Կայա Կալաս

Վիքիպեդիայից՝ ազատ հանրագիտարանից
Jump to navigation Jump to search
Կայա Կալաս
Kaja Kallas (crop).jpg
 
Կուսակցություն՝ Estonian Reform Party?[1]
Կրթություն՝ Tallinn Lilleküla Gymnasium? (1992), Տալլինի անգլիական քոլեջ (1995), Տարտուի համալսարան (1999), Estonian Business School? (2010) և Lawrence University?
Մասնագիտություն՝ քաղաքական գործիչ, փաստաբան և business graduate
Ծննդյան օր հունիսի 18, 1977(1977-06-18)[2] (45 տարեկան)
Ծննդավայր Տալլին, Էստոնական ԽՍՀ, ԽՍՀՄ[3]
Քաղաքացիություն Flag of Estonia.svg Էստոնիա
Հայր Siim Kallas?
Մայր Kristi Kallas?
Ամուսին Arvo Hallik?
 
Կայք՝ kajakallas.ee
 
Պարգևներ
Ռումինիայի աստղի շքանշանի Մեծ խաչ

Կայա Կալաս (էստ․՝ Kaja Kallas, հունիսի 18, 1977(1977-06-18)[2], Տալլին, Էստոնական ԽՍՀ, ԽՍՀՄ[3]), էստոնացի քաղաքական գործիչ և իրավաբան, «Ռեֆորմ» կուսակցության նախագահ, Էստոնիայի վարչապետ։ Եղել է Եվրոպայի լիբերալ-դեմոկրատների դաշինքի կազմում (2014-2018) Եվրոպական և Էստոնիայի խորհրդարանների նախկին պատգամավոր։

Կենսագրություն[խմբագրել | խմբագրել կոդը]

1995 թվականին Կայա Կալասը հանձնել է հասունության վկայականի քննությունը։ 1999 թվականին ավարտել է Տարտուի համալսարանի իրավաբանական ֆակուլտետն իրավունքի բնագավառում բակալավրի աստիճանով, որից հետո աշխատել է որպես իրավաբան՝ մասնագիտանալով մրցակցության ոլորտում եվրոպական և էստոնական օրենսդրության մեջ (փաստաբանական գործունեության նրա իրավունքն ավարտվել է 2011 թվականին)։ 1996 թվականից աշխատել է նաև որպես թատրոնի ռեժիսորի օգնական։ 2007 թվականին նա ընդունվել է Էստոնական բիզնեսի դպրոց, որտեղ 2010 թվականին տնտեսագիտության ոլորտում ստացել է EMBA (բիզնեսի վարչարարության մագիստրոս) աստիճան[4]։

Քաղաքական գործունեություն[խմբագրել | խմբագրել կոդը]

2010 թվականին Կալասը միացել է Էստոնիայի «Ռեֆորմ» կուսակցությանը և 2011 թվականին ընտրվել է Էստոնիայի խորհրդարանում (Ռիյգիկոգու)՝ ստանալով 7157 ձայն[5]։ Էստոնիայի 12-րդ գումարման խորհրդարանում (2011-2014 թվականներ) գլխավորել է տնտեսական հարցերի հանձնաժողովը։

2014 թվականի ընտրություններում Կալասը, առաջադրվելով Եվրոպական խորհրդարանում, ստացել է 21 498 ձայն[6]։ Եվրոպական խորհրդարանում Կալասն ընդգրկված էր արդյունաբերության, հետազոտությունների և էներգետիկայի կոմիտեի մեջ և եղել է ներքին շուկայի ու սպառողների իրավունքների պաշտպանության կոմիտեի պահեստային անդամ։ ԵՄ-Ուկրաինա խորհրդարանական համագործակցության կոմիտեում եղել է պատվիրակության փոխնախագահ, ինչպես նաև «Եվրանեսթ» խորհրդարանական ասամբլեայում պատվիրակության և Միացյալ Նահանգների հետ հարաբերությունների գծով պատվիրակության անդամ[7]։ Կալասը եղել է նաև Եվրախորհրդարանի միջէթնիկական խմբի անդամ թվային օրակարգում[8] և երիտասարդական խմբի փոխնախագահ[9]։

2017 թվականի դեկտեմբերի 13-ին «Ռեֆորմ» կուսակցության նախագահ Հանո Պևկուրը հայտարարել է, որ այլևս չի առաջադրվելու 2018 թվականի հունվարին, և առաջարկել է, որ իր տեղը զբաղեցնի Կալասը[10]։ Դեկտեմբերի 15-ին նա ընդունել է այդ առաջարկը և համաձայնվել առաջադրվել կուսակցության ղեկավարի ընտրություններում[11]։ 2018 թվականի ապրիլի 14-ին Կալասը ստանձնել է «Ռեֆորմ» կուսակցության նախագահի պաշտոնը։

Անձնական կյանք[խմբագրել | խմբագրել կոդը]

Կայմ Կալասը «Ռեֆորմ» կուսակցության նախկին նախագահ և Եվրոպական հանձնաժողովի նախկին փոխնախագահ Սիյմ Կալասի դուստրն է։

Ծանոթագրություններ[խմբագրել | խմբագրել կոդը]

  1. 1,0 1,1 Search for a party memberCentre of Registers and Information Systems.
  2. 2,0 2,1 https://pantheon.world/profile/person/Kaja_Kallas
  3. 3,0 3,1 3,2 https://www.europarl.europa.eu/meps/en/124697/KAJA_KALLAS/history/8
  4. «Kaja Kallas | LinkedIn» 
  5. «Biography»։ Kaja Kallase Blogi։ Արխիվացված է օրիգինալից 2016-06-16-ին 
  6. «Archived copy»։ Արխիվացված է օրիգինալից 2016-06-16-ին։ Վերցված է 2016-06-16 
  7. 8th parliamentary term | Kaja KALLAS | MEPs | European Parliament
  8. Members Archived 2016-01-08 at the Wayback Machine. European Parliament Intergroup on the Digital Agenda.
  9. «European Youth Forum»։ www.youthforum.org։ Արխիվացված է օրիգինալից 2016-05-04-ին։ Վերցված է 2016-04-18 
  10. «Pevkur not to run for Reform lead again, Kallas not announcing yet»։ ERR։ 13 December 2017։ Վերցված է 22 December 2017 
  11. «Kaja Kallas to run for Reform Party chair»։ ERR։ 15 December 2017։ Վերցված է 22 December 2017 

Արտաքին հղումներ[խմբագրել | խմբագրել կոդը]