Կարրարա ակադեմիա

Վիքիպեդիայից՝ ազատ հանրագիտարանից
Jump to navigation Jump to search
Կարրարա ակադեմիա
Bergamo accademia carrara esterno.jpg
Տեսակարվեստի պատկերասրահ, պինակոտեկ և թանգարան
ԵրկիրFlag of Italy.svg Իտալիա[1]
ՏեղագրությունԲերգամո[1][2]
ՎայրԲերգամո
Կազմված էAccademia Carrara exhibition room?
ՀասցեPiazza Giacomo Carrara, 82/d - 24121 - Bergamo (BG)[1] և Piazza G. Carrara, 82a[2]24121[1]
Հիմնադրված է1793
ՀիմնադիրGiacomo Carrara?
Կայքlacarrara.it

Կարրարա ակադեմիա (իտալ.՝ Accademia Carrara), արվեստի պատկերասրահ և ակադեմիա Իտալիայի Բերգամո քաղաքում։

Պատմություն[խմբագրել | խմբագրել կոդը]

Պատկերասրահի հիմնումը վերագրվում է մեկենաս և կոլեկցիոներ կոմս Ջակոմո Կարրարային, որը 18-րդ դարի վերջին հարուստ ժառանգություն է թողել Բերգամո քաղաքին։ Կոմսի մահից հետո, 1796 թվականից մինչև 1958 թվականը` Բերգամո քաղաքի կոմունայի` ղեկավարումը վերցնելը, նրա ունեցվածքը տնօրինել են նշանակված կոմիսարներ։ 1810 թվականին ըստ ճարտարապետ Սիմոն Էլիայի նախագծի կլասիցիզմի ոճով նոր շինություն է կառուցվել։

Կոմս Ջակոմո Կարրարայի հավաքածուն, որում հաշվվում էր մոտ մեկուկես հազար աշխատանք, մասամբ վաճառվել է, սակայն շարունակել է ինտենսիվորեն համալրվել, հիմնականում` նվիրատուների հաշվին. 1866 թվականին կտավներ են ստացվել` ըստ կոմս Գուլելիմո Լոկիսի կտակի, 19-րդ դարի վերջին` սենատոր Ջովաննի Մորելլիի կողմից և 1998 թվականին` արվեստաբան Ֆեդերիկո Ձերիի կողմից։ Պատկերասրահի հավաքածուն համալրվել է մոտ 200 այլ նվիրատվություններով։

Այժմ հավաքածուի մեջ հաշվվում է 1800 կտավ, որոնց մեջ են այնպիսի վարպետների աշխատանքներ, ինչպիսիք են Ջորջիո Սկյավոնեն, Պիզանելլոն, Բոտիչելլին, Անդրեա Մանտենյան, Ռաֆայել Սանտին, Մորոնին, Բասկենիսը, Գալգարիոն, Ջովաննի Բատիստա Տիեպոլոն, Ջովաննի Անտոնիո Կանալետտոն և Ջովաննի Կարնովալլին։

Գեղանկարչությունից բացի թանգարանում առկա են նաև նկարներ ու փորագրություններ, քանդակներ, ճենապակի, կահույք և մեդալների հավաքածու։

1973 թվականին պատկերասրահի առաջին հանրային բացման ժամանակ կոմս Կարրարան ցանկություն է հայտնել պատկերասրահին կից հիմնել նկարչության ու գեղանկարչության դասընթացներ։ Դպրոցը, որը մինչև 1912 թվականը գտնվում էր պատկերասրահի հետ նույն շենքում, այժմ տեղակայված է հարևանությամբ գտնվող շինության մեջ։ 1908 թվականին այն դարձել է պաշտոնապես ճանաչված Գեղեցիկ արվեստների ակադեմիա (Accademia di Belle Arti):

1991 թվականին ակադեմիային է միացել ժամանակակից արվեստի Galleria d’Arte Moderna e Contemporanea (GAMEC) պատկերասրահը, որը տեղակայված է եղել հենց պատկերասրահի նեոկլասիկ ոճով կառուցված շինության դիմաց։ Պատկերասրահն այս պահին ունի 10 ցուցասրահ, որոնք տեղակայված են երեք հարկերում։ 1999 թվականի հունիսից, որպես Raccolta Gianfranco e Luigia Spajani վերակազմավորվելուց հետո, այստեղ պահվում են 20-րդ դարի իտալացի և օտարերկրացի այնպիսի վարպետների գործեր, ինչպիսիք են Ումբերտո Բոչոնին, Ջորջո Մորանդին, Մասիմո Կամպիլյին, Կազորատին, Սավինյոն, Ջորջո դե Կիրիկոն, Վասիլի Կանդինսկին, Սազերլանդը և Ջակոմո Մանցուն։

2008 թվականից Կարրարա ակադեմիան լայնորեն վերակառուցվել է։ Անհրաժեշտ վերակառուցումից հետո Պատկերասրահը վերաբացվել է 2015 թվականի ապրիլի 23-ին։ Այժմ այն ժամանակակից թանգարան է, որտեղ առկա են հանրությանն սպասարկելու անհրաժեշտ բոլոր պայմանները։ Սկսած 2016 թվականից` թանգարանը ղեկավարվում է Կարրարա ակադեմիայի հիմնադրամի կողմից։

Տնօրեններ[խմբագրել | խմբագրել կոդը]

Ակադեմիայի տնօրեններն են եղել Ջուզեպպե Դիոտտին, Էնրիկո Սկուրին, Չեզարե Տալլոնեն, Պոնցիանո Լովերինին, Լուիջի Բրինյոլին, Աքիլե Ֆունին, Տրենտո Լոնգարետտին, Պիեռլուիջի դե Վեկկին, Մարիո Կրեշին և Մարիա Գրացիա Ռեկանատին[3]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 dati.beniculturali.it — 2014.
  2. 2,0 2,1 (unspecified title) (իտալ.)
  3. «Accademia Carrara di Belle Arti»։ Accademia Carrara di Belle Arti։ Արխիվացված է օրիգինալից 2 January 2010-ին։ Վերցված է 2010-01-15 

Արտաքին հղումներ[խմբագրել | խմբագրել կոդը]