Ծղոտե ցլիկ (մուլտֆիլմ, 1954)
 | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ռեժիսոր | Օլգա Խոդատաևա |
| Երաժշտություն | Նիկոլայ Բուդաշկին |
| Երկիր | .svg){kind=small} ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Թվական | 1954 |
Ծղոտե ցլիկ (ռուս.՝ Соло́менный бычо́к), 1954 թվականին նկարահանված խորհրդային մուլտիպլիկացոն ֆիլմ։ Մուլտֆիլմն ուկրաինական ժողովրդական «Ծղոտե ցլիկ, ձյութի տակառիկ» հեքիաթի էկրանավորումն է։ Մուլտֆիլմը ստեղծվել է Սոյուզմուլտֆիլմ ստուդիայում, ռեժիսորները Օլգա Խոդատաևան և Լեոնիդ Արիստովն են[1]։
Սյուժե[խմբագրել | խմբագրել կոդը]
Աղվեսը աքաղաղ է գողանում աղքատ խուտորի հավաբնից, որտեղ ապրում էին պապիկն ու իր թոռնիկը։ Նրանք նկատում են գողությունը և փորձում էին հետապնդել աղվեսին։ Արդյունքում աղվեսն ընկնում է, և աքաղաղը կորչում է անտառում։ Վերջին ընտանի կենդանուն կորցրած թոռնուհուն մխիթարելու համար պապիկը փայտից ու ծղոտից ցլիկ է պատրաստում և չորս կողմից պատում ձյութով։ Թոռնուհին ցլիկին տանում է արածելու և քնում է արևի տակ։ Այդ ժամանակ անտառից գալիս է արջը, որը փորձում է երկխոսել ցլիկի հետ, սակայն պատասխան չի ստանում։ Արդյունքում հակամարտություն է առաջանում, արջը հարվածում է ցլիկին, և իր թաթը մնում է ձյութի մեջ։ Արջին օգնության է հասնում աղվեսը նապաստակի հետ, բայց նրանք նույնպես չեն կարողանում պոկվել ցլիկից։ Ի վերջո պապիկը բոլոր երեքին գցում է վանդակի մեջ և բաց է թողնում միայն այն պայմանով, որ նրանք կգտնեն աքաղաղին։ Կենդանիները գտնում են աքաղաղին և բերում նրան տուն, այդպիսով հակամարտությունը վերջանում է։
Ֆիլմի սյուժեն տարբերվում է հեքիաթի սյուժեից, որտեղ կենդանիներն առանձին-առանձին հակամարտում են ցլիկի դեմ, իսկ հետո նրանցից յուրաքանչյունն առանձին պապիկի համար բերում է նվեր, այլ ոչ թե աքաղաղին։
Հեղինակներ[խմբագրել | խմբագրել կոդը]
- Սցենարի հեղինակ` Զինաիդա Ֆիլիմոնովա
- Ռեժիսորներ` Օլգա Խոդատաևա, Լեոնիդ Արիստով
- Կոմպոզիտոր` Նիկոլայ Բուդաշկին
- Բեմադրող նկարիչ` Լեոնիդ Արիստով
- Նկարչի օգնական` Ա. Դուրակով
- Նկարիչ-մուլտիպլիկատորներ` Ֆաինա Եպիֆանովա, Ռոման Դավիդով, Լիդիա Ռեզցովա, Ռոման Կաչանով, Վլադիմիր Արբեկով, Բորիս Բուտակով, Իգոր Պոդգորսկի, Վիկտոր Լիխաչև, Ելեն Խլուդովա, Վասիլի Ռյաբչիկով, Բորիս Չանի
- Նկարիչ-դեկորատորներ` Վերա Վալերիանովա, Ի. Տրոյանովա, Օլգա Գեմմերլինգ, Վերա Ռոջերո, Ի. Պրոկոֆևա
- Օպերատոր` Ն. Սոկոլովա
- Հնչյունային օպերատոր` Գեորգի Մարտինյուկ
- Տեխնիկական օգնականնեչ` Գ. Լյուբարսկայա, Ե. Շիլովո
- Մոնտաժողի օգնական` Նինա Մայորովա
Վերահնչյունավորում[խմբագրել | խմբագրել կոդը]
- 2001 թվականի հնչյունավորում. Իրինա Մալիկովա՝ Թոռնիկ, Աղվես, Բորիս Տոկարև՝ Պապիկ, Ալեքսանդր Կոտով՝ Արջ, Տատյանա Կանաևա՝ Նապաստակ։
- 2001 թվականին մուլտֆիլմը վերականգնվել է և կրկին վերահնչյունավորվել է «Ստուդիա ԱՍ» և «Մանկական սեանս» ընկերությունների կողմից։ Նոր տարբերակում փոխվել է ամբողջ հնչյունագրությունը, վերահնչյունավորմանը մասնակցել են ժամանակակից դերասաններ, իսկ լուսագրերում փոխվել են հնչյունային ռեժիսորի և հնչյունավորող դերասանների մասին տեղեկությունները։ Վերահնչյունավորումը խիստ բացասական արձագանք է գտել ինչպես հեռուստադտողի մեծ մասի, այնպես էլ` մասնագետների կողմից[2][3]։ Վերականգնված տարբերակի պատկերի որակը ևս երբեմն քննադատության է ենթարկվել։
Ծանոթագրություններ[խմբագրել | խմբագրել կոդը]
- ↑ Сергей Капков Энциклопедия отечественной мультипликации. — М.: Алгоритм, 2006. — С. 73-74, 691—692. — 816 с. — 3 000 экз. — ISBN 5-9265-0319-4
- ↑ Директор «Союзмультфильма» Акоп Гургенович Киракосян отвечает на вопросы читателей «Ленты. Ру»
- ↑ НЕТ — фальсификации анимационного наследия!
Արտաքին հղումներ[խմբագրել | խմբագրել կոդը]
- «Ծղոտե ցլիկ» մուլտֆիլմը «Անիմատոր.ռու» կայքում
- Ծղոտե ցլիկ(անգլ.) ֆիլմը Internet Movie Database կայքում
- Վերահնչյունավորված տարբերակ
|
