Կատաղիներ

Վիքիպեդիայից՝ ազատ հանրագիտարանից
Jump to navigation Jump to search

«Կատաղիներ» («Enrages»), մականուն, որ տրվել է ֆրանսիական մեծ հեղափոխության ժամանակ առավել ձախ հոսանքի ներկայացուցիչներին՝ քաղաքային պլեբսի գաղափարախոսներին (ժ. Ռու, Տ. Լեկլերկ, ժ. Վառլե և ուրիշներ)։ «Կատաղիները», դեմ չլինելով մասնավոր սեփականությանը, կոչ են արել անխնա պայքարել սպեկուլյանտների դեմ, գլխավորել են լայն սպառման ապրանքների վրա կայուն գներ հաստատելու համար շարժումը։ «Կատաղիները» կարևոր դեր են խաղացել ժիրոնդիստների (որոնք և տվել են «կատաղիներ» անունը) դեմ յակոբինյանների պայքարում։ Յակոբինյան դիկտատուրայի հաստատումը չբավարարեց «կատաղիներ»-ին, որոնք պահանջում էին անհապաղ միջոցներ ստորին խավերի վիճակը բարելավելու համար։ «Կատաղիները» խստորեն քննադատեցին 1793 թվականի յակոբինյան սահմանադրությունը։ Յակոբինյանները, որոնց համար թանկ էր դաշինքը «կատաղիներ»-ի հետ ժիրոնդիստների դեմ պայքարում, 1793 թվականի կեսին խզեցին այդ դաշինքը և աշնանը ջախջախեցին նրանց։ «Կատաղիներ»-ի համար հակաբուրժուական հայացքների և գործունեության որոշ տարրեր ուրույն դեր են խաղացել պրոլետարական գաղափարախոսության ձևավորման գործում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 285 CC-BY-SA-icon-80x15.png