Կարակ

Ենթադաս	Շոկոլադե տարտ, tartlet
Ծագման երկիր	Շվեյցարիա
Նյութ	գանաշ, pâte sablée, Գլազուրապատում
Cuisine	Շվեյցարական խոհանոց

Կարակ (ֆրանսերեն՝ Carac) շվեյցարական աղանդեր, որը տարածված է Շվեյցարիայի ֆրանսախոս տարածքներում^[1]^[2]։ Հրուշակն ստեղծվում է թխվածքաբլիթի հիմքով, շոկոլադե սիրոպով և վառ կանաչ գլազուրով:

Պատմություն

Տորթի անվան ստուգաբանությունը պարզ չէ։ Հնչյունական կապ է նշվում կարակի հետ, որը, ըստ Ջոզեֆ Ֆավրեի «Dictionnaire universel de cuisine pratique» (1894) աշխատության նշանակում է «բարձր որակի կակաո, ինչպիսին է Կարակասում արտադրվածը»։ Շվեյցարացի հրուշակագործների կողմից կարակի մասին առաջին բանավոր հիշատակումները եղել են 20-րդ դարի առաջին կեսին։ Հրուշակագործների մասնագիտական հրապարակումներում կարակի մասին գրավոր հիշատակումները հայտնվում են 20-րդ դարի երկրորդ կեսին։ Այնուամենայնիվ գանաշը՝ կարակի արտադրության հիմնական բաղադրիչը, ավստրիական ծագում ունի, այն ստեղծվել է 1832 թվականին ավստրիացու կողմից հորինված «Սաչեր» տորթում^[3]:

Պատրաստում

Տորթի հիմքը փոքր տարտալետներ են (զամբյուղներ)՝ պատրաստված թխվածքաբլիթից։ Շոկոլադե միջուկը (գանաշ) պատրաստվում է կաթից, շոկոլադից և կարագից։ Այն պատվում է կանաչ ջնարակով։ Գլազուրը կարելի է քսել ծիրանի մուրաբայի հետ, որն առանձնահատուկ փայլ է հաղորդում։ Ավանդաբար ջնարակի վրա դրվում է կուվերտուրայի գնդիկ։ Մեր օրերում կարակները հաճախ զարդարված են տարբեր թեմատիկ գծանկարներով և ֆիգուրներով։ Ապրանքի տրամագիծը տատանվում է 6-ից 25 սանտիմետր: Աղանդերը կարելի է պատրաստել նաև քաղցր կարկանդակի տեսքով^[4]։