Կոնտակտային ոսպնյակներ

Վիքիպեդիայից՝ ազատ հանրագիտարանից
Jump to navigation Jump to search
Contactlenzen Confortissimo.JPG

Կոնտակտային ոսպնյակները աչքի մակերևույթի վրա տեղադրվող ոսպնյակներ են: Կոնտակտային ոսպնյակները համարվում են բժշկական սարքեր և կարող են օգտագործվել տեսողության շտկման, կոսմետիկ կամ թերապեւտիկ նպատակներով:[1] Ըստ 2004 թ-ի գնահատումների՝ աշխարհում 125 միլիոն մարդ օգտագործում է կոնտակտային ոսպնյակներ:[2] 2010 թվականին կոնտակտային ոսպնյակների համաշխարհային շուկան գնահատվել է 6,1 միլիարդ դոլար: Բազմաթիվ վերլուծաբանների գնահատմամբ, լինզաների համաշխարհային շուկան 2015 թվականին կկազմի 11.7 մլրդ դոլար:[3] 2010 թ.-ի դրությամբ, կոնտակտային լինզաներ օգտագործողների միջին տարիքը 31 տարեկանն էր, իսկ երկու երրորդը՝ կանայք են:[4]

Մարդիկ կրում են կոնտակտային ոսպնյակներ բազմաթիվ պատճառներով: Այն մարդիկ, ովքեր ունեն տեսողության խնդիր, սակայն չեն ցանկանում ակնոց կրել, կրում են լինզաներ: Ոմանք էլ կրում են կոսմետիկ նպատակներով՝ ցանկանալով փոխել աչքի գույնը: Ի տարբերություն ակնոցների կոնտակտային ոսպնյակները ապահովում են ամբողջական տեսողություն, չեն խոնավանում (անձրեւից, ձնից, խտացումից եւ այլն) կամ քրտնում: Կոնտակտային լինզաները հատկապես նախընտրում են մարդիկ, ովքեր զբաղվում են սպորտով, կամ պարզապես ակտիվ կենսակերպ են վարում:[5] Բացի այդ կոնտակտային լինզաներ կրելու դեպքում մարդիկ կարող են կրել իրենց ցանկացած արևային ակնոցը:

Կոնտակտային լինզաների շուկան հակված է աճի, քանի որ աչքի հետ կապված խնդիրները՝ աստիգմատիզմը, հեռատեսությունն ու կարճատեսությունը, գնալով ավելի տարածված են դառնում: Աճին նպաստող մյուս գործոններն են նաև բնակչության մեծացումը, նորաձեւությունը, տեխնոլոգիական առաջընթացը: Ըստ կանխատեսումների 2020 թ. կոնտակտային լինզաների շուկայի արժեքը կհասնի 13.5 միլիարդ դոլարի:[6]

Աղբյուրներ[խմբագրել | խմբագրել կոդը]

  1. «Contact Lens Sensors in Ocular Diagnostics. Advanced Healthcare Materials. 4 (6): 792–810»։ NM Farandos; AK Yetisen; MJ Monteiro; CR Lowe; SH Yun։ 2014։ Վերցված է 05.12.2017 
  2. Barr, J. (January 2005)։ «2004 Annual Report»։ Contact Lens Spectrum։ Վերցված է 05.12.2017 
  3. «ANNUAL REPORT: Contact Lenses 2010»։ Nichols, Jason J.։ January 2011։ Վերցված է 05.12.2017 
  4. «International Contact Lens Prescribing in 2010»։ Contact Lens Spectrum։ Morgan, Philip B.։ October 2011։ Վերցված է 05.12.2017 
  5. «9 պատճառ, թե ինչու են կոնտակտային լինզաները իդեալական սպորտով զբաղվելու համար»։ Linzonline։ Վերցված է 05.12.2017 
  6. «Contact Lenses Market size, share Report, 2024»։ Hexa research։ www.hexaresearch.com։ Վերցված է 05.12.2017