Կանեփի իրացումը Մակեդոնիայի Հանրապետությունում
Կանեփի իրացումը Մակեդոնիայի Հանրապետությունում օրենքի սահմաններում մասնակիորեն թույլատրելի է՝ որոշ սահմանափակումներով հանդերձ։ Կանեփազգիների ընտանիքին պատկանող այս բույսի իրացումը թույլատրելի է բացառապես բժշկական և առողջապահական նկատառումներով, իսկ վերջինիս ռեկրեացիոն յուրացումն ըստ Մակեդոնիայի Հանրապետության քրեական օրենսգրքի ենթադրում է քրեական պատասխանատվություն՝ օրենքով նախատեսված կարգով[1]։
Կանեփի ռեկրեացիոն յուրացման սահմանափակումը պայմանավորված է այն հանգամանքով, որ բույսի ծաղիկը պարունակում է ՏՀԿ (տետրահիդրականաբիրոլ) կոչվող քիմիական բաղադրիչը։ Այն ծխող կամ նույնիսկ ուտող մարդիկ մտնում են ընդարմության մեջ, որի ազդեցության տակ կարող են անգիտակցաբար դառնալ կամայականության զոհ։
Բժշկական նկատառումներով օգտագործում[խմբագրել | խմբագրել կոդը]
Կանեփի (կամ օրենսդրորեն թույլատրելի այլ թմրամիջոցի) յուրացումն ու օրինական իրացումը չի արգելվում միայն այն պարագայում, երբ այն օգտագործվում է առողջապահական նկատառումներով՝ հիվանդանոցներում կամ այլ բուժհաստատություններում։ 2016 թվականի փետրվարի 9-ին Մակեդոնիայի Հանրապետության բարձրագույն օրենսդիր մարմնի առողջապահական հանձնաժողովը հաստատում է բժշկական մարիխուանայի օրինականացումը հաստատող իրավական ակտը[2]։
Նույն թվականի հունիսի 1-ից օրենքն իրավական ուժ է ստանում և թմրանյութերը հայտնվում են երկրի դեղատներում։ Առանց դեղատոմսի թույլատրելի է գնել 0,2 տոկոսանոց քենագնինոիդ։ Այդ չափաբաժինը գերազանցող թմրանյութը գնելու համար պահանջվում է դեղատոմս։
Իրացում[խմբագրել | խմբագրել կոդը]
Մակեդոնիայի Հանրապետության տարածքում աճեցվում է սահմանափակ քանակությամբ կանեփ։ Դրանց մարգերը հիմնականում կենտրոնացված են Ալբանիայի հետ սահմանի երկայնքով։ Մարիխուանայի օրինականացումից հետո ապօրինի կերպով բույսի աճեցման դեպքեր գրեթե չեն գրանցվում։
Բույսի դեղատնային վաճառքի համար սահմանված է կայուն գնային համակարգ[3]։
Ծանոթագրություններ[խմբագրել | խմբագրել կոդը]
- ↑ Sinisa Jakov Marusic (2013 թ․ մայիսի 3). «Մակեդոնիան թույլ է տալիս բժշկական մարիխուանայի վաճառքը դեղատներում». Balkan Insight. Վերցված է 2016 թ․ նոյեմբերի 30-ին.
- ↑ «Մակեդոնիա․ Երկրի խորհրդարանն օրինականացրեց բժշկական մարիխուանայի իրացումը». Eurasia Review.
- ↑ Kimberley L. Thachuk (2007). Անդրազգային սպառնալիքները. Զենքի, թմրամիջոցների, մաքսանենգության և թրաֆիքինգի մասին. Greenwood Publishing Group. էջեր 85–. ISBN 978-0-275-99404-4.