Կլայպեդայի համալսարան

Կլայպեդայի համալսարան
Տեսակ	համալսարան և ազատ հասանելիության հրատարակություն
Հիմնադրված է	1991
Երկիր	Լիտվա
Տեղագրություն	Կլայպեդա
Կայք	ku.lt
	Կլայպեդայի համալսարան, Լիտվա
	Klaipėda University Վիքիպահեստում

Կլայպեդայի համալսարան (լիտ.՝ Klaipėdos universitetas, KU, ԿՀ), Արևմտյան Լիտվայի Կլայպեդա քաղաք-նավահանգստի պետական գլխավոր համալսարանը։

Պատմություն[խմբագրել | խմբագրել կոդը]

Համալսարանը ձևավորվել է 1991 թվականի հունվարի 1-ին^[2] Սեյմի որոշմամբ Լիտվական ԽՍՀ խոշոր բուհերի մասնաճյուղերի հիման վրա, որոնք մինչ այդ գործել էին Կլայպեդայում^[3]։ Առաջին ընդունելությունը կազմել է 1,8 հազար ուսանող երեք ֆակուլտետներում՝ բնական-հումանիտար, ծովային և մանկավարժական։ 2014 թվականին համալսարանում հաշվվում են 5,3 հազար ուսանող և 630 աշխատակից (2013), համալսարանն առաջարկում է բակալավրի աստիճան 58 գիտաճյուղում, մասնագետ՝ 3, մագիստրոս՝ 56 գիտաճյուղում, դոկտոր՝ 10։ 1995 թվականին համալսարանում ստեղծվել է ուսանողական խորհուրդ։ Հիմնականում ուսուցումն իրականացվում է լիտվերեն։ 2010 թվականին բացվել է եվրոպական հետազոտությունների մագիստրոսական ծրագիր (European studies), որտեղ դասավանդումը կարող է իրականացվել անգլերեն։ 2015 թվականից սկսվել է բակալավրի ընդունելություն ռուսերենով։ Համալսարանը խրախուսում է ուսանողների ճկունությունը, այդ իսկ պատճառով Erasmus+ ծրագրի շրջանակում համագործակցության համաձայնագիր է կնքված տարբեր երկրների համալսարանների հետ՝ Ավստրիա, Բելգիա, Չեխիա, Դանիա, Մեծ Բրիտանիա, Էստոնիա, Իսպանիա, Իսլանդիա, Իտալիա, Լատվիա, Լեհաստան, Մալթա, Նորվեգիա, Նիդերլանդներ, Պորտուգալիա, Ռումինիա, Ֆրանսիա, Սլովակիա, Ֆինլանդիա, Շվեդիա, Թուրքիա, Գերմանիա^[4]։ Ամեն տարի համալսարանում սովորում են մոտավորապես 80 օտարերկրացի ուսանող։ Համալսարանի մոտ 120 ուսանող մեկ կամ երկու կիսամյակ գնում կամ գալիս են սովորելու արտասահմանում։ Աշխարհում համալսարանը ճանաչման է հասել Ժուվեդրա (Ճայ) պարային խմբի շնորհիվ, որը բազմիցս առաջին տեղ է գրավել լատինամերիկյան պարերի աշխարհի և Եվրոպայի առաջնություններում։

Ղեկավար մարմին[խմբագրել | խմբագրել կոդը]

Ղեկավարման հիմնական մարմիններն են Խորհուրդը, Սենատը և համալսարանի ռեկտորը։ Ռեկտորին ենթական են երեք պրոռեկտոր՝ գիտական պրոռեկտոր, ուսումնական պրոռեկտոր և ենթակառուցվածքների ու զարգացման պրոռեկտոր։

Կառուցվածք[խմբագրել | խմբագրել կոդը]

Ներկայումս համալսարանն ունի 5 ֆակուլտետ, 5 ինստիտուտ և 1 ակադեմիա.

Ֆակուլտետներ[խմբագրել | խմբագրել կոդը]

Ծովային տեխնոլոգիաներ և բնական գիտություններ,
մանկավարժական և հումանիտար գիտություններ,
սոցիալական գիտություններ,
բժշկություն,
արվեստ։

Ինստիտուտներ[խմբագրել | խմբագրել կոդը]

Ծովային^[5],
շարունակական կրթության,
Բալթյան ծովեզերքի շրջակայքի նախագծման և հետազոտությունների ինստիտուտ,
Բալթյան տարածաշրջանի հնագիտության և պատմության ինստիտուտ,
մեխատրոնիկա։

Ակադեմիա[խմբագրել | խմբագրել կոդը]

Արվեստի։

Համալսարանի ռեկտորներ[խմբագրել | խմբագրել կոդը]

Պրոֆեսոր Դոնատաս Շվիտրա (1991 —1993)
Պրոֆեսոր Ստասիս Վաիտեկունաս (1993 —2001),
Պրոֆեսոր Վլադաս Ժուլկուս (2002 —2011),
Պրոֆեսոր Վայդուտիս Լաուրենաս (2011 —2014),
Պրոֆեսոր Էյմուտիս Յուզելյունաս (2014 թվականից)։

Պատվավոր դոկտորներ[խմբագրել | խմբագրել կոդը]

Վիտաուտաս Կավոլիս (1995) (ԱՄՆ, փիլիսոփա, պրոֆեսոր),
Վիլյուս Պետերայտիս (1995) (Կանադա, Փոքր Լիտվայի ֆոնդի նախագահ),
Ալֆրեդաս Վելյուս (1995) (ԱՄՆ, Աստվածաշնչի լիտվերեն թարգմանիչ),
Ստաստիս Անթանաս Բաչկիս (1996) (լիտվացի դիվանագետ, քաղաքական գործիչ, գիտնական հասարակական գործիչ),
Ալֆոնսաս Ժալիս (1996) (Կլայպեդայի համալսարանի ստեղծման նախաձեռնող),
Վիտաուտաս Լանդսբերգիս (1997) (քաղաքական, հասարակական գործիչ, պրոֆեսոր, Եվրոպայի պառլամենտի անդամ)
Անթանաս Վայչյուս (1997) (Տելշյայի եպիսկոպոս),
Ջոն Վ. Հայդեն (1997) (Մեծ Բրիտանիա, Բրեդֆորդի համալսարան, Բալթիկայի ուսուցման պրոֆեսոր),
Ալգիս Միցկունաս (2000) (ԱՄՆ, փիլիսոփա, պրոֆեսոր),
Կեյո Վիտանեն (2000) (Ֆինլանդիա, ռեկտոր, Տուրկուի համալսարան, պրոֆեսոր),
Բրոնիսլովաս Լուբիս (2000) (Կլասկո ընկերության նախագահ),
Գուիդո Միխելինի (2000) (Պարմի համալսարանի պրոֆեսոր, Իտալիա),
Վալենտինաս Շերնաս (2000) (Ռուջերի համալսարանի պրոֆեսոր, ԱՄՆ),
Վալդաս Ադամկուս (2008) (Լիտվայի նախագահ),
Ջոհեն Դ. Ռեյնջ (2010) (Գրեյսվալդի համալսարանի պրոֆեսոր, Գերմանիա),
Անդրեյ Կլեմեշև (2010) (Բալթյան ֆեդերալ համալսարանի ռեկտոր, Ռուսաստան),
Վալդիս Զատլերս (2011)(Լատվիայի նախագահ),
Թոմաս Վենցլովա (2012) (պրոֆեսոր, էսսեագիր, հրատարակիչ),
Ադամ Միխնիկ (2012) (լեհ հասարակական գործիչ, լրագրող, այլախոհ),
Վիկտոր Վիտաուտաս Կլեմաս (2013) (պրոֆեսոր, Դելավարի համալսարանի պրոֆեսոր, ԱՄՆ),
Վիտաուտաս Յակելայտիս (2013) (արվեստի և մշակույթի հասարակական գործիչ),
Կիոստի Ուրպոնեն (2016) (Լապլանդիայի համալսարանի պրոֆեսոր, Ֆինլանդիա),
Հելենա Լեյնո Լիլպի (2016) (պրոֆեսոր, Տուրկուի համալսարան)։

Ծանոթագրություններ[խմբագրել | խմբագրել կոդը]

↑ Բաց մատչելիության ամսագրերի տեղեկատու — 2003.
↑ «NORTHERN EUROPE - SHIPPING, MARITIME, LOGISTICS, SUPPLY CHAIN EDUCATION AND TRAINING»։ EduMaritime.com։ Վերցված է մայիսի 31, 2015
↑ «About the University...»։ Klaipėda University։ Արխիվացված է օրիգինալից 2010-05-25-ին։ Վերցված է 2010-03-01
↑ «Archived copy»։ Արխիվացված է օրիգինալից 2012-04-20-ին։ Վերցված է 2012-04-19
↑ «KLAIPĖDA UNIVERSITY AT KLAIPĖDA, LITHUANIA»։ EduMaritime.com։ Վերցված է մայիսի 31, 2015

Արտաքին հղումներ[խմբագրել | խմբագրել կոդը]

Կլայպեդայի համալսարանի պաշտոնական կայք

[_1ceaafc3a9bffa23-1] Բաց մատչելիության ամսագրերի տեղեկատու — 2003.

[2] «NORTHERN EUROPE - SHIPPING, MARITIME, LOGISTICS, SUPPLY CHAIN EDUCATION AND TRAINING»։ EduMaritime.com։ Վերցված է մայիսի 31, 2015

[ku1-3] «About the University...»։ Klaipėda University։ Արխիվացված է օրիգինալից 2010-05-25-ին։ Վերցված է 2010-03-01

[4] «Archived copy»։ Արխիվացված է օրիգինալից 2012-04-20-ին։ Վերցված է 2012-04-19

[EduMaritime.com-5] «KLAIPĖDA UNIVERSITY AT KLAIPĖDA, LITHUANIA»։ EduMaritime.com։ Վերցված է մայիսի 31, 2015

[1]

[2]

[3]

[4]

[5]