Կոլյա Ավետյան

Վիքիպեդիայից՝ ազատ հանրագիտարանից
Jump to navigation Jump to search
Վիքիպեդիայում կան հոդվածներ Ավետյան ազգանունով այլ մարդկանց մասին:
Կոլյա Ավետյան
Ծնվել էմարտի 18, 1931(1931-03-18) (89 տարեկան)
Սարահարթ, Լոռու մարզ, Հայաստան
ՔաղաքացիությունFlag of Armenia.svg Հայկական ԽՍՀ և Flag of Armenia.svg Հայաստան
Ազգությունհայ
Մասնագիտությունֆիզիկա
Ալմա մատերԵրևանի պետական համալսարան
Տիրապետում է լեզուներինհայերեն

Կոլյա Թորգոմի Ավետյան (մարտի 18, 1931(1931-03-18), Սարահարթ, Լոռու մարզ, Հայաստան), հայ ֆիզիկոս, ֆիզիկամաթեմատիկական գիտությունների թեկնածու, դոցենտ: ՀԽՍՀ Պետական մրցանակի դափնեկիր (1984):

Կենսագրություն[խմբագրել | խմբագրել կոդը]

Ծնվել է 1931 մարտի 18-ին, Սպիտակի շրջանի Սարահարթ գյուղում: 1949 թվականին ավարտել է Սպիտակի թիվ 2 դպրոցը և ընդունվել ԵՊՀ ֆիզիկամաթեմատիկական ֆակուլտետ: 1955 թվական, ավարտելով ԵՊՀ-ն, աշխատանքի է անցել ընդհանուր ֆիզիկայի ամբիոնում: 1957 թվականին տեղափոխել է նյпւթի կառուցվածքի ամբիոն և զբաղեցրել սկզբում ասիստենտի, այնուհետև ավագ դասախոսի պաշտոն: 1960 թվականին ընդունվել է Մոսկվայի Մ. Լոմոնոսովի անվան պետական համալսարանի ասպիրանտուրա, 1984 թվականին պաշտանել է թեկնածուական ատենախոսություն: 1985 թվականին նրան շնորհվել է դոցենտի կոչում: 1963 թվականիցից դասավանդում է ԵՊՀ֊ում:

Հեղինակ է շուրջ 60 գիտական հրապարակումների, համահեղինակ «Ատոմային ֆիզիկայի պրակտիկում» (Ե., 1965), «Ատոմային ֆիզիկա (լաբորատոր աշխատանքներ)» (Ե., 2006) ուսումնական ձեռնարկների: 1980-1982 թվականներին Պետրոս Բեզիրգանյանի և նրա ջանքերով հաջողվել է նախագծել, պատրաստել և փորձարկել մի համակարգ, որը հնարավորություն է տալիս հաշված րոպեների ընթացքում ձևավորել և մոնիտորի էկրանին ցուցադրել բյուրեղային կառուցվածքի արատները: ԵՊՀ-ն Լենինգրադի «Բուրեվեստնիկ» գիտաարտադրական ձեռնարկության հետ համատեղ պատրաստել և Խորհրդային Միության մի շարք գիտական կենտրոնների է տրամադրել մոտ մեկ տասնյակ այդպիսի համակարգեր: Այդ աշխատանքների համար 1984 թվականին գործընկերների հետ միասին արժանացել է ՀԽՍՀ Պետական մրցանակի[1]:

Ծանոթագրություններ[խմբագրել | խմբագրել կոդը]

  1. Կենսագրական հանրագիտարան, ԵՊՀ հրատ., 2009, էջ 120: