Կարաչոբան

Գյուղ
Կարաչոբան
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառ	Խնուսի գավառ
Այլ անվանումներ	Գարաչոբան, Գարաչոպան, Խարաչոպան, Ղարաչոբան, Ղարաչոպան, Քարաչոբան, Քարաչոպան
ԲԾՄ	1550 մետր
Պաշտոնական լեզու	Հայերեն
Բնակչություն	23 246 մարդ (2018)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Կարաչոբան, գյուղ Արևմտյան Հայաստանում, Էրզրումի վիլայեթի Խնուսի գավառում։ Գտնվում էր Խնուս քաղաքից 38 կմ հարավ-արևելք, Արածանիի վտակ Բինգյոլ գետի ձախ ափին: Գյուղից 8-10 կմ հարավ-արևելք գտնվում է Կարաչոբան ձմեռանոցը:

Աշխարհագրություն

Գյուղը տեղադրված էր ընդարձակ սարավանդի վրա: Ուներ առողջարար օդ, առատ ջուր և ընդարձակ, արգավանդ վարելահողեր ու փարթամ արոտներ:

Պատմություն

Կարաչոբանը Խնուս գավառի ամենամեծ բնակավայրն էր և ժամանակին հանդիսացել է գավառակի կենտրոն: Այն բաժանվում էր երեք թաղերի:

Գյուղն ավերվել, իսկ բնակիչները կոտորովել ու տեղահանվել են 1915 թվականի մայիսի 2-ին: Ինքնապաշտպանական կռիվների շնորհիվ հազիվ մի քանի տասնյակ հայ է փրկվել:

Բնակչություն

1909 թվականին ուներ 220, իսկ 1914 թվականին՝ 220 տուն հայ բնակիչ։

Տնտեսություն

Զբաղվում էին երկրագործությամբ, խաշնարածությամբ և արհեստներով։ Գյուղն ուներ ջրաղաց, ձիթհանք, քարաշեն, կանոնավոր կառուցված կրպակներ և արհեստանոցներ, փոստ-հեռագրատուն:

Պատմամշակութային կառույցներ

Կարաչոբանն ուներ քարաշեն, եռախորան Ս. Հակոբ անունով եկեղեցի: Եկեղեցու տանիքը հենվում էր 6 սյուների վրա:

Կրթություն

Գյուղն ուներ Ս. Ղևոնդյան անունով վեցամյա երկսեռ վարժարան:

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։