Ալեքսեյ Կարասյով

Ալեքսեյ Կարասյով
Ծնվել է	փետրվարի 2, 1834
Ծննդավայր	Օստրովսկայա, Ուստ-Մեդվեդիցկի օկրուգ, Դոնի զորքի մարզ, Ռուսական կայսրություն
Վախճանվել է	մարտի 22, 1913 (79 տարեկան)
Մասնագիտություն	գրող, լրագրող և փաստաբան
Քաղաքացիություն	Ռուսական կայսրություն
Կրթություն	Խարկովի ազգային համալսարան
Ժանրեր	արձակ
Աշխատավայր	Խարկովի ազգային համալսարան

Ալեքսեյ Ալեքսեևիչ Կարասյով (ռուս.՝ Алексей Алексеевич Карасёв, փետրվարի 2, 1834(1834-02-02)^[1], Օստրովսկայա, Ուստ-Մեդվեդիցկի օկրուգ, Դոնի զորքի մարզ, Ռուսական կայսրություն - մարտի 22, 1913(1913-03-22)^[1]) , ռուս գրող, լրագրող, փաստաբան։

Կենսագրություն

Ալեքսեյ Կարասյովը ծնվել է 1834 թվականի փետրվարի 2-ին Օստրովսկայա ստանիցայում, մանկությունն անցկացրել է ծնողների տանը Ուստ-Մեդվեդիցկայա ստանիցայում^[2]։ Սովորել է ծխական և տեղական շրջանային ուսումնարանում, այնուհետև Նովոչերկասկի գիմնազիայում^[2]։ Ուսումնառության ընթացքում սկսել է ստեղծագործել բանաստեղծություն և արձակ։

Ընդունվել է Վ. Կարազինի անվան Խարկովի ազգային համալսարան, սովորել իրավաբանական ֆակուլտետում։ Ղրիմի պատերազմի տարիներին գրել է հայրենասիրական պիես, որը բեմադրվել է Խարկովի թատրոնում^[2]։ Խարկովի համալսարանն ավարտելուց հետո մեկնում է Նովոչերկասկ, որտեղ աշխատում է գյուղացիների կենցաղի բարելավման հանձնաժողովում. պարգևատրվել է արծաթե մեդալով^[2]։

Այնուհետև աշխատել է գյուղացիական գործերով զորական քարտուղարի ներկայացուցիչ^[2]։

1869 թվականից Ալեքսեյ Կարասյովը զբաղվելէ իրավաբանական գործունեությամբ, աշխատում է զորական քաղաքացիական դատարանում, երկու տարի անց ընտրվել է Չերկասկի շրջանի հաշտարար դատավոր։ Հետագայում շրջանային դատարանում 15 տարի շարունակ աշխատել է երդվյալ հավատարմատար (փաստաբան)։ Այնուհետև Ալեքսեյ Ալեքսեևիչը զբաղվել է լրագրողական գործունեությամբ^[2]։

Ալեքսեյ Կարասյովը եղել է Դոնի երկրամասի «Դոնի տեղեկագիր» (1866-1869) և «Դոնի լրագիր» (1873-1879) մասնավոր թերթերի առաջին խմբագիր հրատարակիչը^[3]։ Կարասյովը համարվում է Դոնի պատմության և ժամանակակից կյանքի մասին հոդվածների հեղինակ, որոնք հրատարակվել են Դոնի մարզային վիճակագրական կոմիտեի աշխատություններում և ժողովածուներում, «Պատմական տեղեկագիր», «Ռուսական արխիվ» ամսագրերում, «Նոր ժամանակ», «Ռուսական հաշմանդամ», «Ձայն», «Ս.-Պետերբուրգյան տեղեկագիր» և այլ թերթերում^[3]։

Ալեքսեյ Կարասյովը գրել է ակնարկներ գավառագիտական թեմաներով, այդ թվում` «Դոնի-Ռոստով», «Ատաման Ստեպան Դանիլովիչ Եֆրեմով», «Դոնի ատամանները անցած կես դարում», «Դոնի գյուղացիները», «Վասիլի Դմիտրիևիչ Սուխոռուկով», «Բանաստեղծ Ժուկովսկին Նովոչերկասսկում», «Ատաման Խոմուտով և իշխան Դոնդուկով Կորսակով», «Կարասևների ազգանունը» և այլն^[3]։ Պատմական թեմայով նրա աշխատություններից են` «Խռովություններ Դոնում 1862-1863 թվականներին», «Ատաման Եֆրեմով», «Գնդապետ Գրուզինով», «Չեռնիշևը Դոնում», «Երկու դիակ», «Դոնի հոգեվարքի խոսքը» և այլն, որոնք հրապարակվել են «Ռուսական արխիվում», «Ռուսական հնությունում», «Պետերբուրգյան տեղեկագրերում», «Կազակական զորքերի տեղեկագրում»^[2]։

Մահացել է 1913 թվականի մարտի 22-ին։

Ծանոթագրություններ

↑ ^1,0 ^1,1 ^1,2 ^1,3 ^1,4 Library of Congress Authorities — Library of Congress.
↑ ^2,0 ^2,1 ^2,2 ^2,3 ^2,4 ^2,5 ^2,6 Карасёв Алексей Алексеевич
↑ ^3,0 ^3,1 ^3,2 «Донская электронная библиотека. Карасёв Алексей Алексеевич (1834-1913)». Արխիվացված է օրիգինալից 2019 թ․ սեպտեմբերի 12-ին. Վերցված է 2019 թ․ սեպտեմբերի 7-ին.

Արտաքին հղումներ

[_1add8d7d7f46faa4-1] 1,0 ^1,1 ^1,2 ^1,3 ^1,4 Library of Congress Authorities — Library of Congress.

[Карасёв_Алексей_Алексеевич-2] 2,0 ^2,1 ^2,2 ^2,3 ^2,4 ^2,5 ^2,6 Карасёв Алексей Алексеевич

[Донская_электронная_библиотека._Карасёв_Алексей_Алексеевич_(1834-1913)-3] 3,0 ^3,1 ^3,2 «Донская электронная библиотека. Карасёв Алексей Алексеевич (1834-1913)». Արխիվացված է օրիգինալից 2019 թ․ սեպտեմբերի 12-ին. Վերցված է 2019 թ․ սեպտեմբերի 7-ին.

[1]

[2]

[3]