Կաթնավաճառուհին (նկար, Վերմեեր)
 Het melkmeisje | |
|---|---|
 | |
| տեսակ | գեղանկար[1][2] |
| նկարիչ | Յան Վերմեեր[1] |
| տարի | 1658-1660 |
| բարձրություն | 45.5 |
| լայնություն | 41 |
| ստեղծման վայր | Դելֆտ |
| ուղղություն | բարոկկո և հոլանդական գեղանկարչության ոսկե շրջան |
| ժանր | կենցաղային ժանր |
| նյութ | կտավ[3][2] և յուղաներկ[3][2] |
| գտնվում է | Պետական թանգարան[2][2] |
| հավաքածու | Պետական թանգարան[2] |
| սեփականատեր | Նիդերլանդներ |
| պատվիրատու | Պիտեր վան Ռայուֆե |
պատկերված են
| |
| https://www.rijksmuseum.nl/nl/collectie/SK-A-2344 կայք | |
| The Milkmaid by Johannes Vermeer Վիքիպահեստում | |
«Կաթնավաճառուհին» (նաև «Աղջիկը/կինը/սպասուհին կաթի սափորով», «Խոհարարուհին»), նիդերլանդացի նկարիչ Յան Վերմեերի նկարներից է։
Բովանդակություն
Պատմություն[խմբագրել | խմբագրել կոդը]
Վերմեերը նկարը նկարել է մոտավորապես 1658-1660 թվականներին։ Նիդերլանդական նկարչության մեջ «Կաթնավաճառուհին» առանձնանում է իր կոմպոզիցիոն պարզությամբ։ Առօրյա կյանքի թեման ավելի վաղ կիրառել էին Պիտեր դե Հոոխը և Թերբորխը, բայց Վերմեերին հաջողվեց ստեղծել նոր ստեղծագործություն։
Նկարագրություն[խմբագրել | խմբագրել կոդը]
Սափորով կնոջ կերպարը հստակորեն առանձնանում է սպիտակ դատարկ պատի ֆոնի վրա։ Ի տարբերություն նախորդների՝ Վերմեերը ակտիվորեն կիրառել է հստակ ուրվագծեր։ Լրացուցիչ արտահայտչականության համար մեջքի ուրվագիծը առանձնացվել է սպիտակ բարակ գծով։ Ռենտգենագրության միջոցով պարզվել է, որ ի սկզբանե նկարիչը պատի վրա նկարել էր մի պատկեր, հնարավոր է՝ քարտեզ։ Հստակորեն հայտնի չէ, թե ինչն է դրդել նկարչին պատը թողնել դատարկ։ Հնարավոր է՝ նա այդպես է վարվել նկարը խորհրդանշաններով չծանրաբեռնելու համար, կամ պարզապես սպիտակ պատը նրան թվացել է ավելի արտահայտիչ ֆոն կերպարի համար։
Գտնվելու վայր[խմբագրել | խմբագրել կոդը]
1669 թվականին նկարը վաճառվել է այն ժամանակվա համար մեծ գումարով՝ 175 ֆլորինով։ Ավելի թանկ գնահատվել է միայն «Դելֆտի տեսքը» (200 ֆլորին)։ 1719 թվականին աճուրդի կատալոգում նկարին տրվել է հետևյալ բնութագիրը. «Յան Վերմեերի նշանավոր աշխատանքը, արվեստի իրական ստեղծագործություն»։ Ներկայումս նկարը գտնվում է Պետական թանգարանում (Ամստերդամ)։
Տես նաև[խմբագրել | խմբագրել կոդը]
Ժանյակագործուհին (նկար, Վերմեեր)
Գրականություն[խմբագրել | խմբագրել կոդը]
- Артур К. Уилок. Ян Вермеер. — СПб.։ ICAR. — ISBN 5-8592-073-2. (ռուս.)
Արտաքին հղումներ[խմբագրել | խմբագրել կոդը]
- Նկարի մանրամասն վերլուծություն (ռուս.)
Ծանոթագրություններ[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կաթնավաճառուհին (նկար, Վերմեեր) կատեգորիայում։ |
| ||||||
