Կարին Սյոդեր

Վիքիպեդիայից՝ ազատ հանրագիտարանից
Jump to navigation Jump to search
Կարին Սյոդեր
Karin Söder 2012 02.jpg
 
Կուսակցություն՝ Centre Party?
Մասնագիտություն՝ դիվանագետ և քաղաքական գործիչ
Ծննդյան օր նոյեմբերի 30, 1928(1928-11-30)
Ծննդավայր Kil Municipality, Värmland County, Շվեդիա
Վախճանի օր դեկտեմբերի 19, 2015(2015-12-19) (87 տարեկանում)
Վախճանի վայր Täby Municipality, Ստոկհոլմի լեն, Շվեդիա
Քաղաքացիություն Flag of Sweden.svg Շվեդիա[1]
Ամուսին Gunnar Söder?
Զավակներ Annika Söder?
 
Պարգևներ

Mårbacka Award?

Կարին Անն-Մարի Սյոդեր (շվեդ.՝ Karin Ann-Marie Söder, ծննդյան անունը՝ Ներգենֆուր, նոյեմբերի 30, 1928(1928-11-30), Kil Municipality, Värmland County, Շվեդիա - դեկտեմբերի 19, 2015(2015-12-19), Täby Municipality, Ստոկհոլմի լեն, Շվեդիա), շվեդ քաղաքական գործիչ[2]: Շվեդիայում առաջին կինն է, որ ընտրվել է երկրի հիմնական կուսակցության առաջնորդ: 1985-1987 թվականներին ղեկավարել է շվեդական «Կենտրոն» կուսակցությունը: Աշխարհում առաջին կին արտաքին գործերի նախարարն է:

Կենսագրություն[խմբագրել | խմբագրել կոդը]

Սյոդերը ծնվել է Վերմլանդ լենի Կիլ հայանքի Ֆրիկերուդ բնակավայրում: Ավարտել է Գյոթեբորգի միջնակարգ դպրոցը, այնուհետև սովորել է Ֆալուն համայնքում: Որպես ուսուցիչ աշխատել է Վերմլանդում, ապա՝ Ստոկհոլմի հյուսիսում գտնվող Տեբյու համայնքում, որտեղ 1963-1971 թվականներին եղել է տեղական խորհրդի անդամ: 1969-1973 թվականներին ընդգրկված է եղել Ստոկհոլմի քաղաքային խորհրդի կազմում: Մահացել է Տեբյուում 2015 թվականին[3]:

Քաղաքական կարիերա[խմբագրել | խմբագրել կոդը]

Գերիշխող ազդեցություն[խմբագրել | խմբագրել կոդը]

1971 թվականին Սյոդերն ընտրվել է Շվեդիայի խորհրդարանի պատգամավոր և պաշտոնավարել մինչև 1991 թվականը: Նույն թվականին դարձել է խորհրդարանի անդամ և «Կենտրոն» կուսակցության երկրորդ փոխնախագահը: Երբ 1976 թվականին Շվեդիան «Կենտրոն» կուսակցությունից վարչապետ Տյուրբորն Ֆելդինի ղեկավարությամբ ստանձնեց իշխանությունը, Սյոդերը նշանակվեց Արտաքին գործերի նախարար, առաջին կինը, ով երբևէ զբաղեցրել էր այդ պաշտոնը Շվեդիայում: Սյոդերի կուսակցությունը հեռացավ իշխանությունից 1978 թվականին միջուկային էներգետիկայի հարցով կոնֆլիկտի պատճառով, Սյոդերին լիբերալ կուսակցությունից հաջորդեց Հանս Բլիքսը: 1979 թվականին Կենտրոն կուսակցությունը վերամիավորվեց կոալիցիային, իսկ Սյոդերը վերադարձավ կառավարություն՝ 1979 թվականին զբաղեցնելով Առողջապահության և սոցիալական հարցերի նախարարի պաշտոնը: Նույն թվականին նա ընտրվեց որպես կուսակցության առաջին փոխնախագահ: Որպես նախարար պաշտոնավարել է մինչև կենտրոնական աջ կոալիցիան Սոցիալ-դեմոկրատներին պարտվել է 1982 թվականի ընտրություններում:

Karin Söder.jpg

Կենտրոն կուսակցության առաջնորդ[խմբագրել | խմբագրել կոդը]

1985 թվականին, երբ Տյուրբորն Ֆելդինը անհաջող ընտրություններից հետո հրաժարական տվեց, Սյոդերը կուսակցությունում վերջապես հասավ բարձր դիրքի՝ դառանալով Շվեդիայի հիմնական կուսակցության առաջին կին առաջնորդը, թեև պաշտոնավարել է կարճ ժամանակահատված: Առողջական պատճառների պատճառով հեռացել է կուսակցության ղեկավարությունից 1987 թվականին: Նրան հաջորդել է Օլոֆ Յոհանսոնը:

Այլ պաշտոններ[խմբագրել | խմբագրել կոդը]

Քաղաքականությամբ զբաղվելու տարիներին եղել է նաև որպես «Փրկեք երեխաներին, Շվեդիա» կազմակերպության նախագահը (1983-1995), 1984-1985 և 1989-1990 թվականներին՝ հյուսիսարևելյան խորհրդի նախագահ: Սյոդերը եղել է նաև մի շարք ընկերությունների խորհուրդների անդամ, ներառյալ Skandia և Wermlandsbanken, ինչպես նաև Թագավորական տեխնոլոգիական ինստիտուտի խորհրդի անդամ: Սյոդերը ևս մեկ անգամ քաղաքական խորագրերում հայտնվել է 2003 թվականին, երբ նա ստորագրեց մի հոդված, որով կոչ էր անում իր կուսակիցներին «Այո՛» քվեարկել շվեդական եվրոյի հանրաքվեում՝ դեմ արտահայտվելով պաշտոնական կուսակցությանը:

Չնայած Սյոդերի բազմազան նվաճումներին՝ Շվեդիայում նա հայտնի է որպես 1980 թվականի բարեփոխմամբ, ըստ որի շաբաթ օրերին փակում են Systembolaget-ը ՝ ազգային ալկոհոլային խմիչքների մանրածախ առևտրի մենաշնորհի խանութները: Այս քաղաքականությունը գործեց երկար տարիներ և վերացավ 2001 թվականին:

Ծանոթագրություններ[խմբագրել | խմբագրել կոդը]

  1. LIBRIS — 2015.
  2. «Karin Söder»։ Nationalencyklopedin (Swedish)։ Վերցված է 9 May 2010 
  3. «Tidigare C-ledaren Karin Söder död»։ Dagens Nyheter (շվեդերեն)։ 27 December 2015։ Վերցված է 27 December 2015 

Արտաքին հղումներ[խմբագրել | խմբագրել կոդը]

Պաշտոն քաղաքական կուսակցությունում
Նախորդող:
Տյուրբորն Ֆելդին
Շվեդիայի կենտրոնական կուսակցության ղեկավար
1985-1987
Հաջորդող:
Օլոֆ Յոհանսոն
Քաղաքական պաշտոններ
Նախորդող:
Սվեն Անդերսոն
Արտաքին գործերի նախարար
1976-1978
Հաջորդող:
Հանս Բլիքս
Նախորդող:
Գաբրիել Ռոմանուս
Առողջապահության և սոցիալական հարցերի նախարար
1979-1982
Հաջորդող:
Սթեն Անդերսոն