Կադիսի համալսարան

Վիքիպեդիայից՝ ազատ հանրագիտարանից
Jump to navigation Jump to search
Կադիսի համալսարան
Logouniversidadcadiz.svg
RectoradoUCA.jpg
Տեսակհասարակական համալսարան և ազատ հասանելիության հրատարակություն
Հիմնադրված է1979
ՌեկտորFrancisco Piniella Corbacho?
ԱնդամակցությունԵվրոպայի համալսարանների միություն[1]
ԵրկիրFlag of Spain.svg Իսպանիա[2]
ՏեղագրությունԿադիս
Կայքuca.es
Universidad de Cádiz Վիքիպահեստում

Կադիսի համալսարան (իսպ.՝ Universidad de Cádiz, հաճախ անվանում են նաև UCA), հանրային համալսարան Իսպանիայի Անդալուզիա համայնքի Կադիս պրովինցիայում: Առավել հայտնի է բժշկական և ծովային գիտությունների ծրագրերով: Հիմնադրվել է 1979 թվականին[3][4]: Համալսարանի գլխավոր շենքը գտնվում է Կադիսում, այնտեղ է նաև ռեկտորատը: 2007/2008 ակադեմիական տարում համալսարանն ունեցել է 17,280 ուսանող[5], 1698 դասախոսներ, 680 ադմինիստրատիվ աշխատողներ:

Պատմություն[խմբագրել | խմբագրել կոդը]

Համալսարանի ստեղծման արմատները գալիս են դեռևս 15-րդ դարից` կապված «Colegio de Pilotos de los Mares de Levante y Poniente»-ի հետ:

Համալսարանի բժշկական ֆակուլտետը ստեղծվել է 1748 թվականին որպես Վիրաբուժության ռազմածովային թագավորական քոլեջ, որը Եվրոպայում առաջին քոլեջն էր, որտեղ բժշկությունն ու վիրաբուժությունը միավորված էին մեկ դպրոցի կազմում:

Կադիսի ժամանակակից համալսարանը հիմնադրվել է 1979 թվականի հոկտեմբերի 30-ին: Առաջին դասընթացը եղել է «Cajal, análisis literario de un carácter»-ը Սանտյագո Ռամոն ի Կախալի մասին[6]: Առաջին ռեկտորի ընտրությունը կայացել է 1984 թվականին:

Համալսարանական կանոնադրությունն ու կանոնները հաստատվել են 1986 թվականի փետրվարին: 1992 թվականին Պուերտո Ռեալ կամպուսում բացվել է «Անդալուսիական ռազմածովային ուսումնասիրությունների կենտրոնը» (Centro Andaluz Superior de Estudios Marinos):

2003 թվականից ուսումնական նպատակներով համալսարանը խթանում է նոր տեխնոլոգիաներ` WebCT, վիրտուալ կամպուս, այնուհետև` Moodle (ազատ ծրագրային ապահովում):

Կամպուսներ[խմբագրել | խմբագրել կոդը]

Ի լրումն Կադիսի գլխավոր կամպուսի` համալսարանն ունի ևս երեք կամպուսներ

  • Ալխեսիրաս կամպուս
  • Խերես դե լա Ֆրոնտերա Campus
  • Պուերտո Ռեալ կամպուս` Բահիա դե Կադիս ազգային զբոսայգու հարևանությամբ: «Անդալուսիական ռազմածովային ուսումնասիրությունների կենտրոնը» գլխավոր շենքն է: CASEM-ը վերաբերում է ծովային միջավայրի, ծովային ռեսուրսների, ծովային ճարտարագիտության, նավագնացության, ծովային ռադիոէլեկտրոնիկայի ուսումնասիրություններին:

Դպրոցներ[խմբագրել | խմբագրել կոդը]

Համալսարանի կազմում գործող դպրոցներից են`

  • Ժամանակակից լեզուների համալսարանական դպրոց
  • Կադիսի առողջապահության համալսարանական դպրոց (Salus Infirmorum)
  • Պուերտո Ռեալի ճարտարագիտական համալսարանական դպրոց
  • Խերես դե լա Ֆրոնտերայի աշխատանքային հարցերի համալսարանական դպրոց
  • Ալխեսիրասի իրավագիտական և տնտեսագիտական ուսումնասիրությունների համալսարանական դպրոց (Tomás y Valiente)
  • Ալխեսիրասի ընդլայնված ուսումնասիրությունների համալսարանական դպրոց
  • Ալխեսիրասի աշխատանքային հարաբերությունների համալսարանական դպրոց
  • Լա Լինեա դե լա Կոնսեպսիոնի մանկավարժական համալսարանական դպրոց (Virgen de Europa)

Համալսարանի ռեկտորներ[խմբագրել | խմբագրել կոդը]

Դիեգո Սալես Մարկես, ռեկտորի պաշտոնը զբաղեցրել է 2003-2011 թվականներին

Համալսարանի պատմության ընթացքում ռեկտորի պաշտոնն զբաղեցրել են`

  • 1979, հոկտեմբեր – 1984, փետրվար, Ֆելիպե Գառիդո
  • 1984, փետրվար – 1986, հունիս, Մարիանո Պենյալվեր Սիմո
  • 1986, սեպտեմբեր – 1995, հունվար, Խոսե Լուիս Ռոմերո Պալանսո, վերընտրվել է 1990, նոյեմբերին
  • 1995, հունվար – 2003, ապրիլ, Գիլերմո Մարտինես Մասանետ, վերընտրվել է 1999 թվականի մայիսին
  • 2003, մայիս – 2011, հուլիս,Դիեգո Սալես Մարկես, վերընտրվել է 2007 թվականի մայիսին
  • 2011, հուլիս, նախագահ` Էդուարդո Գոնսալես Մասո

Ծանոթագրություններ[խմբագրել | խմբագրել կոդը]

  1. https://eua.eu/about/member-directory.html
  2. (unspecified title) — 2003.
  3. Universidad de Cádiz։ «Universidad de Cádiz»։ Վերցված է հունիսի 29, 2015 
  4. Universidad de Cádiz։ «Universidad de Cádiz»։ Վերցված է հունիսի 29, 2015 
  5. UCA, today - 2008 statistics
  6. Universidad de Cádiz։ «Universidad de Cádiz»։ Վերցված է հունիսի 29, 2015 

Արտաքին հղումներ[խմբագրել | խմբագրել կոդը]