Կոմպիենի դղյակ
 | |
 | |
 |
Կոմպիենի դղյակ (ֆր.՝ Château de Compiègne կամ ֆր.՝ Palais de Compiègne), դասական պալատական համալիր Ֆրանսիայի հյուսիսում՝ Պիկարդիա երկրամասի Ուազ դեպարտամենտի Կոմպիեն քաղաքում, Փարիզից 75 կիլոմետր հեռավորության վրա։ Իր կարևորությամբ երրորդն է Ֆրանսիայի արքայական նստավայրերի մեջ՝ Վերսալից ու Ֆոնտենբլոյից հետո։ Թագադրվելու նպատակով Ռեյմսի տաճար մեկնելիս և այնտեղից վերադառնալիս ֆրանսիական արքաները ավանդաբար մի քանի օր կանգ են առել այստեղ։ Պալատական այս համալիրը 1994 թվականի հոկտեմբերի 24-ին ներառվել է պատմական հուշարձանների ցանկում[1]։
Ներկայիս դղյակին նախորդած շինությունները 6-րդից 11-րդ դարերում եղել են մերովինգյան և կարոլինգյան արքաների սիրած նստավայրը։ Կարլ V-ի նախաձեռնությամբ կառուցված նոր շենքը հետագայում աստիճանաբար ընդարձակվել ու բարեփոխվել է, իսկ 18-րդ դարի կեսերին Լյուդովիկոս XV-ի պատվերով ենթարկվել է համալիր վերակառուցման, դարձել թագավորական կարևորագույն շինությունը։ Դղյակի հետագա վերակառուցման, ընդլայնման ու ճոխացման գործում զգալի ավանդ են ներդրել Նապոլեոն Բոնապարտն[2] ու Նապոլեոն III-ը։
Ներկայիս տեսքով Կոմպիենի դղյակը ամպիր ոճի ճարտարապետության առավել լավ պահպանված նմուշն է ամբողջ Ֆրանսիայում։ Համալիրում գործում են երեք թանգարան՝ պալատական շինությունները, փոխադրամիջոցների թանգարանը՝ կառքերի, հեծանիվների, ավտոմեքենաների հարուստ հավաքածուներով, և Երկրորդ կայսրության ժամանակներն արտացոլող թանգարանը։ Ուշագրավ է նաև 20 հեկտար զբաղեցնող պարտեզ-այգին, որի մուտքն ազատ է։
2006 թվականի սեպտեմբերի 23-ին դղյակում տեղի է ունեցել Ֆրանսիայի, Ռուսաստանի, Գերմանիայի ղեկավարներ Ժակ Շիրակի, Վլադիմիր Պուտինի և Անգելա Մերկելի պաշտոնական հանդիպումը[3]։
Պատկերասրահ[խմբագրել | խմբագրել կոդը]
Պալատի ճակտոնը
Դղյակի վերակառուցման նախագծերից մեկը
Դղյակը 1842 թվականին. նկարիչ՝ Ժան Անտուան Սիմեոն Ֆորե
Կայսերական պալատը
Պարահանդեսային դահլիճի առաստաղը
Տեսարան մատուռից
Պարտեզի միջով պալատ տանող 4,5 կիլոմետրանոց ճանապարհը
_Ch%C3%A2teau_Salle_de_bal_04.JPG)
Ծանոթագրություններ[խմբագրել | խմբագրել կոդը]
- ↑ Base Mérimée|PA00114635
- ↑ Guide du Musée national du château de Compiègne, éd. Réunion des musées nationaux, Paris, 1992, p. 56 9782711827374
- ↑ Le choix du château de Compiègne pour ce sommet renvoie à la rencontre entre le Président de la République française, Félix Faure, et le tsar Nicolas II qui avait eu lieu à Compiègne près d'un siècle auparavant.
Գրականություն[խմբագրել | խմբագրել կոդը]
- Fr. Thiveaud Le Hénand, La Reconstruction du palais de Compiègne au s-XVIII, thèse de l'École des Chartes, 1970 ;
- Jean-Marie Moulin, "Compiègne" in Les Gabriel, 1982, Paris, Editions Picard, 331 p., p. 232-241, 2-7084-0086-X
Արտաքին հղումներ[խմբագրել | խմբագրել կոդը]
|
Կոմպիենի դղյակ Վիքիպահեստում |
|---|
- Château de Compiègne - official site (Ֆրանսերեն)
- Panoramic views of the Château de Compiègne
| ||||||||
