Կոլեկտիվ անվտանգություն

Ներկայումս գործող կոլեկտիվ անվտանգության խոշոր կազմակերպությունները      ՆԱՏՕ, ԸԱՊՔ      ՇՀԿ, ՀԱՊԿ      ՀԱՄ      ԽԱԽ

Կոլեկտիվ անվտանգություն, պետությունների համագործակցություն՝ հանուն միջազգային խաղաղության ամրապնդման, խաղաղությանն սպառնացող վտանգի կանխման ու վերացման և, անհրաժեշտության դեպքում, ագրեսիայի ակտի դադարեցման։ Հարձակումը պայմանագրի մասնակիցներից որևէ մեկի վրա հարձակում է դիտվում նրա բոլոր մասնակիցների վրա։ Կոլեկտիվ անվտանգությունը կարող է իրագործվել ինչպես համընդհանուր, համակողմանի միջազգային կազմակերպության (օրինակ, Միավորված ազգերի կազմակերպության Անվտանգության խորհուրդ), այնպես էլ տարածաշրջանային կազմակերպությունների և փոխադարձ համաձայնությունների շրջանակներում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 510)։