Կալիլեգուա ազգային պարկ

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Կալիլեգուա ազգային պարկ
Calilegua National Park - View of San Lorenzo Rio.JPG
Տեսակազգային պարկ
ԵրկիրԱրգենտինա
ՎարչատարածքԽուխույ
Հիմնվել է1979
Կոորդինատներ: 23°38′20.400000099998″ հվ. լ. 64°50′16.800000099978″ ամ. ե. / 23.63900000002777801° հս․. լ. 64.83800000002777608° ավ. ե. / 23.63900000002777801; 64.83800000002777608
Կալիլեգուա ազգային պարկը գտնվում է Արգենտինաում
Կալիլեգուա ազգային պարկ
Կալիլեգուա ազգային պարկը գտնվում է Երկիրում
Կալիլեգուա ազգային պարկ

Կալիլեգուա ազգային պարկ (իսպ.՝ Parque Nacional Calilegua), ազգային պարկ Արգենտինայում, Խուխույ պրովինցիայում։ Հիմնադրվել է 1979 թվականի հուլիսի 19-ին։ Այն պահպանում է Հարավային Անդյան անտառների կենսաբազմազանությունը։

Տեղակայված է Լեդեսմա դեպարտամենտում, Կալիլեգուա բլրի արևելյան լանջերին և ընդգրկում է 76306 հա տարածք։ Ամենամեծ ազգային պարկն է հյուսիսարևմտյան Արգենտինայում։

Պատմություն[խմբագրել | խմբագրել կոդը]

Այս տարածքը երկար ժամանակ գտնվում էր բնիկ խմբերի տիրապետության տակ։ Նրանց բնակատեղիները տեղակայված էին ավելի ցածր բլրակներում` խոտհարքների մոտ։ Պարկում հայտնաբերված հնագիտական վայրերն ու նմուշները, ինչպիսիք են խեցեղենը ու քարե կացինները, վերաբերում են Յունգաս շրջանում բնակեցված համայնքներին։ 15-րդ դարից սկսած այդ տարածքը անցել է ինկերի կայսրությանը։ Ներկայումս այն բնակվում է հնդկացիական կեչուա ժողովուրդը։

Պարկն ունի գեղեցիկ լանդշաֆտ, որն իրենից ներկայացնում է տարբեր միջավայրեր, ինչպիսիք են նախալեռնային ջունգլիներն ու լեռնային անտառները։ Դրանցից յուրաքանչյուրն ունի իր սեփական բուսական աշխարհը։

Այստեղ կան թռչունների և կաթնասունների հատուկ տեսակներ, և սա հիանալի վայր է կենդանական աշխարհը դիտելու համար։ Այգում հայտնաբերվել են թռչունների 270 տեսակներ, որոնց 230-ից ավելին բնակվում են այս տարածքում։ Ըստ այդմ, պետության բոլոր թռչնատեսակների մոտ 50%-ը ապաստանում է Կալիլեգուայում։ Ազգային պարկը Հարավային Ամերիկայի ամենամեծ գիշատչի՝ յագուարների հայրենիքն է։ Այստեղ են բնակվում նաև յագուարունդին, օցելոտը, պուման և Leopardus pajeros կատվազգին։ Արգելոցում բնակվող ամենամեծ կաթնասունները Յունգասի գետակինճերն են։

Կալիլեգուա ազգային պարկը և մերձակա քաղաքները էկոտուրիզմային և ակտիվ զբոսաշրջային վայրեր են, սակայն տարածքում կարելի է այցելել մի քանի քաղաքներ, շփվել էթնիկ խմբերի հետ ու ծանոթանալ տեղական մշակույթին։

Սան Լորենցո գետը Կալիլեգուա ազգային պարկում

Կլիմա[խմբագրել | խմբագրել կոդը]

Պարկն ունի մերձարևադարձային կլիմա՝ չոր ձմեռային եղանակով[1]։ Միջին ջերմաստիճանը տատանվում է ձմռանը՝ 17 °C, ամռանը՝ մինչև 28 °C[1]։ Ամառը շոգ է, և ջերմաստիճանը կարող է հասնել 40 °C-ի[1]։ Եվ հակառակը, երբեմն բարձր շրջաններում ցուրտ է լինում[1]։ Տարեկան գրանցվում է 1800 մմ տեղումներ, որի մեծ մասը թափվում է նոյեմբերից մինչև ապրիլ ամիսներին[1]։ Այս ամիսների ընթացքում ինտենսիվ տեղումներ են լինում։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 «Parque Nacional Calilegua»։ Administración de Parques Nacionales։ Վերցված է 16 October 2016 

Արտաքին հղումներ[խմբագրել | խմբագրել կոդը]