Կաստոս (հուն․՝ Καστός), հունական կղզի, որը գտնվում է Լեֆկադա կղզուց արևելք։ 2011 թվականին տեղական ինքնակառավարման բարեփոխման պահից այն Լեֆկադա համայնքի մի մասն է, որից հետո այն համարվում է մունիցիպալիտետ[1]։ Մինչև 1974 թվականը, երբ կղզին Լեֆկադա պրեֆեկտուրայի մի մասն էր, գտնվում էր Իտակա նահանգի Կեֆալոնիա պրեֆեկտուրայի կառավարման ներքո[2]։ Ամենամոտ կղզին Կալամոսն է, նրանց միջև կա ջրանցք։ Մայրցամաքը գտնվում է մոտավորապես 5 մետր հյուսիս-արեւելք Էտոլիա-Աքարնանիայից։
Կղզում կա միայն մեկ գյուղ` համանուն Կաստոսը, որը գտնվում է կղզու արևելյան ափին։ Կղզու բնակչությունը կազմում է մոտ 80 մարդ, որոնք հիմնականում զբաղվում են ձկնորսությամբ և տուրիզմով։ Ամռանը տարբեր երկրներում ապրող կաստոսցիները վերադառնում են հայրենիք, շրջում զբոսանավերով և վայելում իրենց արձակուրդը։ Կղզու երկարությունը հյուսիսից հարավ 7 կիլոմետր է, լայնությունը՝ 800 մետր։ Տարածքը կազմում է 5,901 կմ2[3], իսկ ամենաբարձր գագաթն ունի 142 մետր բարձրություն` հաշված Միջերկրական ծովի մակերևույթից։ Կաստոսն ունի երկու եկեղեցի` «Agios Ioannis Prodromos», որը գտնվում է գյուղի կենտրոնում, և «Agios Emilianos», որը գտնվում է գյուղից մոտ 4 կիլոմետր հյուսիս-արևելք։ «Agios Ioannis» եկեղեցին զարդարված է հայտնի Էֆթանեզյան նկարիչ Սպիրիդոն Գազիսի որմնանկարներով։ Բացի այդ, կղզում կա երկու հողմաղաց և ձիթապտղի երեք վերամշակման կետ, նրանցից ոչ մեկը ներկայումս չի գործում։
Կղզում կան մի շարք հարմարություններ, ինչպիսիք են փոքրիկ խանութներ, երեք բարեր, չորս ռեստորաններ և հուշանվերների խանութ։ Բոլոր օբյեկտները բաց են ամռանը, սակայն ձմռանը հիմնականում փակ են։ Կղզում կան նաև նավահանգիստներ։
Հունաստան
