Կոլլեգիում Պոլոնիկում

Վիքիպեդիայից՝ ազատ հանրագիտարանից
Jump to navigation Jump to search
Կոլլեգիում Պոլոնիկում
Collegium Polonicum-logo.jpg
Slubice Collegium Polonicum.jpg
Տեսակկրթօջախ
Հիմնադրված է1998
ԵրկիրFlag of Poland.svg Լեհաստան
ՏեղագրությունLubusz Voivodeship?
Կայքcp.edu.pl
Կոորդինատներ: 52°20′54.960000099991″ հս․ լ. 14°33′28.800000099999″ ավ. ե. / 52.34860000002777269° հս․. լ. 14.55800000002777672° ավ. ե. / 52.34860000002777269; 14.55800000002777672
Collegium Polonicum in Słubice Վիքիպահեստում

Կոլլեգիում Պոլոնիկում Սլուբիցեում (լատ.՝ Collegium Polonicum), երկու համալսարան-գործընկերների` համատեղ գիտա-դիդակտիկ պլատֆորմ: Գործընկեր-համալսարաններն են Ադամ Միցկևիչի անվան համալսարանը Պոզնանում և Եվրոպական Վիադրինա համալսարանը Օդերի Ֆրանկֆուրտում: Հիմնվել է 1992 թվականին: Բուհը գտնվում է Սլուբիցեում` Օդեր գետի` Ֆրանկֆուրտին հակառակ մայթին գտնվող լեհական քաղաքում: Մինչև 1945 թվականը Սլուբիցեն Օդերի Ֆրանկֆուրտի մի մասն էր կազմում:

Կոլլեգիում Պոլոնիկում. ընդհանուր տեսքը

Ստեղծման պատմություն և նախադրյալներ[խմբագրել | խմբագրել կոդը]

Բուհը հետազոտության և դիդակտիկայի ոլորտի համատեղ անդրսահմանային աշխատանքի ձև է: Այս գիտական պլատֆորմի համար պատասխանատվությունը միաժամանակ կրում են Լեհաստանն ու գերմանական Բրանդենբուրգ հողերը: Եվրոպական այլ համալսարաններ ևս հնարավորություն ունեն մասնակցելու Կոլլեգիում Պոլոնիկումի հետազոտական աշխատանքներին: Կոլլեգիում Պոլոնիկումի հիմնական խնդիրն է աշխատել Լեհաստանի ու Գերմանիայի միջև գիտական ու մշակութային փոխհարաբերությունների զարգացման ուղղությամբ: Ընդլայնվող Եվրոպայի համատեքստում Կոլլեգիում Պոլոնիկումը ամբողջ մայրցամաքից ուսանողների ու դասախոսների գիտական հանդիպման վայր է դառնում: Համալսարանն առաջարկում է Պոզնանի համալսարանի ու Վիադրա համալսարանի կամ նրանցից որևէ մեկի առաջարկած կրթական ծրագրերը: Կոլլեգիում Պոլոնիկումի ստեղծման ժամանակ նախ և առաջ շեշտը դրվել է հետևյալ ոլորտների հետազոտությունների վրա.

Գրադարան Կոլլեգիում Պոլոնիկումում
  • Արևմտյան Եվրոպայի և Կենտրոնա-արևելյան Եվրոպայի իրավական և սահմանադրական համակարգերի համեմատում
  • լեհերեն և լեհական մշակույթ
  • քաղաքական համակարգերի փոփոխությունների գործընթացները միջինեվրոպական հասարակություններում
  • Եվրոպայում, ինչպես նաև` Արևմտյան ու Կենտրոնա-արևելյան Եվրոպաների տեղի ունեցող միջմշակութային գործընթացները,
  • գերմանա-լեհական սահմանամերձ տարածքներում տնտեսական, իրավական, մշակութային, էկոլոգիական ասպեկտների ընդարձակումը` Եվրամիության` դեպի արևելք տարածվելու համատեքստում
  • լեհ-գերմանական հարաբերությունների պատմություն
  • շրջակա միջավայրի պահպանման խնդիր, ինչպես նաև` Օդեր գետի ափերին լանդշֆատի ձևավորում:

Միևնույն ժամանակ, Կոլլեգիում Պոլոնիկումն իր վրա է վերցնում հանդիպումների կենտրոն դառնալու դերը, կազմակերպում է խորհրդաժողովներ, սեմինարներ, ցուցահանդեսներ, գիտահանրամատչելի միջոցառումներ, որոնք նպատակ ունեն ուղղել ու ամրացնել լեհ-գերմանական հարաբերությունները:

Բարձրագույն կրթություն Կոլլեգիում Պոլոնիկումում[խմբագրել | խմբագրել կոդը]

Կոլլեգիում Պոլոնիկումի հիմնական խնդիրը դիդակտիկ աշխատանքի անցկացումն ու զարգացումն է: Այս պահին այնտեղ 1700 ուսանող սովորում է 18 մասնագիտություններով: Կան առկա, հեռակա և հետբուհական դասընթացներ: Կոլլեգիում Պոլոնիկումը հնարավորություն է տալիս սովորելու և՛ ճշգրիտ, և՛ հումանիտար գիտություններ: Կրթության մեջ մեծ տեղ ունի օտար լեզուների ուսուցումը:

Բարձրագույն կրթության առաջին մակարդակ[խմբագրել | խմբագրել կոդը]

  • Բանասիրություն. մասնագիտացում` «Լեհերեն բանասիրությունը որպես օտար լեզու»
  • Լեհական բանասիրություն
  • Քաղաքագիտություն
  • Քաղաքագիտություն (հեռակա)
  • Շրջակա միջավայրի պահպանություն
  • Հողօգտագործում
  • Ֆիզիկա. մասնագիտացում` «Կիրառական ինֆորմատիկա»

Բարձրագույն կրթության երկրորդ մակարդակ[խմբագրել | խմբագրել կոդը]

  • Քաղաքագիտություն (հեռակա)
  • Քաղաքագիտություն անգլերեն լեզվով
  • Master of European Studies (գերմաներենով)
  • Եվրոպական մշակույթի պահպանում (գերմաներենով)
  • Master of European Politician Studies (անգլերենով)
  • Միջմշակութային հաղորդակցություն (անգլերենով և գերմաներենով)

Մագիստրոսական աստիճան[խմբագրել | խմբագրել կոդը]

  • Հողօգտագործում
  • Իրավունք (միայն Վիադրինայի համալսարանի Bachelor/Master of German and Polish Law" ֆակուլտետի ուսանողների համար)

Արտաքին հղումներ[խմբագրել | խմբագրել կոդը]