Կարլսբերգ թանգարան
Կարլսբերգ թանգարան | |
|---|---|
.JPG) | |
| Տեսակ | շենք և թանգարան |
| Երկիր |  Դանիա |
| Տեղագրություն | Կոպենհագեն |
| Վայր | Կարլսբերգ |
| Հասցե | Ny Carlsberg Vej? (105) |
| Հիմնադրվել է | 1895 |
| Պատվիրող | Կարլ Յակոբսեն |
 | |
 | |
Կարլսբերգ թանգարան (անգլ.՝ Carlsberg Museum), գտնվում է Կարլ Յակոբսենի նախկին տան մոտ, Կոպենհագենի Կարլսբերգ տարածքում։ Այն նրա քանդակագործության հավաքածուների առաջին տունն էր, որն այժմ ցուցադրվում է Նոր Կարլսբերգ Գլիպտոտեկում, քաղաքի կենտրոնում։ Շենքը բաղկացած է քսան պատկերասրահներից, որոնցում ցուցադրվող հավաքածուները հավաքվել են 1892 թվականից մինչև 1895 թվականը` Վիլհելմ Դահլերափի և Հակ Կամփմանի նախագծերի շարքերի միջոցով։ Այստեղ այժմ անց են կացվում խորհրդաժողովներ, ընդունելություններ և այլ միջոցառումներ։
Պատմություն[խմբագրել | խմբագրել կոդը]
Բակենգարդենը գնելուց և իր ընտանեկան տունը դարձնելուց հետո Կարլ Յակոբսենն ընդլայնել է այն ձմեռային այգով 1882 թվականին։ Շատ նվիրված արվեստի հավաքորդ լինելով, Կարլ Յակոբսենն օգտագործել է այն իր քանդակների համար, որոնք շուտով գերազանցել են բույսերի թիվը։ 1882 թվականի աշնանը նա բացել է հավաքածուն հանրության համար[1]։
Հավաքածուներն արագորեն աճել են, և 1885 թվականին Դահլերափը ընդլայնել է թանգարանը չորս նոր պատկերասրահով, իսկ հաջորդ տարի` ևս իննով։ Հակ Կամփմանը, որը Յակոբսոնի համար նոր տուն է կառուցել 1892 թվականին, ընդլայնել է թանգարանը վեց նոր պատկերասրահներով և դարձրել այն ներկայիս չափերին 1896 թվականին։ Նա նաև հարմարեցրել է հին սենյակներից շատերը` թողնելով միայն 2-4 պատկերասրահներն անփոփոխ։
1896 թվականի ժամանակակից հավաքածուն և 1905 թվականի դասական հավաքածուն Կարլսբերգի Նոր Գլիպտոտեկ տեղափոխվելուց հետո կառույցը ծառայել է որպես արվեստանոց և մասնավոր վայր Յակոբսեն ընտանիքի տոնակատարությունների համար։ 1915 թվականին Վագն Յակոբսենը, Կարլ Յակոբսենի որդին և ժառանգորդը որպես Կարլսբերգ ընկերության տնօրեն, շինությունը դարձրել է թանգարան` գարեջրատան պատմության մասին ցուցադրություններով։ Երկար տարիներ այն միակ վայրն էր, որտեղ գարեջրատան պատմության վերաբերյալ էքսկուրսիաներ էին անցկացվում, բայց Կարլսբերգ ընկերությունը բացել է այցելուների նոր կենտրոն այլ վայրում, և 2009 թվականի հունիսի մեկին թանգարանը վերջնականապես փակվել է։
Ճարտարապետություն[խմբագրել | խմբագրել կոդը]
Շենքը կառուցվել է կարմիր աղյուսով։ Հատուկ ուշադրության է արժանի Կայսրուհու պատկերասրահը, որը բաղկացած է ռոտոնդայից, որը ցուցադրում է չորս Հոնիական օրդեր, աբսիդի հետ նույն շարքում։ Մյուս պատկերասրահները ցուցադրում են հատակների, պատերի և առաստաղների զարդարանքների տարբեր տեսակներ։
Կարլսբերգ բիզնես կենտրոն[խմբագրել | խմբագրել կոդը]
Կարլսբերգ թանգարանը այժմ վարձով է տրվում որպես փոքր գիտաժողովների, հանդիպումների, ճաշկերույթների, ընդունելությունների և ուրիշ տարբեր միջոցառումների համար անցկացման վայր։ Այն ղեկավարվում է «Այցելիր Կարսլբերգ» ընկերության կողմից[2]։
-
Շենքի ճակատային մասը -
Ճակատային մասի զարդանախշեր
Ծանոթագրություններ[խմբագրել | խմբագրել կոդը]
- ↑ «Bygningesbeskrivelser - eksisterende bygninger» (Danish). Carlsberg Byen. Արխիվացված է օրիգինալից 2012 թ․ հոկտեմբերի 26-ին. Վերցված է 2012 թ․ հոկտեմբերի 12-ին.
{{cite web}}: CS1 սպաս․ չճանաչված լեզու (link) - ↑ «Carlsberg Museum» (Danish). Visit Carlsberg. Արխիվացված է օրիգինալից 2013 թ․ օգոստոսի 13-ին. Վերցված է 2012 թ․ հոկտեմբերի 12-ին.
{{cite web}}: CS1 սպաս․ չճանաչված լեզու (link)
 | Վիքիպահեստն ունի նյութեր, որոնք վերաբերում են «Կարլսբերգ թանգարան» հոդվածին։ |