Կենտուկիի մսային անձրև

Վիքիպեդիայից՝ ազատ հանրագիտարանից
Jump to navigation Jump to search

Կենտուկիի մսային անձրև, 1876 թվականի մարտի 3-ին տեղի ունեցած դեպք, որ տևել է մի քանի րոպե։ Կենտուկիի Բաթ շրջանի Ռանկին բնակավայրի մոտ` 91 մ երկարությամբ և 46 մ լայնությամբ տարածքի վրա, երկնքից կարմիր մսի «փաթիլներ» են թափվել[1]։ Կտորների մեծ մասը մոտ 5 սանտիմետր քառակուսի էին, իսկ մի քանիսը նույնիսկ 10 սանտիմետր քառակուսի[2]։ Այս ֆենոմենի մասին հայտնել է New York TimesScientific American[3] և մի քանի այլ հրատարակչություններ[1][4]։

Պարզվել է, որ թափվող միսը եղել է տավարի միս, սակայն ըստ Scientific American-ի` երկու տղամարդիկ, ովքեր փորձել են միսը, կարծել են, որ այն եղել է գառան միս կամ վենիսոն (եղնիկի միս)[5]։ Բ. Ֆ. Ելինգթոնը` տեղացի մի որսորդ, կարծել է, որ այն արջի միս է եղել[6]։ Sanitarian ամսագրի խմբագիր Լեոպոլդ Բանդեիսը նյութը դիտարկել է որպես նոստոկ` ցիանոբակտերիայի տեսակ[1]։ Բրանդեիսը մսի օրինակը տարել է Նյուարկի գիտական կենտրոն հետագա անալիզներ անելու համար։ Այնուհետև նա նամակ է ստացել աշխատակից դոկտոր Ալան Մաքլեյն Համիլթոնից, ով Medical Record ամսագրում նշել է, որ միսը եղել է ձիու կամ նորածին մարդու թոքերի հյուսվածքներ.

Aquote1.png Օրգանի կառուցվածքը այս երկու դեպքերում էլ գրեթե նույնն են[5][7]։ Aquote2.png

Այս հայտարարությունները համապատասխանեցին հետագայում արված մի քանի այլ հետազոտություների արդյունքների հետ, որոնցից 2-ը ցույց տվեցին, որ այն թոքի միս է, 3-ը` որ այն մկան է և 2-ը` որ այն աճառ է[5]։

Բրանդեիսի նոստոկի մասին վարկածն ուներ այն հիմքը, որ նոստոկը աճում է կիսաթափանցիկ երկաթակերպ զանգվածի վրա և երբ նրա վրա անձրև է գալիս, տպավորություն է ստեղծվում, որ այն ընկնում է անձրևի հետ միասին։ Չարլզ Ֆորտը իր առաջին գրքում` The Book of the Damned-ում, նշել է, որ ոչ մի անձրև էլ չի եղել[2]։

Ծանոթագրություններ[խմբագրել | խմբագրել կոդը]