Կապույտ մորուք (վեպ)

Կապույտ մորուք անգլ.՝ Bluebeard
Հեղինակ	Կուրտ Վոնեգութ
Տեսակ	գրական ստեղծագործություն
Ժանր	հոգեբանական վեպ
Բնօրինակ լեզու	անգլերեն
Երկիր	ԱՄՆ
Հրատարակիչ	Delacorte Press
Հրատարակման տարեթիվ	1987 թ.
ԳՄՍՀ	0-385-29590-1
OCLC	15859716

«Կապույտ մորուք» կամ Կապտամորուսը (անգլ.՝ Bluebeard), ամերիկացի ականավոր գրող Կուրտ Վոնեգութի 1987 թվականին լույս տեսած վեպն է, որում հեղինակը շոշափում է Հայոց ցեղասպանության թեման։

Ընդհանուր բնութագիրը

Կուրտ Վոննեգուտի «Կապույտ մորուք» վեպն իրենից ներկայացնում է հեղինակի կողմից հնարված հայկական ծագմամբ ամերիկացի նկարիչ Ռաբո Կարաբեկյանի (1916-1988 թթ.) կենսագրությունը։ Վեպի հերոսը Հայոց ցեղասպանությունը վերապրած և ԱՄՆ-ում ապաստան գտած հայ ընտանիքի զավակ է։ Հերոսը իր մեջ կրում է 20-րդ դարասկզբի ողբերգության վառ հետքերը, որոնց գումարվում են Երկրորդ աշխարհամարտի արհավիրքները, որին նա մասնակցել է ԱՄՆ-ի բանակի շարքերում։ Այս բոլոր հոգեկան ապրումները Կարաբեկյանը փորձում է պատկերել իր ստեղծագործություններում, սակայն նրան սպասում է նոր հուսահատություն։ Վատ ներկանյութի պատճառով նրա նկարները փչանում են և հերոսն հուսահատված որոշում է այլևս չնկարել։ Հեղինակը մեծ վարպետությամբ և խոր նրբությամբ բացահայտում է Ռաբո Կարաբեկյանի հուսահատությունը և հոգեկան պայքարը, որն ամբողջությամբ ներծծված է Վոննեգութին հատուկ տրագիկոմիզմով։ Վեպը մեծավ մասամբ լավ ընդունելություն գտավ ԱՄՆ-ի գրական շրջանակներում։

Գլխավոր հերոսներ

• Ռաբո Կարաբեկյան - նկարիչ,
• Ցիրցեյա Բերման - ուսումնասիրում է Ռ. Կարաբեկյանի կենսակերպը,
• Պոլ Սլացինգեր - Երկրորդ աշխարհամարտի մասնակից, Ռ. Կարաբեկյանի ընկերը,
• Դեն Գրեգորի - Ռ. Կարաբեկյանի աշակերտը,
• Մերիլ Քեմպ - Դեն Գրեգորիի, ապա Ռ. Կարաբեկյանի սիրուհին,
• Դորոթի Ռոյ - Ռ. Կարաբեկյանի առաջին կինը,
• Էդիթ Թաֆթ - Ռ. Կարաբեկյանի երկրորդ կինը,
• Էլլիսոն Ուայթ - Ռ. Կարաբեկյանի խոհարարուհին։

Արտաքին հղումներ

• 7 գեղարվեստական վեպ ցեղասպանության մասին Արխիվացված 2015-09-20 Wayback Machine (հայ.)
• Կուրտ Վոնեգութ. Կապույտ մորուք (ռուս.)