Ծիծեռնավանք (գյուղ, Քաշաթաղի շրջան)
Անվան այլ կիրառումների համար տե՛ս՝ Ծիծեռնավանք (այլ կիրառումներ)
| Գյուղ | ||
|---|---|---|
| Ծիծեռնավանք | ||
 | ||
| Երկիր |  Արցախ | |
| Շրջան | Քաշաթաղ | |
| Համայնք | Ծիծեռնավանք | |
| Մակերես | 7119,0 կմ² | |
| ԲԾՄ | 1291 մետր | |
| Բնակչություն | 113 մարդ | |
| Ազգային կազմ | Հայեր | |
| Կրոնական կազմ | Հայ Առաքելական Եկեղեցի | |
| Ժամային գոտի | UTC+4 | |
| ||
Ծիծեռնավանք, գյուղ Արցախի Հանրապետության Քաշաթաղի շրջանում[2]։
Մելիքաշեն, Տանձուտ և Արահոծ գյուղերի հետ միասին մտնում է Ծիծեռնավանք համայնքի մեջ[2]։
Աշխարհագրություն[խմբագրել | խմբագրել կոդը]
Բերձոր շրջկետնտրոնից գտնվում է 26 կմ հեռավորության վրա, իսկ մայրաքաղաք Ստեփանակերտից՝ 76 կմ հեռավորության վրա։ Համայնքը լեռնային է, ունի 7119,0 հա տարածք, որից 2323,4 հա գյուղատնտեսական նշանակություն, 4482,9 հա անտառային հողեր։ Ծիծեռնավանք համայնքի սահմանային գոտով հոսում է Աղավնո գետի վտակը։
Համայնքի տարածքում առկա են խմելու ջրի բազմաթիվ բնական աղբյուր-առվակներ։
Պատմություն[խմբագրել | խմբագրել կոդը]
Ազատագրվել է 1992 թվականի մայիսի 18-ին, բնակեցվել է 1994 թվականին՝ Ադրբեջանից բռնագաղթած հայ փախստականներով։
2020 թվականի Արցախյան երկրորդ պատերազմի հետևանքով գյուղը հայաթափվել և անցել է Ադրբեջանի հսկողության տակ[3]։
Բնակչություն[խմբագրել | խմբագրել կոդը]
2015 թվականին Ծիծեռնավանք համայնքի բնակչության թվաքանակը կազմում է 113 մարդ, կա 36 տնտեսություն։
Բնակավայրի ազգաբնակչության փոփոխությունը[4].
| Տարի | 2008 | 2009 | 2010 |
|---|---|---|---|
| Բնակիչ | 102 | 101 | 111 |
Տնտեսություն[խմբագրել | խմբագրել կոդը]
Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։
Պատմամշակութային հուշարձաններ[խմբագրել | խմբագրել կոդը]
Համայնքի պատմամշակութային հուշարձաններն են՝ Ծիծեռնավանք (5-7-րդ դարեր), 4 խաչքարեր (14-15-րդ դարեր), խաչքար (9-րդ դար), խաչքար (8-19-րդ դարեր), խաչքար (8-րդ դար), 2 խաչքարեր (9-11-րդ դարեր), խաչքար (1605 թ.), խաչքար (4-10-րդ դարեր), խաչքար (17-րդ դար), տապանաքար (1969 թ.), տապանաքար (1921 թ.)։ Մելիքաշեն գյուղում՝ Մելիք Հայկազի ապարանքը (15-րդ դարի վերջ), 2 խոյատապաններ (17-18-րդ դարեր), խաչքար (17-րդ դար), Տանձուտ գյուղում՝ ժայռափոր եկեղեցի (միջնադար), ջրաղաց (միջնադար)։
Հասարարակական կառույցներ[խմբագրել | խմբագրել կոդը]
2015 թվականի դրությամբ համայնքում գործում էր գյուղապետարան, բուժկետ, միջնակարգ դպրոց, որտեղ սովորում էին 32 աշակերտներ[5]։
Ծանոթագրություններ[խմբագրել | խմբագրել կոդը]
- ↑ Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ 2,0 2,1 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախը հրապարակել է Ադրբեջանի հսկողության տակ անցած համայնքների և բնակավայրերի ցանկը»։ Ազատություն Ռադիոկայան։ Դեկտեմբեր 10, 2020
- ↑ «Լեռնային Ղարաբաղի Հանրապետություն. Բնակչություն ըստ համայնքների»։ Վերցված է 2021 Մայիսի 1
- ↑ Ղահրամանյան Հակոբ (2015)։ Տեղեկաատու Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի։ Երևան։ էջ 352
Արտաքին հղումներ[խմբագրել | խմբագրել կոդը]
- Հակոբ Ղահրամանյան, ՏԵՂԵԿԱՏՈւ Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.
