Կոնստանտին Ղարագյոզյան

Վիքիպեդիայից՝ ազատ հանրագիտարանից
Jump to navigation Jump to search
Կոնստանտին Ղարագյոզյան
Ծնվել էսեպտեմբերի 29, 1927(1927-09-29)
Երևան, Հայկական ԽՍՀ, ԱԽՖՍՀ, ԽՍՀՄ
Մահացել էապրիլի 28, 2013(2013-04-28) (85 տարեկանում)
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Ազգությունհայ
Մասնագիտությունկենսաքիմիկոս
Ալմա մատերԵրևանի Մխիթար Հերացու անվան Պետական Բժշկական Համալսարան
Գիտական աստիճանկենսաբանական գիտությունների դոկտոր (1968), պրոֆեսոր (1970) և ակադեմիկոս (1994)
ՊարգևներՀայաստանի Հանրապետության գիտության վաստակավոր գործիչ և Անանիա Շիրակացու մեդալ

Կոնստանտին Գրիգորի Ղարագյոզյան (սեպտեմբերի 29, 1927(1927-09-29), Երևան, Հայկական ԽՍՀ, ԱԽՖՍՀ, ԽՍՀՄ - ապրիլի 28, 2013(2013-04-28)), հայ կենսաքիմիկոս, կենսաբանական գիտությունների դոկտոր (1968), պրոֆեսոր (1970): ՀՀ ԳԱԱ ակադեմիկոս (1994, թղթակից անդամ՝ 1986)[1]: Ռուսաստանի բնական գիտությունների ակադեմիայի անդամ (1999)[2]: ՀՀ Գիտության վաստակավոր գործիչ (2012): Հայաստանում լիպիդոլոգիական հետազոտությունների հիմնադիր:

Կենսագրություն[խմբագրել | խմբագրել կոդը]

Կոնստանտին Գրիգորի Ղարագյոզյանը ծնվել է 1927 թվականին Երևանում: 1950 թվականին ավարտել է Երևանի պետական բժշկական ինստիտուտը, 1953 թվականին նույն ինստիտուտի ասպիրանտուրան: 1954-1957 թվականներին աշխատել է ՀԽՍՀ ԳԱ ֆիզիոլոգիայի ինստիտուտի կենսաքիմիայի բաժանմունքում, 1957-1960 թվականներին եղել է կենսաքիմիայի բաժանմունքի գիտական քարտուղար, 1961-1986 թվականներին`Կենսաքիմիայի ինստիտուտի փոխտնօրեն (մինչև 1965 թվականը` տնօրենի տեղակալ գիտական գծով), 1986-2006 թվականներին` ՀԽՍՀ ԳԱ Մոլեկուլյար կենսաբանության ինստիտուտի տնօրեն[3]:

1991-2013 թվականներին հիմնադրել և ղեկավարել է Հայկական բժշկական ինստիտուտի կենսաքիմիայի և կլինիկական կենսաքիմիայի ամբիոնը: Հանդիսացել է նեյրոքիմիկոսների Հայկական ընկերության նախագահ, «Նեյրոքիմիա» (Մոսկվա) հայ-ռուսական ամսագրի գլխավոր խմբագրի տեղակալ: Կենսաքիմիայի, մոլեկուլային կենսաբանության, ուղեղի հետազոտությունների (JBRO –International Brain Berearch Organisation) բնագավառներում միջազգային գիտական ընկերությունների անդամ (ԱՄՆ, Կանադա, Ֆրանսիա, Գերմանիա): Բնական գիտությունների միջազգային ակադեմիայի փոխնախագահ[4]: 2004 թվականից եղել է ՀՀ ԳԱԱ նախագահության անդամ, 2006 թվականից` ՀՀ ԳԱԱ Մոլեկուլյար կենսաբանության ինստիտուտի տնօրենի խորհրդական, 2007 թվականիցՙ ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի լաբորատորիայի վարիչ[5][6]:

Հեղինակ է 580 հրատարակված աշխատությունների, 2 մենագրության: Ունի 4 հեղինակային անդորագիր, որոնք վերաբերվում են թոքերի տուբերկուլյոզի կլինիկական-փորձագիտական հետազոտություններին: Աշխատանքները վերաբերում են արյան մակարդելիության կենսաքիմիային, ֆիզիոլոգիային, ֆարմակոլոգիային, լիպիդային թաղանթաբանությանը: Կատարել է ազատ ռադիկալային պրոցեսների դերի ուսումնասիրություններ տարբեր ախտաբանական վիճակների ծագումնաբանության հիմքում ընկած մոլեկուլակենսաբանական ռեակցիաների դրսևորման և դրանց առանձնահատկությունների մեկնաբանման նպատակով[1][7]:

Պարգևներ[խմբագրել | խմբագրել կոդը]

Երկեր[խմբագրել | խմբագրել կոդը]

Շուրջ 500 գիտական հրապարակումների հեղինակ է:

  • Роль фосфолипидов в жизнедеятельности организма (1972)
  • Комбинированная антиоксидантотерапия при коронароокклюзионном инфаркте миокарда (1994)

Գրականություն[խմբագրել | խմբագրել կոդը]

  • Айриян А. П. Армянские учёные-медики. Ер., 1998 ISBN 99930-1-001-7.
  • Константин Григорьевич Карагезян (К 60-летию со дня рождения): Биологический журнал АН АрмССР. - 1987. - Т. 40, № 12. - С. 1017-1018.

Ծանոթագրություններ[խմբագրել | խմբագրել կոդը]

  1. 1,0 1,1 Կոնստանտին Ղարագյոզյանի կենսագրությունը ՀՀ ԳԱԱ կայքում
  2. «АФ РАЕН - Члены Академии»։ www.raen.am։ Վերցված է 2017-03-25 
  3. Ով ով է. հայեր։ Կենսագրական հանրագիտարան: Երևան, 2005: Հ. 1, էջ 708:
  4. «Մեր երախտավորները | ՀԱՅԿԱԿԱՆ ԲԺՇԿԱԿԱՆ ԻՆՍՏԻՏՈՒՏ» (hy-AM)։ Վերցված է 2019-03-04 
  5. Daily AZG։ «ԿՈՆՍՏԱՆՏԻՆ ԳՐԻԳՈՐԻ ՂԱՐԱԳՅՈԶՅԱՆ»։ AZG Daily։ Վերցված է 2017-03-25 
  6. Հայկական համառոտ հանրագիտարան: Երևան, 1999: Հ. 3, էջ 471:
  7. «Ղարագյոզյան Կոնստանտին Գրիգորի (1927-2013): ՄԱՏԵՆԱԳԻՏՈՒԹՅՈՒՆ: Կ. Գ. Ղարագյոզյանի աշխատությունների մատենագիտություն»։ greenstone.flib.sci.am։ Վերցված է 2019-03-04