Կիրիկուն և վհուկը

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Կիրիկուն և վհուկը
ֆր.՝ Kirikou et la Sorcière
Kirikou et la Sorcière logo.jpg
Տեսակլիամետրաժ մուլտֆիլմ
Ժանրֆենթեզի ֆիլմ, արկածային ֆիլմ և մանկական ֆիլմ
ՌեժիսորՄիշել Օսելո
ՍցենարիստՄիշել Օսելո
ՊրոդյուսերԴիդյե Բրունե
ԵրաժշտությունԻուսսու Ն’Դուր
ԵրկիրFlag of France.svg Ֆրանսիա, Flag of Belgium (civil).svg Բելգիա և Flag of Luxembourg.svg Լյուքսեմբուրգ
Լեզուֆրանսերեն
ԸնկերությունFrance 3 և Միշել Օսելո
Տևողություն74 րոպե
ՍիկվելKirikou and the Wild Beasts?
Թվական1998 և հոկտեմբերի 7, 1999[1]

«Կիրիկուն և վհուկը» (ֆր.՝ Kirikou et la Sorcière), ռեժիսոր և սցենարիստ Միշել Օսելոյի 1998 թվականի մուլտիպլիկացիոն ֆիլմը։ Հիմքում ընկած են արևմտաաֆրիկյան ժողովրդական հեքիաթները[2]։ Մուլտֆիլմը պատմում է այն մասին, որ Կիրիկու անունով նորածին տղան պաշտպանում է իր գյուղը Կարաբա անունով չար վհուկից։ Մուլտֆիլմը համատեղ թողարկել են Ֆրանսիայի, Բելգիայի և Լյուքսեմբուրգի ընկերություններ, նկարահանվել է Լատվիայի Rija Films և Հունգարիայի Studio Exist ստուդիաներում[3]։ Մուլտֆիլմը առևտրային տեսանկյունից հաջողություններ է գրանցել, նրան հաջորդել է «Կիրիկուն և վայրի գազանները» (ֆր.՝ Kirikou et les bêtes sauvages) շարունակությունը, որը թողարկվել է 2005 թվականին, ինչի հիման վրա բեմադրվել է «Kirikou et Karaba» մյուզիքլը, որը հանրությանը ներկայացվել է 2007 թվականին[4]։ Մեկ այլ շարունակություն՝ «Կիրիկուն և տղամարդիկ ու կանայք» (ֆր.՝ Kirikou et les hommes et les femmes), թողարկվել է 2012 թվականին։

Սյուժե[խմբագրել | խմբագրել կոդը]

Ահա արդեն վաղուց է գյուղի վրա հարձակվում է չար վհուկը, որը քանդում է տները, խլում է ոսկիները, ուտում այն տղամարդկանց, որոնք ցանկանում են պայքարել իր դեմ։ Մարդիկ ապրում են վախի մեջ։ Բայց հանկարծ ծնվում է Կիրիկուն՝ յուրահատուկ տղան։ Ծնվելու պահից նա կարողանում է խոսել և լինում է խորիմաց։ Գյուղում հույս է ծագում։ Կիրիկուն կարողանում էր կայծակնային արագությամբ վազել և խորամանկել չար վհուկի ծառաներին։ Նա նաև օգնում էր գյուղի բնակիչներին՝ երեխաներին փրկելով վհուկի խարդավանքներից ու հրեշից ազատելով ջրի ակունքը։ Ցանկանալով գուշակել վհուկի գաղտնիքը. «Թե ինչու՞ է նա այդպես անազնիվ ու չար», Կիրիկուն ուղևորվում է ծերունի իմաստունի մոտ վտանգավոր ճանապարհորդության։ Իմանալով, որ պատճառը կախարդված փուշն է, որը չար մարդիկ մի անգամ խրել են վհուկի մեջքին, Կիրիկուն խորամանկորեն դուրս է կանչում վհուկին որջից և վհուկի մեջքից ատամներով հանում է անիծյալ փուշը։ Չարությունից զրկված վհուկը վերածվում է սովորական կնոջ։ Կիրիկուն դառնում է հասուն տղամարդ, ամուսնանում է նախկին վհուկի հետ, իսկ գյուղի բոլոր տղամարդիկ վերադառնում են իրենց տները։ Բոլորը փառաբանում են Կիրիկուին։

Մրցանակներ[խմբագրել | խմբագրել կոդը]

  • 1999 թվականին Ֆրանսիայի Աննեսի փառատոնի Գրան պրի։

Ծանոթագրություններ[խմբագրել | խմբագրել կոդը]

  1. http://www.zelluloid.de/filme/index.php3?id=998
  2. Lugt Peter van der (2008-08-25)։ «This is animation»։ GhibliWorld.com։ Արխիվացված է օրիգինալից 2012-10-07-ին։ Վերցված է 2008-08-25 
  3. Ocelot Michel (2003-12-05)։ «Des noms»։ Tout sur Kirikou (French)։ Paris: Seuil։ էջեր 172–173։ ISBN 2-02-062827-9 
  4. Hetrick Adam (2007-06-21)։ «Animated film Kirikou and the Sorceress to become stage musical»։ Playbill.com։ Արխիվացված է օրիգինալից 2012-10-07-ին։ Վերցված է 2008-10-08