Կալիպսո Բոտեզ

Վիքիպեդիայից՝ ազատ հանրագիտարանից
Jump to navigation Jump to search
Կալիպսո Բոտեզ
Calypso Botez.jpg
Ծնվել է1880
ԾննդավայրԲակեու, Ռումինիա
Վախճանվել էենթդ․ 1933
Մասնագիտությունգրող և ֆեմինիստ
ՔաղաքացիությունFlag of Romania.svg Ռումինիա
ԿրթությունԱլեքսանդրու Իոան Կուզայի անվան համալսարան

Կալիպսո Բոտեզ (ռում.՝ Calypso Botez, 1880, Բակեու, Ռումինիա - ենթդ․ 1933), ռումինացի բանաստեղծուհի, սուֆրաժիստուհի և կանանց իրավունքների իրավապաշտպան։

Գործունեություն[խմբագրել | խմբագրել կոդը]

Յասիի Ալեքսանդրու Յոհան Կուզայի անվան համալսարանի պատմության և փիլիսոփայության ֆակուլտետը ավարտելուց հետո, Կալիպսո Բոտեզը փիլիսոփայություն է դասավանդել Բուխարեստի միջնակարգ դպրոցում, միաժամանակ հանդիսանալով հանրակրթական դպրոցների տեսչական հանձնաժողովի անդամ։ Առաջին աշխարհամարտի տարիներին զբաղեցրել է Կարմիր խաչի ղեկավարի պաշտոնը Գալացում[1]։ 1917 թվականին, կանանց իրավունքների շարժման մի քանի ակտիվիստների հետ միասին, նա հիմնել է Ռումինացի կանանց քաղաքացիական և քաղաքական ազատագրման ասոցիացիան, իսկ 1921 թվականին՝ Ռումինիայի կանանց ազգային խորհուրդը, հետագայում դառնալով դրա նախագահը[2]։ Կալիպսո Բոտեզը եղել է Ռումինիայի կանանց ուղղափառ հասարակության կենտրոնական կոմիտեի անդամ, Համերաշխություն ընկերության կոմիտեի, Մտավոր միության կոմիտեի և Ռումինիայի սոցիալական ինստիտուտի անդամ։ Վճռականորեն պայքարել է Ռումինիայում կանանց վիճակի բարելավման համար։

Կալիպսո Բոտեզը գրել է կանանց իրավունքների մասին՝ շեշտելով, որ Ռումինիայի սահմանադրության առաջին հոդվածում ասվում է, որ բոլոր քաղաքացիները հավասար են։ 1919 թվականին հրատարակել է «Ռումինացի կանանց իրավունքների խնդիրը» աշխատությունը։ Կալիպսո Բոտեզը պայքարում էր կառավարության իրավասությունների, կանանց իրավունքների և ամուսնալուծությունների մասին օրենքի բարեփոխման համար։ 1920 թվականին նա հրատարակել է «Ֆեմինիզմի խնդիրը»։ Դրա տարրերի համակարգումը» աշխատությունը։ Նա ամսագրերում հրապարակել է «Գրական խոսակցություններ», «Իդեալիստների հանդես», «Գիտության և սոցիալական բարեփոխումների տեսություն» և այլ հոդվածներ։ Իր աշխատանքներում պաշտպանել է կանանց ընտրական իրավունքները, տնտեսական աճը, կանանց մտավոր և քաղաքական ազատագրումը՝ նպաստելով ամուսնալուծություններին և ճնշելով ռեժիմը` «Ռումինացի կանանց իրավունքների խնդիրը» (1919), «Սահմանադրություն. Կանանց իրավունքները ապագայում» (1922), «Կանանց քաղաքացիական իրավունքներն ապագայում» (1924), «Զեկույց կանանց իրավական կարգավիճակի մասին» (1932) և այլն։

Աշխատություններ[խմբագրել | խմբագրել կոդը]

  • Women's Rights in the Future Constitution (1922)
  • Women's Rights in the Future of the Civil Code (1924)
  • Report on the Legal Situation of Women (1932)

Ծանոթագրություններ[խմբագրել | խմբագրել կոդը]

  1. «Calypso Botez - Enciclopedia României - prima enciclopedie online despre România»։ enciclopediaromaniei.ro (ռումիներեն)։ Վերցված է 2017-04-25 
  2. 1957- Haan, Francisca de, Krasimira. Daskalova, Anna. Loutfi (2006-01-01)։ A biographical dictionary of women's movements and feminisms : Central, Eastern, and South Eastern Europe : 9th and 20th centuries։ CEU Press/Central European University Press։ ISBN 9789637326394։ OCLC 977384067 

Աղբյուրներ[խմբագրել | խմբագրել կոդը]

  • Marcu, George (coord.) - Dicționarul personalităților feminine din România, Editura Meronia, București, 2009.
  • de Haan, Francisca et al - A biographical dictionary of women's movements and feminisms։ Central, Eastern, and South Eastern Europe։ 9th and 20th centuries, editura Universității Central-Europene, 2006.