Ծովային աղավնի

Ծովային աղավնի
Ծովային աղավնի
Դասակարգում
Թագավորություն	Կենդանիներ (Animalia)
Տիպ/Բաժին	Քորդավորներ (Chordata)
Ենթատիպ	Ողնաշարավորներ (Vertebrata)
Դաս	Թռչուններ (Aves)
Կարգ	Քարադրանմաններ (Charadriiformes)
Ընտանիք	Որորներ (Laridae)
Ցեղ	Chroicocephalus
Տեսակ	Ծովային աղավնի (C. genei)
Միջազգային անվանում
Chroicocephalus genei Breme, 1839

Ծովային աղավնի, կամ թխակտուց որոր^[1]^[2] (լատին․՝ Chroicocephalus genei) որորների ընտանիքի (Laridae)^[3] թռչուն։

Բնութագիր

Ծովային աղավնին ունի 39-47 սմ երկարություն, 97 սմ թևերի բացվածք։ Ի տարբերություն լճի որորի, որին նա շատ նման է, գլուխը ոչ թե մուգ է, այլ սպիտակ։ Ամռանը պարանոցը, մարմնի ստորին մասը և պոչը ունեն մի փոքր վարդագույն երանգ, թևերն ու մեջքը մոխրագույն են։ Հիմնական փետուրները ծայրերում սև են, պոչը ունի սև և սպիտակ շերտեր։ Նրբագեղ թուխ կտուցը և թաթերը կարմիր են^[4]։

Երիտասարդ թռչունների մեջքի վերին կողմը մոխրագույն է, ստորին կողմը սպիտակ է, գլխի և հետևի մասում կան մոխրագույն բծեր։ Կտուցը դեղնանարնջագույն է, ոտքերը՝ դեղին։ Սպիտակ պոչի գագաթը սև է։

Տարածվածություն

Ծովային աղավնին ապրում է Միջերկրական ծովի հարավային ափին, Իբերիական թերակղզու հարավ-արևմուտքում, Էգեյան ծովում, Կարմիր ծովում, Պարսից ծոցում, Սև, Կասպից, Արալի ծովերում, Թուրքիայում, Իրանում, Բալոչիստանում և Սինդում։ Ձմռանը թռչունների մեծ մասը գաղթում են դեպի հարավ՝ Հյուսիսային Աֆրիկա և Հնդկաստան, իսկ ոմանք նաև Արևմտյան Եվրոպա։

Ծովային աղավնին հազվադեպ է հանդիպում բաց ծովում՝ ափերից հեռու։

Սնունդ

Ծովային աղավնին ուտում է հիմնականում փոքր ձկներ, ինչպես նաև միջատներ և տարբեր խեցգետնանմաններ։

Բազմացում

Ծովային աղավնին բնադրում է գաղութներով։ Բների հեռավորությունը սովորաբար 1 մետրից պակաս է, երբեմն՝ ընդամենը 20 սմ։ Ճուտը դառնում է սեռական հասուն տարիքի երկու տարեկանում։ Էգ թռչունը 2-3 ձու է դնում ավազի կամ կավի վրա։ Ծովալճակի, ծովի ափերիի մերձակայքում գտնվող փոքր կղզիները և աղի լճերը ափերը հանդիսանում են թռչունների բնադրման տեղ։

Պատկերասրահ

Ծովային աղավնին թռչելիս
Museum specimen

Ծանոթագրություններ

↑ «Голубок морской». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
↑ «Чайки». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
↑ Coursers, noddies, gulls, terns, auks, sandgrouse : [անգլ.] / F. Gill & D. Donsker (Eds). // IOC World Bird List (v 8.1). — 2018. — DOI:10.14344/IOC.ML.8.1.(Ստուգված է 17 Մարտի 2018).
↑ Burger, Joanna; Gochfeld, Michael; Garcia, Ernest (2020 թ․ մարտի 4). «Slender-billed Gull (Chroicocephalus genei)». Cornell Lab of Ornithology. {{cite journal}}: Cite journal requires |journal= (օգնություն)

Գրականություն

Gerald Tuck, Hermann Heinzel. Die Meeresvögel der Welt. Parey, Hamburg/Berlin 1980, ISBN 3-490-07818-7.
Peter Haymann, Rob Hume. Die Küstenvögel Europas. Kosmos, Stuttgart 2006, ISBN 3-440-10570-9.

Արտաքին հղումներ

Ռուսաստանի ողնաշարավոր կենդանիներ։ Ծովային աղավնի Արխիվացված 2018-03-17 Wayback Machine։

Վիքիցեղերն ունի նյութեր, որոնք վերաբերում են «Ծովային աղավնի» հոդվածին։

Վիքիպահեստն ունի նյութեր, որոնք վերաբերում են «Ծովային աղավնի» հոդվածին։

[1] «Голубок морской». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)

[2] «Чайки». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)

[IOC-3] Coursers, noddies, gulls, terns, auks, sandgrouse : [անգլ.] / F. Gill & D. Donsker (Eds). // IOC World Bird List (v 8.1). — 2018. — DOI:10.14344/IOC.ML.8.1.(Ստուգված է 17 Մարտի 2018).

[4] Burger, Joanna; Gochfeld, Michael; Garcia, Ernest (2020 թ․ մարտի 4). «Slender-billed Gull (Chroicocephalus genei)». Cornell Lab of Ornithology. {{cite journal}}: Cite journal requires |journal= (օգնություն)

[1]

[2]

[3]

[4]