Կավերնաս դու Պերուակու ազգային պարկ
Տեսակ | ազգային պարկ |
---|---|
Կազմված է | Սեռադո |
Երկիր | Բրազիլիա |
Վարչատարածք | Մինաս Ժերաիս |
Հիմնվել է | 1999 |
Մակերես | 564,48 կմ², 56 448 հեկտար, 4440 հեկտար և 52 009 հեկտար |
Կառավարում | Բրազիլիայի դաշնային կառավարություն |
Կավերնաս դու Պերուակու ազգային պարկ (պորտ.՝ Parque Nacional Cavernas do Peruaçu), ազգային պարկ և Մինաս Ժերայս նահանգում, Բրազիլիա։ Հայտնի է իր մեծ կրաքարային քարանձավներով։
Տեղագրություն[խմբագրել | խմբագրել կոդը]
Կավերնաս դու Պերուաու ազգային պարկն ունի 56448 հա տարածք։ Ստեղծվել է 1999 թվականի սեպտեմբերի 21-ին և կառավարվում է Չիկո Մենդեսի Կենսաբազմազանության պահպանության ինստիտուտի կողմից[1]։ Պարկն ընդգրկում է Մինաս Ժերայս նահանգի հյուսիսում գտնվող Ժանուարիա, Իտակարամբի և Սան Ժուան դաս Միսոյնս մունիցիպալիտետներից որոշ հատվածներ։ Մոտակայքում է գտնվում Վերեդաս դու Պերուակու պետական պարկը, որը շահագործվում է Անտառագիտության պետական ինստիտուտի և Խակրիաբա հնդկական արգելոցի կողմից[2]։
Պերուակու գետը հատում է պարկը հյուսիսարևմուտքից հարավ-արևելք ուղղությամբ, որը լցվելով Սան Ֆրանցիսկու գետ, հոսում է պարկի հարավարևելյան սահմանով[2]։ Կավերնաս դու Պերուակու բնապահպանական պահպանվող տարածքը (EPA)՝ 143866 հա տարածքով, ստեղծվել է 1989 թվականի սեպտեմբերի 26-ին[2]։ EPA-ն, որն ընդգրկում է Պերուակու գետի ավազանը, մասամբ համընկնում է և՛ ազգային պարկի և՛ պետական պարկի հետ, բայց երկու ազգային պարկերն էլ տարածվում են EPA-ի սահմաններից դուրս[3]։
Ջերմաստիճանը միջինը 18 °C է, որը չնչին չափով ավելի բարձր է ձմռանը՝ ամռանը ամպամածության ավելի մեծ ծածկույթի պատճառով։ Տարեկան տեղումների քանակը 1200 մմ է։ Հիմնականում տեղումներ լինում են ամռանը։ Հարաբերական խոնավությունը մոտ 70% է։ Պարկն ընկած է Սերրադո և Կաատինգա շրջանների միջև, որը ներառում է սեզոնային լեռնային տերևաթափ անտառ, կիսատերևաթափ անտառ ու սավաննա՝ ծառերով և անցումային գոտիներով։ Տարբեր միջավայրեր աջակցում են կենդանական աշխարհի լայն շրջանակ ունենալու համար[4]։ Գրուտա դու Ժանելյաոն և այլ քարանձավներ ունեն ժայռապատկերներ, որոնք ավելի քան 10000 տարեկան են[5]։
Պահպանություն[խմբագրել | խմբագրել կոդը]
Պարկը լիովին պաշտպանված միավորում է, ինչպես սահմանված է 9.985/2000 օրենքով, ինչն էլ հաստատել է Պահպանման միավորումների ազգային համակարգը (SNUG)[5]։ Նպատակն է՝ պահպանել երկրաբանական և հնագիտական ժառանգությունը, սերրադոյի յուրօրինակ նմուշները, սեզոնային անտառը և բնական բուսականությունը, ինչպես նաև կենդանական աշխարհի, լանդշաֆտների, ջրային ռեսուրսների և տարածաշրջանի բնական այլ հատկությունների ներկայացուցչական օրինակները[2]։ Ենթակառուցվածքների աշխատանքը, որոնք ակնկալվում էր ավարտին հասցնել 2014 թվականի հուլիսին, վեց ուղիներ է ստեղծել այցելուների համար՝ ութ քարանձավներով, որոնք բաց են հասարակության առջև։ Հույս կա, որ պարկը կներգրավի զբոսաշրջիկներին դեպի Մինաս Ժերայսի հյուսիսային շրջան[5]։
Պահպանվող տեսակներից են՝ բաշավոր գայլը (Chrysocyon brachyurus), պուման (Puma concolor), յագուարը (Panthera onca), օցելոտը (Leopardus pardalis), Leopardus pajeros (Leopardus colocolo), գուանը (Penelope ochrogaster) ու Trichomycterus itacarambiensis ձկնատեսակը[1]։
Պարկը ստեղծվել է վերջերս, երբ հողի սեփականության հետ կապված բոլոր խնդիրները լուծված չէին։ Կավերնաս դու Պերուակու ազգային պարկի շրջակայքում կան բազմաթիվ փոքր տնտեսություններ, կալվածքներ և բնիկ հողեր, որտեղ հրդեհը պարբերաբար նկատվում է գյուղատնտեսության մեջ։ Որսորդները մտնում են պարկ և թողնում են այրվող կրակները, ուստի պարկի ներսում հրդեհի վտանգ կա[2]։
-
Քարանձավի մուտքը
-
Ժայռապատկեր Ժանելիայո քարայրում
-
Դոլինա դոս Մակակոս սահանք
Ծանոթագրություններ[խմբագրել | խմբագրել կոդը]
- ↑ 1,0 1,1 «Parque Nacional Cavernas do Peruaçu – Chico Mendes». Արխիվացված է օրիգինալից 2019 թ․ օգոստոսի 3-ին. Վերցված է 2019 թ․ օգոստոսի 3-ին.
- ↑ 2,0 2,1 2,2 2,3 2,4 Flávio Túlio Gomes 2007
- ↑ [*«Mapa com os limites [.kml]», Área de Proteção Ambiental Cavernas do Peruaçu (Portuguese), ICMBio, Արխիվացված է օրիգինալից 2019 թ․ հուլիսի 22-ին, Վերցված է 2016 թ․ մայիսի 1-ին
{{citation}}
: CS1 սպաս․ չճանաչված լեզու (link) [This is a .kml file, which defines the location and outline of the APA. It may be viewed using Google My Maps - Create a New Map - Import.] Área de Proteção Ambiental Cavernas ... ICMBio] - ↑ Flávio Túlio Gomes 200
- ↑ 5,0 5,1 5,2 Bruno Moraes 2013
Աղբյուրներ[խմբագրել | խմբագրել կոդը]
- «Mapa com os limites [.kml]», Área de Proteção Ambiental Cavernas do Peruaçu (Portuguese), ICMBio, Արխիվացված է օրիգինալից 2019 թ․ հուլիսի 22-ին, Վերցված է 2016 թ․ մայիսի 1-ին
{{citation}}
: CS1 սպաս․ չճանաչված լեզու (link) [This is a .kml file, which defines the location and outline of the APA. It may be viewed using Google My Maps - Create a New Map - Import.] - Bruno Moraes (2013 թ․ դեկտեմբերի 2), Parque Nacional Cavernas do Peruaçu recebe infraestrutura para o turismo (Portuguese), WWF Brazil, Վերցված է 2016 թ․ մայիսի 1-ին
{{citation}}
: CS1 սպաս․ չճանաչված լեզու (link) - Flávio Túlio Gomes (2007 թ․ մարտ), Plano Operativo de Prevenção e Combate aos Incêndios Florestais no Parque Nacional Cavernas do Peruaçu (Portuguese), MMA: Ministério do Meio Ambiente, Արխիվացված է օրիգինալից 2016 թ․ հունիսի 1-ին, Վերցված է 2016 թ․ մայիսի 1-ին
{{citation}}
: More than one of|archivedate=
and|archive-date=
specified (օգնություն); More than one of|archiveurl=
and|archive-url=
specified (օգնություն)CS1 սպաս․ չճանաչված լեզու (link) - Parque Nacional Cavernas do Peruaçu (Portuguese), Chico Mendes Institute for Biodiversity Conservation, Վերցված է 2016 թ․ ապրիլի 30-ին
{{citation}}
: CS1 սպաս․ չճանաչված լեզու (link)(չաշխատող հղում)
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կավերնաս դու Պերուակու ազգային պարկ կատեգորիայում։ |