Կիոշի Յամաշիտա
Կիոշի Յամաշիտա ճապ.՝ 山下清 | |
---|---|
Ծնվել է | մարտի 10, 1922 |
Ծննդավայր | Nihonzutsumi, Թայթո |
Մահացել է | հուլիսի 12, 1971 (49 տարեկան) |
Քաղաքացիություն | Ճապոնիա |
Մասնագիտություն | նկարիչ |
Kiyoshi Yamashita Վիքիպահեստում |
Կիոշի Յամաշիտա (ճապ.՝ 山下 清, մարտի 10, 1922, Nihonzutsumi, Թայթո - հուլիսի 12, 1971) ճապոնացի նկարիչ, որը հայտնի է իր թափառումներով ամբողջ Ճապոնիայում, որի ժամանակ հաճախ կրել է անթև ներքնաշապիկ, և ստացել է «Մերկ գեներալ» մականունը[1]։
Վաղ կյանք[խմբագրել | խմբագրել կոդը]
Յամաշիտան ծնվել է Տոկիոյի Ասակուսա շրջանում։ Երեք տարեկանում նա ունեցել է սուր աբդոմինալ խանգարում, որը թեև կյանքին վտանգ չի սպառնացել, բայց խոսքի և որոշակի նյարդային խանգարում է առաջացրել։
Տարրական դպրոցում Յամաշիտային ծաղրել են և նա մի անգամ դանակով վիրավորել է դասընկերոջը։ Այդ պատճառով նրա ծնողները որոշել են Կիոշիին տեղափոխել Չիբա նահանգի Իչիկավա քաղաքի մտավոր հաշմանդամների Յահատա հաստատություն։ Նրա ինտելեկտի գործակից հավասար է եղել 68-ի[2]։ Հենց այստեղ նա փորձել է պատառոտված թղթի կտորներով նկարներ ստեղծել։ Յամաշիտայի տաղանդը գնահատել է հոգեկան առողջության փորձագետ Ռյուզաբուրո Շիկիբանը, որը Օսակայում կազմակերպել է Յամաշիտայի աշխատանքների ցուցահանդես, ինչը արժանացել է մեծ գովասանքի[1]։
Հաստատությունում ապրելուց հոգնած և Կայսերական ճապոնական բանակում հավաքագրման պարտադիր ֆիզիկական զննումից խուսափելու համար 1940 թվականին Յամաշիտան փախել է և սկսե է իր թափառումները Ճապոնիայում, ինչը տևել է մինչև 1954 թվականը։
21 տարեկանում Յիշոտոյին գտել են նրան ռեստորանում օգնելիս և ստիպել են հանձնել զինվորական հավաքագրման քննությունը։ Արդյունքում նրան համարել են ծառայությանը ոչ պիտանի։ Այս ժամանակաշրջանի իրադարձությունները արձանագրվել են նրա 1956 թվականին գրած «Թափառումների օրագրում», և հենց այս ժամանակաշրջանից է Յամաշիտայի ամենահայտնի լուսանկարը, որտեղ նա պատկերված է ուսապարկով՝ միայնակ ճանապարհորդելիս[1]:.
Աշխատանքներ[խմբագրել | խմբագրել կոդը]
Իր ճանապարհորդությունների ժամանակ տեսածը պատկերելու համար Յամաշիտան օգտագործել է գունավոր թղթի պատառոտված կտորները միմյանց կպցնելով նկարելու՝ չիգիրի-ե (ճապ.՝ ちぎり絵) մեթոդը։ Նրա ամենահայտնի գործերից մի քանիսը կատարվել են այս տեխնիկայով։ Ունենալով տեսողական էյդետիկ հիշողություն՝ Յամաշիտան սովորաբար նկարել է հիշողությամբ։ Այդ պատճառով Յամաշիտային հաճախ համարում են սավանտի համախտանիշ կրող։
Հետպատերազմյան շրջանում նա հայտնի է դարձել որպես «ճապոնացի Վան Գոգ» կամ «Մերկ գեներալ», քանի որ ճամփորդությունների ժամանակ անթև ներքնաշապիկ է կրել, ինչը ճապոնացիների տեսակետից հավասար է մերկությանը և սովորություն է ունեցել մեծ քաղաքները գեներալ անվանել[3]։ 1956 թվականին Կիոշի Յամաշիտայի ցուցահանդեսը բացվել է Տոկիոյի Դայմարու խանութում, իսկ հետո ցուցադրվել է Ճապոնիայի 130 բնակավայրերում։ Նրա նկարները դիտել են ավելի քան 500,000 այցելու։ 1961 թվականի հունիսից Յամաշիտան և Շիկիբան 40-օրյա շրջագայություն են կատարել Եվրոպայում։ Այնտեղ նա նկարել է իր տեսած բազմաթիվ հայտնի վայրեր ու հուշարձաններ[1]։
Մահ[խմբագրել | խմբագրել կոդը]
Յամաշիտան մահացել է 49 տարեկանում ներուղեղային արյունազեղումից[4]։
Հիշատակ[խմբագրել | խմբագրել կոդը]
Նրա աշխատանքները մինչ օրս բարձր գնահատականի են արժանանում ողջ Ճապոնիայում և հաճախակի ցուցահանդեսների առարկա են։ Նրա կյանքը պատկերված է 17 տարի տևող ճապոնական հեռուստատեսային՝ «Մերկ գեներալի ճամփորդական տարեգրություն» (ճապ.՝ 裸の大将放浪記) դրամայում, որը ցուցադրվել է 1980-1997 թվականներին[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 «Японский Ван Гог. Художника Киоши Ямашита знает каждый японец». Пикабу (ռուսերեն). Վերցված է 2023 թ․ հունվարի 20-ին.
- ↑ Необыкновенные люди. 1989. ISBN 9780060159450.
{{cite book}}
: Unknown parameter|URL - доступ=
ignored (օգնություն); Unknown parameter|издатель=
ignored (օգնություն); Unknown parameter|местоположение=
ignored (օգնություն); Unknown parameter|первый=
ignored (օգնություն); Unknown parameter|последний=
ignored (օգնություն); Unknown parameter|страница=
ignored (օգնություն) - ↑ Татьяна, кем (2021 թ․ դեկտեմբերի 18). «Киоши Ямашита. Японский Ван Гог». Проведем время с пользой (ռուսերեն). Վերցված է 2023 թ․ հունվարի 20-ին.
- ↑ «画家 山下清». www.yamashita-kiyoshi.gr.jp. Վերցված է 2023 թ․ հունվարի 20-ին.
- ↑ «Хадака но Тайшо Хороки (1980) японская драма - DramaWiki». dramawiki.com (ռուսերեն). Արխիվացված է օրիգինալից 2023 թ․ հունվարի 20-ին. Վերցված է 2023 թ․ հունվարի 20-ին.
Վիքիպահեստն ունի նյութեր, որոնք վերաբերում են «Կիոշի Յամաշիտա» հոդվածին։ |
|