյոն 둔덕면 33,77 3 745 9 րի
Խաչհոն–մյոն 하청면 29,09 4 917 9 րի
Չանմոկ–մյոն 장목면 36,87 5 699 11 րի
Աջու–մյոն 아주동 12,47 8 725
Կոհյոն–մյոն 고현동 5,15 40 489
Մաջոն–մյոն 마전동 1,92 5 728
Նինփհո–դոն 능포동 3,21 12 936
Օկփխո 2(ի)–դոն 옥포2동 10,86

Օկփհո–իլդոնի հետ

39 188

Օկփհո 1(իլ)–դոնի հետ

Մտնում է Օկփհոդոնի մեջ
Օկփխո 1(իլ)–դոն 옥포1동 10,86

Օկփհո–իլդոնի հետ

39 188

Օկփհո 2(իլ)–դոնի հետ

Մտնում է Օկփհոդոնի մեջ
Սանմում–դոն 상문동 34,68 8 405
Սույան–դոն 수양동 20,05 9 638
Չանփհյոն–դոն 장평동 6,98 26 810
Չանսինփհո–դոն 장승포동 2,15 3 713

Զբոսաշրջություն և տեսարժան վայրեր[խմբագրել | խմբագրել կոդը]

  • Կոգա (կամուրջ), աշխարհի ամենամեծ կամուրջներից, որն ունի 8,2 կմ երկարություն, միացնում է Կոջեն մայրցամաքի և մի քանի փոքր ափամերձ կղզիների հետ[7]։
  • Պատմական այգի ռազմագերիների ճամբարում, Կորեական պատերազմի տարիների ռազմագերիների նախկին ճամբար, որտեղ գտնվել է մինչև 173 հազար մարդ, այժմ վերածվել է թանգարանի բաց երկնքի տակ[8]։
  • Ամենամյա հունվարյան փառատոն ձմեռային լող սիրողների համար[9]։
  • Արվեստի ամենամյա հոկտեմբերյան փառատոն[10]։
  • Կոջեն հայտնի է իր լողափերով և լեռնային զբոսաշրջությամբ։ Քաղաքում կա հանգստի համար սարքավորված 12 լողափ, որոնցից ամենախոշորներն են Կուջորի, Խակտոնի և Տոկպխոյի լողափերը[11]։ Չնայած Կոջեդո կղզու փոքր չափերին՝ այնտեղ կան լեռնային արշավների համար պիտանի մի քանի սարեր։ Կոջեդոյի ամենահայտնի սարը Կերյոնսան է, որն ունի 566 մետր բարձրություն և գտնվում է կղզու կենտրոնում[12]։

Խորհրդանշաններ[խմբագրել | խմբագրել կոդը]

Ինչպես Հարավային Կորեայի մյուս քաղաքները և գավառները, Կոջեն ունի մի շարք խորհրդանշաններ[13].

  • Ծառ՝ Տունբերգի սոճի
  • Թռչուն՝ որոր
  • Ծաղիկ՝ կամելիա
  • Թալիսմաններ՝ Մոնդորի և Մոնսունի

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. http://www.gjn.kr/news/articleView.html?idxno=38594
  2. История Кодже(չաշխատող հղում)(չաշխատող հղում)(անգլ.)
  3. «TRUCE TENT AND FIGHTING FRONT». Արխիվացված է օրիգինալից 2002 թ․ հուլիսի 1-ին. Վերցված է 2009 թ․ ապրիլի 2-ին.
  4. Война в Корее, 1950—1953. — СПб.: Полигон, 2003.
  5. География Кодже(չաշխատող հղում)(չաշխատող հղում)(անգլ.)
  6. Административное деление Кодже.(չաշխատող հղում)(չաշխատող հղում)(կոր.)
  7. Мосты Кодже(չաշխատող հղում)(չաշխատող հղում)(անգլ.)
  8. Парки Кодже(չաշխատող հղում)(չաշխատող հղում)(անգլ.)
  9. Фестиваль зимнего плавания в Кодже.(չաշխատող հղում)(չաշխատող հղում)(անգլ.)
  10. Фестиваль искусств в Кодже.(չաշխատող հղում)(չաշխատող հղում)(անգլ.)
  11. Пляжи Кодже.(չաշխատող հղում)(չաշխատող հղում)(անգլ.)
  12. Горы Кодже.(չաշխատող հղում)(չաշխատող հղում)(անգլ.)
  13. Символы Кодже(չաշխատող հղում)(չաշխատող հղում)(անգլ.)

Արտաքին հղումներ[խմբագրել | խմբագրել կոդը]