Կառլոս Կոլոն Կրտսեր

Կառլի Կոլոն Carly Colón
Կոլոնը 2008-ին
Իրական անուն	Կառլոս Էդվին Կոլոն կրտսեր Carlos Edwin Colón Jr.
Ռինգային անուն(ներ)	Կառլիտո Կառլի Կոլոն Կառլիտո Կոլոն Կառլիտո Կարիբիան Քուլ Կառլիտոս Կառլոս Կոլոն Կրտսեր
Ընդհանուր տեղեկություններ
Հայտարարվող քաշ	1,78 մ
Հայտարարվող հասակ	100 կգ
Ծննդյան թվական	փետրվարի 21, 1979 (45 տարեկան)
Ծննդավայր	Սան Խուան, Պուերտո Ռիկո
Ապրելավայր	Հյուստոն, Տեխաս, ԱՄՆ
Մարզիչ	Կառլոս Կոլոն ավագ Այզեկ Ռոզարիո
Դեբյուտ	1999

Կառլոս Էդվին (Կառլի) Կոլոն Կրտսեր (իսպ.՝ Carlos Edwin "Carly" Colón Jr., փետրվարի 21, 1979(1979-02-21), Սանտուրսե, Սան Խուան, ԱՄՆ), առավել հայտնի Կառլիտո (Carlito) ռինգային անվամբ, պուերտոռիկացի պրոֆեսիոնալ ըմբշամարտիկ (ռեստլեր)։ Նախկին ըմբիշ, պրոմոտեր և WWE փառքի սրահի անդամ Կառլոս Կոլոն ավագի որդին։

Մասնագիտական նորամուտը կատարել է հոր ղեկավարած «World Wrestling Council» (WWC) պուերտոռիկյան առաջնությունում, որտեղ ելույթներ ունենալիս 15 անգամ հռչակվել է WWC ունիվերսալ ծանրքաշային և 1 անգամ WWC Պուերտո Ռիկոյի ծանրքաշային չեմպիոն։

2003 թվականին մարզական պայմանագիր է կնքել «World Wrestling Entertainment» (WWE) կազմակերպության հետ, Ohio Valley Wrestling (OVW) կրտսեր առաջնությունում տասնվեց ամիս անցկացնելուց հետո 2004 թվականին դուրս գալով հիմնական կազմ։ «WWE»-ում հանդես գալու տարիներին 1-ական անգամ նվաճել է WWE միջմայրցամաքային և WWE Միացյալ Նահանգների չեմպիոնական տիտղոսները։ Պեդրո Մորալեսից հետո համարվում է պատմության մեջ երկրորդ պուերտոռիկացի միջմայրցամաքային տիտղոսակիրը։ «Ռելսմանիա 25»-ի շրջանակներում կրտսեր եղբոր՝ Էդդի Կոլոնի հետ կարողացել է միավորել WWE թիմային և Աշխարհի թիմային տիտղոսները։ 2010 թվականին հեռացվել է «WWE»-ից, այն բանից հետո, երբ հրաժարվել էր առողջական զննման անցնել։

Արտաքին հղումներ

Կառլի Կոլոն էջը Վիքիպահեստում

• Էջը IMDb կայքում (անգլ.)

Վիքիպահեստն ունի նյութեր, որոնք վերաբերում են «Կառլոս Կոլոն Կրտսեր» հոդվածին։