Կարմիր գլխարկավոր քարադրը չվող թռչուն է, որի մարմնի երկարությունը կազմում է մոտ 15 սմ, թևերի բացվածքը՝ մոտ 30 սմ և զանգվածը՝ 35-40 գրամ[2]։ Ներքևի և վերևի փետուրը սպիտակ է, իսկ վերևում կան շագանակագույն երանգներ։ Արուների մեջ գլուխը և պարանոցը վերևից կարմիր են (այստեղից էլ ստացվել է տեսակների անվանումը), իսկ էգերի մոտ` ավելի գունատ (երբեմն՝ կարմիր կամ մոխրագույն-շագանակագույն)։ Կտուցը սև է[3]։
Տեսակը լայնորեն տարածված է Ավստրալիայում, ոչ մեծ թվով հանդիպում են նաև Նոր Զելանդիայում։ Այս թռչունը ապրում է ճահճացած տարածքներում, գետերի մերձակայքում, ջրամերձ տարածքներում, սնվում է անողնաշարավորներով (որդեր, միջատներ, խեցգետնանմաններ և այլն)[4]։ Սովորաբար այս թռչունը դնում է 2 ձու՝ դեղնաշականակագույն, սև կետերով, թուխս է նստում 30 օր, ձագերը փետրավորվում են և օգնում են ծնողներին պաշտպանվել գիշատիչ թռչուններից[4]։
BirdLife International. (2006). Species factsheet: Charadrius ruficapillus.
Marchant, S.; Higgins, P.J.; & Davies, J.N. (eds). (1994). Handbook of Australian, New Zealand and Antarctic Birds. Volume 2: Raptors to Lapwings. Oxford University Press: Melbourne. ISBN 0-19-553069-1