Կիրիլ Գաբուրիչ

Վիքիպեդիայից՝ ազատ հանրագիտարանից
Jump to navigation Jump to search
Կիրիլ Գաբուրիչ
Chiril Gaburici (crop.).jpg
 
Կուսակցություն՝ Մոլդովայի լիբերալ-դեմոկրատական կուսակցություն
Կրթություն՝ Slavonic University of Moldova?
Մասնագիտություն՝ ձեռնարկատեր, քաղաքական գործիչ և տնտեսագետ
Ծննդյան օր նոյեմբերի 23, 1976(1976-11-23) (42 տարեկան)
Ծննդավայր Լոգանեշտի, Հնչեշտի շրջան, Մոլդովական Խորհրդային Սոցիալիստական Հանրապետություն, ԽՍՀՄ
Քաղաքացիություն Flag of Moldova.svg Մոլդովա

Կիրիլ Վասիլևիչ Գաբուրիչ (ռում.՝ Chiril Gaburici, ծնվ․ նոյեմբերի 23, 1976, Լոգանեշտի, Մոլդովական ԽՍՀ, ԽՍՀՄ), մոլդովացի պետական գործիչ, տնտեսագետ, ձեռնարկատեր։ 2015 թվականի փետրվարի 18-ին Մոլդովայի խորհրդարանի կողմից նշանակվել է երկրի վարչապետ[1]։ Մոլդովայի վարչապետի պաշտոնից հրաժարական է տվել 2015 թվականի հունիսի 12-ին։

Կենսագրություն[խմբագրել | խմբագրել կոդը]

Կիրիլ Գաբուրիչը ծնվել է 1976 թվականի նոյեմբերի 23-ին Մոլդովական ԽՍՀ-ի Հինչեշտի շրջանի Լոգանեշտի գյուղում։

2001-2003 թվականներին եղել է Moldcell բջջային կապի օպերատորի շրջանային վաճառքի բաժնի ներկայացուցիչ, որտեղ նա պատասխանատու էր երկրի հյուսիսում օպերատորի զարգացման համար։ Այնուհետև մինչև 2004 թվականն աշխատել է որպես Moldcell շրջանային վաճառքի բաժնի վարիչ։ 2004 թվականի մայիսից մինչև 2008 թվականի հոկտեմբերը եղել է Moldcell վաճառքի դեպարտամենտի տնօրեն։ 2008 թվականի նոյեմբերի ստանձնել է Moldcell գլխավոր տնօրենի պարտականությունները

2012 թվականին Գաբրիչը տեղափոխվել է Ադրբեջան, որտեղ ղեկավարել է Azercell Telekom ընկերությունը։ 2014 թվականի դեկտեմբերին ինքնակամ հրաժարվել է ընկերության նախագահի պաշտոնից։

2015 թվականի փետրվարի 14-ին Մոլդովայի նախագահ Նիկոլաե Տիմոֆտիի դեկրետով նշանակվել է որպես երկրի վարչապետի թեկնածու։ Փետրվարի 18-ին Գաբուրիչի կառավարության օգտին քվեարկեցին խորհրդարանի 60 (101-ից) պատգամավորներ։

Այն բանից հետո, երբ Մոլդովայի դատախազությունը հետաքննություն սկսեց Գաբուրիչի կրթական դիպլոմի կեղծիքի գործով, 2015 թվականի հունիսի 12-ին հրաժարական տվեց վարչապետի պաշտոնից[2]։ Շուտով գործը փակվեց վաղեմության ժամկետը լրանալու պատճառով․ դիպլոմը տրվել էր 1995 թվականին, իսկ այդպիսի գործի վաղեմության ժամկետը 2 տարի է[3]։

Անձնական կյանք[խմբագրել | խմբագրել կոդը]

Կնոջ՝ Իրինայի հետ դաստիարակում է 2 որդիներին[4]։

Տիրապետում է ռումիներեն, ռուսերեն, անգլերեն և ֆրանսերեն լեզուներին[5]։ Նվագում է կիթառ։ Հետաքրքվել է ավտոմոբիլային սպորտով, մասնակցել պրոֆեսիոնալ մրցարշավի և ռալլիի։ Գլխավորում է Ավտոսպորտի ազգային ակումբը[5]։

Գաբուրիչի կառավարությունը[խմբագրել | խմբագրել կոդը]

  • Վարչապետ
    • Կիրիլ Գաբուրիչ (փետրվարի 18, 2015 - հունիսի 21, 2015)
    • Նատալյա Գերման (հունիսի 22, 2015 - հուլիսի 30, 2015)
  • Առաջին փոխվարչապետ, արտաքին գործերի և եվրոպական ինտեգրման նախարար
  • Փոխվարչապետ, էկոնոմիկայի նախարար
  • Վերաինտեգրման փոխվարչապետ
  • Ֆինանսների նախարար
  • Շրջանային զարգացման և շինարարության նախարար
  • Գյուղատնտեսության և սննդի արդյունաբերության նախարար
  • Շրջակա միջավայրի նախարար
  • Կրթության նախարար
  • Առողջապահության նախարար
  • Աշխատանքի, սոցիալական ապահովության և ընտանիքի նախարար
  • Մշակույթի նախարար
  • Տրանսպորտի և ճանապարհային ենթակառուցվածքների նախարար
  • Արդարադատության նախարար
  • Ներքին գործերի նախարար
  • Տեղեկատվական տեխնոլոգիաների և հաղորդակցության նախարար
  • Պաշտպանության նախարար
  • Երիտասարդության և սպորտի նախարար
  • Մոլդովայի Հանրապետության գիտությունների ակադեմիայի նախագահ
  • Գագաուզիայի ղեկավար (Բաշկան Գագաուզ Երի)

Ծանոթագրություններ[խմբագրել | խմբագրել կոդը]