Կաֆիռնիգան (Քոֆուրնիհոն) (տաջ.՝ Кофарниҳон), գետ Տաջիկստանում, Ամուդարյայի աջ վտակը։
Սկիզբ է առնում Հիսարյան լեռնաշղթայի հարավային լանջերից, առավելապես հոսում է Հիսարյան հովտով։ Երկարությունը 387 կմ է։ Կաֆիռնիգանի ափին է Վահդատ քաղաքը։
Անվանումն ստուգաբանվում է որպես «այլահավատների (այսինքն՝ ոչ մուսուլմաններին) թաքցնող». երբ Միջին Ասիայում տարածվեց իսլամը, Հիսարյան հովտի բնակիչները որոշ ժամանակ մնացին բուդդհայականներ և մազդեականներ[1]։