Կառլ Ֆրիդրիխ Լեհման-Հաուպտ

Կառլ Ֆրիդրիխ Լեհման-Հաուպտ; գերմ.՝ Carl Friedrich Lehmann-Haupt
Ծնվել է	մարտի 11, 1861; Համբուրգ, Գերմանական միություն
Մահացել է	հուլիսի 24, 1938 (77 տարեկան); Ինսբրուք, Ավստրիա
Քաղաքացիություն	Գերմանական ռայխ
Մասնագիտություն	պատմաբան, համալսարանի դասախոս, խմբագիր, արևելագետ, իրավաբան և հնագետ
Հաստատություն(ներ)	Լեոպոլդի և Ֆրանցի անվան Ինսբրուքի համալսարան, Գրայֆսվալդի համալսարան, HU Berlin և Ստամբուլի համալսարան
Պաշտոն(ներ)	Գաղտնի խորհուրդ
Գիտական աստիճան	դոկտորի աստիճան
Տիրապետում է լեզուներին	գերմաներեն
Հայտնի աշակերտներ	Fritz Schachermeyr?
Ամուսին(ներ)	Therese Lehmann-Haupt?
Երեխա(ներ)	Hellmut Lehmann-Haupt? և Miriam Lehmann-Haupt?
	Carl Friedrich Lehmann-Haupt Վիքիպահեստում

Կառլ Ֆրիդրիխ Լեհման-Հաուպտ (գերմ.՝ Carl Friedrich Lehmann-Haupt, մարտի 11, 1861(1861-03-11)^[1], Համբուրգ, Գերմանական միություն^[2] - հուլիսի 24, 1938(1938-07-24)^[3], Ինսբրուք, Ավստրիա^[2]), գերմանացի ասուրագետ, ուրարտագետ և հայագետ։ Բեռլինի համալսարանի պրոֆեսոր (1901-ից)։

1898–99-ին Վ. Բելքի հետ գլխավորել է Բեռլինի հնագիտական արշավախումբը Արևմտյան Հայաստանում (պեղել է Թոփրախ կալեն) և Միջագետքում։ Հետազոտել և արժեքավոր տվյալներ է հավաքել Վասպուրականի, Տուրուբերանի, Մոկքի, Ծոփքի, Աղձնիքի և Միջագետքի վերաբերյալ։ Հրատարակել է ուրարտական արձանագրությունների՝ իր ժամանակի համար լիակատար ժողովածուն։

Տեղորոշել է արձանագրություններում հիշատակվող բնակավայրերը, երկրները։ Հանգամանորեն ուսումնասիրել է Քսենոփոնի գլխավորությամբ մ. թ. ա. 401–400-ին հունական զորքի նահանջի ճանապարհը։

Լեհման-Հաուպտը Տիգրանակերտ քաղաքը տեղադրել է այժմյան Ֆարկինի (Նփրկերտ) տեղում։ Հայաստանին նվիրված գործերում զետեղված են նաև պատմահնագիտական, ազգագրական արժեքավոր տվյալներ բնակչության կենցաղի, սովորությունների ևնի մասին։

Ասուրագիտական որոշ գործերում ձգտել է պարզել չափերի և կշիռների բաբելոնական համակարգի գիտական հիմքը և այդ համակարգի ազդեցությունը (Հին Հունաստանի և Հռոմի միջոցով) ժամանակակից եվրոպական չափագիտության վրա։

Երկեր

Armenien Einst und Jetzt, Bd 1–2, B., 1910–31
Corpus inscriptionum Chaldi-carum, Bd 1–2, B., 1928–35։

Ծանոթագրություններ

1 2 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 5 Deutsche Nationalbibliothek Record #116872381 // Gemeinsame Normdatei (գերմ.) — 2012—2016.
1 2 https://www.deutsche-biographie.de/sfz49876.html
↑ Bibliothèque nationale de France data.bnf.fr (ֆր.): տվյալների բաց շտեմարան — 2011.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 532)։

[_651da141eb9877a0-1] 1 2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_57f85489e7b9f15c-2] 1 2 3 4 5 Deutsche Nationalbibliothek Record #116872381 // Gemeinsame Normdatei (գերմ.) — 2012—2016.

[_6633fd54af7db0db-3] 1 2 https://www.deutsche-biographie.de/sfz49876.html

[_affc458331603614-4] Bibliothèque nationale de France data.bnf.fr (ֆր.): տվյալների բաց շտեմարան — 2011.

[1]

[2]

[3]

[4]