Կարոլինա Արդոային

Վիքիպեդիայից՝ ազատ հանրագիտարանից
Jump to navigation Jump to search
Կարոլինա Արդոային
իսպ.՝ Carolina Ardohain
Pampita.jpg
Ծնվել էհունվարի 17, 1978(1978-01-17)[1] (41 տարեկան)
ԾննդավայրGeneral Acha, Utracán Department, Լա Պամպա (պրովինցիա), Արգենտինա
ՔաղաքացիությունFlag of Argentina.svg Արգենտինա
Մասնագիտությունդերասանուհի և մոդել

Անա Կարոլինա Արդոային Դոս Սանթոս (իսպ.՝ Ana Carolina Ardohaín Dos Santos հունվարի 17, 1978(1978-01-17)[1], General Acha, Utracán Department, Լա Պամպա (պրովինցիա), Արգենտինա), արգենտինացի դերասանուհի, ֆոտոմոդել, հայրենի երկրում լայնորեն հայտնի է Պամպիտա մականունով, որը նրա ծննդավայրը հանդիսացող պրովինցիայի՝ Լա Պամպայի փաղաքշական ձևն է:՝

Կենսագրություն[խմբագրել | խմբագրել կոդը]

Անա Կարոլինա Արդոաինը ծնվել է 1978 թվականի հունվարի 17-ին: Նա այն հազվագյուտ անձանցից է, ում բախտ է վիճակվել մկրտվելու Բուենոս Այրեսի Nuestra Señora del Pilar in Recoleta տաճարում[2]։ Մայրը բրազիլուհի է (Պամպիտայի լրիվ ազգանվան մի մասը դարձած Դոս Սանթոսը հենց մայրական ազգանունն է)[3]։

Կարոլինան իր կարիերան սկսել է որպես ֆոտոմոդել: 2013 թվականից ի վեր նա տարատեսակ գովազդներում ներկայացնում է մարդատար ավտոմեքենաների արտադրությամբ հայտնի Citroën ֆիրման և նրա արտադրատեսակները[4][5]։

2016 թվականի մայիսից Պամպիտան հեռուստատեսությունում մասնակցել է մեծ ժողովրդականություն վայելող Bailando 2016 պարային շոուին՝ որպես ժյուրիի անդամ, և դարձել է հեռուստատեսության, այսպես ասած՝ դեմքերից մեկը[6]։ Հաջորդ տարի՝ 2017 թվականին նա նկարահանվել է «Ըմբոստ ոգին» («Desearás al hombre de tu hermana») հեռուստասերիալում, գլխավոր հերոսուհու՝ Լուլուի դերում և տպավորիչ խաղի շնորհիվ որոշակի համբավ է ձեռք բերել հայրենիքում ու նրա սահմաններից դուրս:

Անձնական կյանքը[խմբագրել | խմբագրել կոդը]

Փաստաթղթային ձևակերպումների համաձայն՝ Կարոլինա Արդոայինը 2002-2008 թվականներին ամուսնացած է եղել Մարտին Բարանտեսի հետ: 2005 թվականից դերասանուհին փաստացի ամուսնական կապի մեջ է Բենխամին Վիկունիայի հետ, ումից ներկայումս ունի երեք արու զավակ: Ունեցել են նաև մեկ դուստր, բայց աղջնակը թոքախտի պատճառով վեց տարեկան հասակում մահացել է:

Ծանոթագրություններ[խմբագրել | խմբագրել կոդը]