Կոնստանտին Պաֆֆենհոլց

Վիքիպեդիայից՝ ազատ հանրագիտարանից
(Վերահղված է Կոնստանտին Պաֆֆենգոլցից)
Picto Info sciences exactes.png
Կոնստանտին Նիկոլաևիչ Պաֆֆենհոլց
Константин Николаевич Паффенгольц
Konstantin Paffengoltz.jpg
Ծնվել է 1893 մարտի 17
գյուղ Ալբինեց, Բեսարաբիա, Ռուսական կայսրություն Ռուսական կայսրություն
Մահացել է սեպտեմբերի 24, 1983(1983-09-24) (տարիքը 90)
Լենինգրադ
Գերեզման Սերաֆիմովսկոէ գերեզմանատուն
Բնակության վայր(եր) Խորհրդային Սոցիալիստական Հանրապետությունների Միություն ԽՍՀՄ
Քաղաքացիություն Flag of the Soviet Union.svg ԽՍՀՄ
Ազգություն Գերմանացի
Մասնագիտություն Երկրաբանություն
Հաստատություն(ներ) Համամիութենական Երկրաբանական հետազոտությունների ինստիտուտ, Երևանի պետական համալսարան և ՀՀ ԳԱԱ Երկրաբանական գիտությունների ինստիտուտ
Գործունեության ոլորտ երկրաբանություն և Պետրոգրաֆիա
Ալմա մատեր Պետերբուրգի լեռնային ինստիտուտ
Գիտական աստիճան Երկրաբանա-հանքաբանական գիտությունների դոկտոր, պրոֆեսոր և ակադեմիկոս
Գիտական ղեկավար Ալեքսանդր Գերասիմով
Ինչով է հայտնի

Կովկասի երկրաբանության հարցեր՝ շերտագրություն,
տեկտոնիկա, մագմատիզմ, հրաբխականություն,
սեյսմոլոգիա, հիդրոերկրաբանություն, քարտեզահանում,

օգտակար հանածոներ
Պարգևներ
Ստորագրություն
Konstantin Paffengoltz signature.png

Կոնստանտին Նիկոլաևիչ Պաֆֆենհոլց (մարտի 5 (17), 1893, գյուղ Ալբինեց, Բեսարաբիա - սեպտեմբերի 24, 1983, Լենինգրադ[1]), խորհրդային երկրաբան, երկրաբանական գիտությունների դոկտոր, ՀԽՍՀ ԳԱ ակադեմիկոս (1943), ՀԽՍՀ, Ադրբեջանական ԽՍՀ (1963) և Վրացական ԽՍՀ (1973) գիտությունների վաստակավոր գործիչ (1963)։ Ազգությամբ՝ գերմանացի[2]։

Կրթություն[խմբագրել | խմբագրել կոդը]

Կոնստանտին Պաֆֆենգոլցը ծնվել է Մոլդավիայի ԽՍՀ-ի Ալբանեց գյուղում: Ավարտել է Պետերբուրգի լեռնային ինստիտուտը (19201919 թվականից աշխատել է Համառուսաստանյան երկրաբանական կոմիտեում (1939 թվականից՝ Համամիութենական երկրաբանական ԳՀԻ), 1945-1952 թվականին՝ Երևանի համալսարանի պրոֆեսոր։ 1959 թվականից աշխատել է ՀԽՍՀ ԳԱ Երկրաբանական գիտությունների ինստիտուտում[3]

Աշխատություններ[խմբագրել | խմբագրել կոդը]

Պաֆֆենհոլցի աշխատությունները նվիրված են Կովկասի երկրաբանության ամենատարբեր պրոբլեմներին՝ շերտագրությանը, տեկտոնիկային, մագմատիզմին, հրաբխականությանը, սեյսմոլոգիային, հիդրոերկրաբանությանը, քարտեզահանմանը, օգտակար հանածոներին։ Պաֆֆենհոլցի աշխատություններում տրվում է Հայաստանի տեղը ալպիական ծալքավոր գոտում, արվում են ռեգիոնալ կարգի համեմատություններ Հայաստանի և Կովկասի կից մասերի, ինչպես նաև Երկրի Միջերկրածովյան գոտու կառուցվածքում գտնվող երկրների հետ։

Պաֆֆենհոլցը բազմաթիվ քարտեզների հեղինակ է։ Նրա Կովկասի երկրաբանական քարտեզը, որպես երկրաբանական քարտեզագրության եզակի նմուշ, ցուցադրվել է Մեքսիկայում (1966) 20-րդ միջազգային երկրաբանական կոնգրեսում։ ԽՍՀՄ պետական մրցանակի դափնեկիր է (1950)[4][5]։

Անդամակցություն[խմբագրել | խմբագրել կոդը]

  • Ռուսական աշխարհագրական ընկերության իսկական անդամ, 1916
  • Համամիութենական միներալային ընկերության պատվավոր անդամ, 1922
  • Հայկական աշխարհագրական ընկերության անդամ, 1948-1952

Պարգևներ[խմբագրել | խմբագրել կոդը]

  • ՀԽՍՀ գիտության վաստակավոր գործիչ, 1963
  • Ադրբեջանական ԽՍՀ գիտության վաստակավոր գործիչ, 1963
  • Վրացական ԽՍՀ գիտության վաստակավոր գործիչ, 1973
  • ԽՍՀՄ պետական մրցանակի դափնեկիր, 1950
  • Լենինի շքանշան (2)
  • Աշխատանքային կարմիր դրոշի շքանշան
  • «Պատվո նշան» շքանշան
  • Ռուսական աշխարհագրական ընկերության ոսկե մեդալ

Երկեր[խմբագրել | խմբագրել կոդը]

  • Հայաստանի և Փոքր Կովկասի նրան կից մասերի գեոլոգիական ակնարկը, 1946:
  • Մեր մոլորակի պատմությունը, 1951:
  • Геология Армении, 1948:
  • Кавказ - Карпаты - Балканы, 1971:

Ծանոթագրություններ[խմբագրել | խմբագրել կոդը]

  1. ՀՀՀ, հ. 4, էջ 191
  2. Ռուսաստանի գերմանացիները. Կոնստանտին Պաֆենհոլց
  3. «Koha online catalog › Entry»։ haygirk.nla.am։ Վերցված է 2016-11-25 
  4. «Konstantin Paffengolts»։ TheFreeDictionary.com։ Վերցված է 2016-11-25 
  5. «Konstantin PAFFENGOLTS»։ Վերցված է 2016-11-25 

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 222 CC-BY-SA-icon-80x15.png