Վիքիպեդիայից՝ ազատ հանրագիտարանից
Կարմիր Ղրիմ (ռուս. ՝ Красный Крым - Կրասնի Կրիմ), հայաբնակ խուտոր Ռուսաստանի Դաշնության Ռոստովի մարզի Մյասնիկովի շրջանում , Դոնի Ռոստովից 15 կմ հեռավորության վրա, Ռոստով-Նովոշախտինսկ ճանապարհին։ Կարմիր Ղրիմի գյուղական համայնքի վարչական կենտրոնն է։
Համաձայն 2010 թվականի տվյալների, գյուղն ուներ 1063 բնակիչ։
Գյուղը հիմնադրել են 1925 թվականին Թոփտիից տեղափոխված 9 ընտանիքները։
Կարմիր Ղրիմի գյուղական խորհրդի կազմի մեջ մտնում են Լենինական , Լենինավան , Կարմիր Ղրիմ և Փոքր Սալա գյուղերը։ Բնակիչներն զբաղվում են երկրագործությամբ (ցորենի , բանջարեղենի մշակություն), անասնապահությամբ և այգեգործությամբ ։ Գյուղն ունի ութամյա դպրոց , մշակույթի տուն, գրադարան , բուժկայան, կապի բաժանմունք և այլն։
Գյուղում կան փողոցներ Հովհաննես Թումանյանի և Ստեփան Շահումյանի անուններով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 334 )։
Ռուսաստան
