Կեյմադա Գրանդի
 | |
|---|---|
 | |
| Տեսակ | կղզի |
| Երկիր |  Բրազիլիա |
| Վարչատարածքային միավոր | Իտանիենայի գավառ |
| Երկարություն | 1,5 կմ |
| Լայնություն | 0,5 կմ |
| Մակերես | 0,43 կմ² |
| Բնակչություն | 0 մարդ |
 | |
 | |
Կեյմադա Գրանդի կղզի (պորտ.՝ Ilha da Queimada Grande), հայտնի նաև Օձերի կղզի անվամբ, ոչ հանրային մատչելիության անմարդաբնակ կղզի Ատլանտյան օվկիանոսում։ Տեղակայված է Բրազիլիայի Սան Պաուլու նահանգից 35 կմ դեպի հարավ։ Մակերեսը կազմում է 430 000 մ² (43 հա)[1]։
Անվտանգության նկատառումներով մուտքը դեպի կղզի արգելված է՝ շուրջ 5000 վտանգավոր օձերի տեսակների առկայության պատճառով[2]։ Կղզու յուրաքանչյուր քառակուսի մետրին բաժին է հասնում 1-5 թունավոր օձ։ Հանդիսանում է ոսկեգույն իժ (Bothrops insularis) խիստ թունավոր էնդեմիկ օձատեսակի միակ ապրելավայրն աշխարհում։ Համարվելով աշխարհի ամենավտանգավոր օձերի տեսակներից, ոսկեգույն իժերի թույնը կարող է առաջացնել ներքին օրգանների ներքին արյունահոսություն և գլխուղեղի այտուցվածություն[3][4]։
Օձերի խիստ մեծ քանակության պատճառով կղզում ոչ մի այլ կենդանատեսակ չի պահպանվել, ինչի պատճառով էլ երբեմն օձերի ընտանիքիների միջև հանդիպել են կանիբալիզմի դեպքեր[3]։
Ժամանակին փորձեր են կատարվել յուրացնելու կղզին և անտառազրկման միջոցով այնտեղ հիմնել բանանի պլանտացիաներ։ Նախատեսված է եղել անտառահատումն իրականացնել այրման և տեղում բանանի մշակաբույսերի տնկման ճանապարհով, որտեղից էլ սկիզբ է առել կղզու անվանումը, քանի որ queimada բառը պորտուգալերենից թարգմանաբար նշանակում է այրել («Ilha da Queimada Grande» — «Մեծ հողամաքրիչ կրակի կղզի»)։ Երկար տարիներ կղզու միակ բնակիչը եղել է փարոսի պահակը՝ իր ընտանիքով։ Ըստ որոշ զրույցների, երբ պահակի մոտ վերջանում են սննդի պաշարները, նա լքում է փարոսը և փորձում ափամերձ տարածքներում վայրի բանաններ որոնել։ Համաձայն շրջանառվող լեգենդի, փարոսի պահակը կործանվում է օձերի խայթոցից, իսկ հետագայում նույն բախտին են արժանանում նաև նրան փրկելու մեկնածները, որոնք բոլորն էլ մահանում են կղզու խորը անտառներում և մենության մեջ[5]։ Փարոսն այժմ աշխատում է ավտոմատ ռեժիմով[3]։
Ներկայումս Բրազիլիայի ռազմածովային ուժերն արգելում են քաղաքացիներին մուտք գործել կղզի։
Ծանոթագրություններ[խմբագրել | խմբագրել կոդը]
- ↑ Սենդի Դոնովան (2013) «Մահացու վտանգավոր գոտիներ», «Publisher Lerner Publications». ISBN 1467710261, էջ 16։(անգլ.)
- ↑ «Մոլորակի ամենասահմռկեցուցիչ 25 վայրը (լուսանկարներ)» Archived 2022-02-11 at the Wayback Machine.(հայ.)
- ↑ 3,0 3,1 3,2 «Օձերի կղզին (ֆոտո)»։ «life.panorama.am»։ հոկտեմբերի 14, 2014։ Արխիվացված է օրիգինալից 2017-07-04-ին։ Վերցված է 2015-06-14(հայ.)
- ↑ http://www.atlasobscura.com/places/snake-island-ilha-de-queimada-grande
- ↑ «Օձերի կղզի, մաս 1»(անգլ.)
Արտաքին հղումներ[խմբագրել | խմբագրել կոդը]
| ||||||
