Կիմոլոս

Կիմոլոս (հուն․՝ Κίμωλος ), Հունաստանին պատկանող կղզի Եգեյան ծովում^[1]։ Վարչականորեն մտնում է Հարավային Եգեյան կղզիներ պերիֆերիայի կազմի մեջ։

Աշխարհագրություն

Կիմոլոս կղզին մտնում է Կիկլադյան կղզիների կղզեխմբի մեջ։ Գտնվում է Կիկլադների հարավ-արևմուտքում՝ Սիֆնոս և Միլոս հրաբխային կղզիների մեջտեղում։

Ընդհանուր առմամբ զբաղեցնում է 36 կմ² տարածք։ Կղզու ամենաբարձր կետը Պալայոկաստրո լեռն է՝ 364 մետր բարձրությամբ։

Կղզու տարածքում գտնվող Փսաֆի գյուղում գործում է փոքրիկ նավահանգիստ։

Ըստ 2001 թվականի տվյալների՝ կղզում բնակվում է 769 մարդ, հիմնականում՝ հույներ։ Կիմոլոսում գործում է հույն ուղղափառ եկեղեցի։

Կղզու բնակչությունը հիմնականում զբաղվում է զբոսաշրջիկներին ընդունելով և ձկնորսությամբ։

↑ «Եգեյան ծովի կղզիներ». Կիմոլոսի պաշտոնական կայք. Վերցված է 2014 թ․ օգոստոսի 12-ին.

Վիքիպահեստն ունի նյութեր, որոնք վերաբերում են «Կիմոլոս» հոդվածին։